លោក វង្ស សុវណ្ណ ៖ រោងចក្រកាត់ដេរ រហូតដល់ថ្ងៃចន្ទ ទើបបើកធ្វើការឡើងវិញ
ចុះផ្សាយនៅថ្ងៃ៖
ស្តាប់ - ១០:៣៣
ភ្ញៀវប្រចាំថ្ងៃ របស់វិទ្យុបារាំង RFI នៅថ្ងៃសៅរ៍នេះ គឺ លោក វង្ស សុវណ្ណ អគ្គលេខាធិការរង នៃគណៈកម្មការដោះស្រាយបញ្ហាកូដកម្ម បាតុកម្ម គ្រប់មុខសញ្ញារបស់ក្រសួងការងារ និងបណ្តុះបណ្តាលវិជ្ជាជីវៈ។ សហជីពមួយចំនួន បានដឹកនាំកម្មករធ្វើកូដកម្ម ដោយឈប់សម្រាកបន្តពីពិធីបុណ្យចូលឆ្នាំ ចាប់ពីថ្ងៃទី១៧ មេសា ដល់ថ្ងៃទី២២មេសា។ ប៉ុន្តែ លោក វង្ស សុវណ្ណ បានអះអាងថា ការឈប់សម្រាករបស់កម្មករពេលនេះ ដោយសារតែរោងចក្រកាត់ដេរ រហូតដល់ថ្ងៃចន្ទ ទី២១ មេសា ទើបបើកទ្វារដំណើរការជាធម្មតាឡើងវិញ។ ម្យ៉ាងទៀត រោងចក្រមួយចំនួន មិនសូវមានការងារធ្វើ ហើយភាគីកម្មករ និងភាគីរោងចក្រ បានព្រមព្រៀងគ្នា ដោះដូរថ្ងៃឈប់សម្រាកប្រចាំឆ្នាំរបស់កម្មករ។
