លោក សម រង្ស៊ី គូសបញ្ជាក់អំពីឯកភាពលើរបៀបធ្វើឱ្យ គ.ជ.ប ឯករាជ្យពិតប្រាកដ
ការរកឃើញកិច្ចព្រមព្រៀងក្រៅផ្លូវការជាមួយគណបក្សប្រជាជនកម្ពុជាលើការកែទម្រង់ស្ថាប័នជាតិរៀបចំការបោះឆ្នោត ត្រូវបានលោក សម រង្ស៊ី ប្រធានគណបក្សសង្គ្រោះជាតិ គូសបញ្ជាក់ឡើងវិញ នៅចំពោះមុខសមាជិកក្រុមប្រឹក្សាឃុំ សង្កាត់ និងអ្នកគាំទ្រ របស់គណ បក្សប្រឆាំង នៅខេត្តសៀមរាប កាលពីម្សិលមិញ។ បើតាមលោក សម រង្ស៊ី វាជាការសម្រេច បានជោគជ័យពាក់កណ្តាល ក្នុងដំណើរចរចា ដើម្បីរកច្រកចេញពីវិបត្តិនយោបាយជាមួយគណបក្សកាន់អំណាច។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៤
នៅឯខេត្តសៀមរាប កាលពីម្សិលមិញ លោក សម រង្ស៊ី បានអះអាងបញ្ជាក់ជាថ្មីថា គណបក្សសង្គ្រោះជាតិ និងគណបក្សប្រជាជនកម្ពុជា បានឯកភាពគ្នារួចហើយ លើកំណែទម្រង់ស្ថាប័នជាតិរៀបចំការបោះឆ្នោត។ ដោយមិនបានបញ្ជាក់អំពីខ្លឹមសារពិស្តារនៃកិច្ចព្រមព្រៀងក្រៅផ្លូវការនោះ ប្រធានគណបក្សសង្គ្រោះជាតិរូបនេះ បានលើកឡើងជាថ្មី នៅចំពោះមុខសមាជិកក្រុមប្រឹក្សាឃុំសង្កាត់ និងអ្នកគាំទ្រគណបក្សប្រឆាំង។
កាលពីថ្ងៃទី១០ ខែមេសា កន្លងទៅ លោក សម រង្ស៊ី បានថ្លែង នៅក្នុងសន្និសីទសារព័ត៌មានមួយថា គណបក្សប្រឆាំង និងគណបក្សកាន់អំណាច បានយល់ស្របគ្នាថា ការកែទម្រង់ស្ថាប័នជាតិរៀបចំការបោះឆ្នោតត្រូវធ្វើឡើងដោយមានការឯកភាពជាឯកច្ឆ័នរវាងគណបក្សទាំងពីរ ហើយឯករាជ្យភាពនៃស្ថាប័ននេះត្រូវចែងនៅក្នុងរដ្ឋធម្មនុញ្ញ។ ប៉ុន្តែ ពេលនោះ ប្រធានគណបក្សសង្គ្រោះជាតិរូបនេះបានលើកឡើងអំពីកិច្ចការលម្អិត ដែលគណបក្សទាំងពីរត្រូវធ្វើ ទាក់ទងនឹងឯករាជ្យភាពនៃស្ថាប័នរៀបចំការបោះឆ្នោត។
មកដល់ពេលនេះ យើងមិនទាន់បានដឹងនៅឡើយទេថា ពេលណាទើបមានកិច្ចព្រមព្រៀងផ្លូវការរវាងគណបក្សទាំងពីរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ