ប័ណ្ណកម្មសិទ្ធិដីចម្ការញញឹមរកអ្នកខេត្តក្រចេះ
ចុះផ្សាយនៅថ្ងៃ៖
ស្តាប់ - ០៩:០២
ប័ណ្ណកម្មសិទ្ធិសម្រាប់៣៩១ក្បាលដី ដែលមានផ្ទៃដីសរុប១៥៦២,៧៥ហិកតា នឹងត្រូវប្រគល់ឱ្យប្រជាពលរដ្ឋខេត្តក្រចេះ ដែលបានមកតវ៉ានៅរាជធានីភ្នំពេញ តាំងពីខែកក្កដាមក។ ការសម្រេចម្សិលមិញរបស់លោក អ៊ឹម ឈុនលឹម រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កើតឡើងបន្ទាប់ពីសម្រែកនាយករដ្ឋមន្ត្រី។ អ្នកភូមិថ្ពង និងអ្នកភូមិគ្រង ឃុំស្នួល ស្រុកស្នួល ចំនួន៣២៩គ្រួសារ អាចទៅយកប័ណ្ណកម្មសិទ្ធិពីសាលាខេត្តក្រចេះ ឬពីមន្ទីរជំនាញ ចាប់ពីថ្ងៃទី០៣ ខែកញ្ញាទៅ។ អ្នកតវ៉ាជាច្រើនសប្បាយ មន្ត្រីសិទ្ធិមនុស្សត្រេកអរ គណបក្សប្រឆាំងចាំមើល ហើយអ្នកតវ៉ាផ្សេងទៀតរង់ចាំចម្លើយ។
