ការកែប្រែរដ្ឋធម្មនុញ្ញដាក់គជបជាស្ថាប័នធម្មនុញ្ញ គឺយកតាមសេចក្តីព្រាងរបស់គណបក្សប្រជាជនកម្ពុជា
ចុះផ្សាយនៅថ្ងៃ៖
ស្តាប់ - ០៦:៥៨
រដ្ឋសភាបានអនុម័តលើសេចក្តីស្នើច្បាប់ធម្មនុញ្ញស្តីពី វិសោធនកម្ម មាត្រា ៧៦ និងមាត្រាទាំងឡាយពីជំពូកទី១៥ថ្មី ដល់ជំពូកទី១៦ថ្មី នៃរដ្ឋធម្មនុញ្ញ និយាយពីស្ថាប័នរៀបចំការបោះឆ្នោតគជប កាលពីព្រឹកថ្ងៃទី១តុលា។ ការអនុម័តជាឯកច្ឆន្ទរបស់រដ្ឋសភាលើវិសោធនកម្មរដ្ឋធម្មនុញ្ញនាពេលនេះ គឺយកតាមលំនាំនៃសេចក្តីព្រាងរបស់គណបក្សប្រជាជនកម្ពុជា ដែលក្រុមការងារ បានចរចាសម្រេច កាលពីថ្ងៃទី១សីហា។ ប៉ុន្តែលោក សម រង្ស៊ី នៅតែជឿជាក់ថា ការដាក់ឲ្យគជបស្ថិតក្នុងច្បាប់រដ្ឋធម្មនុញ្ញនាពេលនេះ នឹងធ្វើឲ្យគជប ឯករាជ្យ និងធ្វើឲ្យការបោះឆ្នោតលើកក្រោយត្រឹមត្រូវ សុក្រឹត និងយុត្តិធម៌។
