បទយកការណ៍
យុវជនខ្មែរម្នាក់មានសមត្ថភាពផលិតម៉ូតូច្នៃជិះកម្សាន្តមិនចាញ់បរទេស
ចុះផ្សាយនៅថ្ងៃ៖
ស្តាប់ - ០៨:២៥
ផ្តើមចេញពីគំនិតច្នៃប្រឌិត និងការចង់បង្កើតនូវស្នាដៃជារបស់ខ្លួនផ្ទាល់ បានញាំងឲ្យយុវជនខ្មែរម្នាក់បានលះបង់ពេលទំនេរដែលសេសសល់ពីការសិក្សាមកផលិតម៉ូតូច្នៃសម្រាប់ជិះកម្សាន្តមិនចាញ់បរទេសនោះឡើយ។យុវជន ម៉ៃ ឃុនឧត្តមវិសា អាចចាត់ទុកថា ជាយុវជនម្នាក់ក្នុងចំណោមយុវជនខ្មែរជាច្រើនដែលសម្បូរទៅដោយគំនិតច្នៃប្រឌិតលើផ្នែកគ្រឿងយន្ត និងចង់ក្លាយខ្លួនជាអ្នកផលិតម៉ូតូច្នៃដ៏ឆ្នើមមួយរូបនៅពេលអនាគតផងដែរ បើទោះបីពេល នេះប្រជាពលរដ្ឋខ្មែរទូទៅនៅមិនទាន់ឲ្យតម្លៃខ្លាំងលើគំនិតច្នៃប្រឌិតប្លែកៗបែបនេះក៏ដោយ។
