ភ្ញៀវប្រចំាសប្តាហ៍របស់វិទ្យុបារំាងអន្តរជាតិនៅថ្ងៃសៅរ៍ ទី១២ មករានេះ គឺលោកស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ។ ឆ្លើយនឹងសំណួររបស់ គួច គន្ធារ៉ា លោកស ខេងបានបញ្ជាក់ថា អ្នកទោសដែលនឹងទទួលបានការដោះលែង ឬមួយការបន្ធូរបន្ថយទោសត្រូវតែអនុវត្តទោសរបស់ខ្លួនឲ្យបាន ១ភាគ៣ជាមុនសិន។ យោងតាមលោកស ខេង កម្ពុជាគ្មានអ្នកទោសនយោបាយទេ។ ដោយឡែក នៅក្នុងឱកាសរៀបចំព្រះរាជពិធីដង្ហែ និងថ្វាយព្រះភ្លើង ព្រះបរមសព ព្រះបរមរតនកោដ្ឋនៅដើមខែកុម្ភៈខាងមុខ លោកស ខេងបានបញ្ជាក់ថា កម្ពុជាបានត្រៀមកម្លំាងប៉ូលិស និងកងរាជអាវុធហត្ថសរុបជាង ១០ ០០០នាក់៕
មើលវគ្គផ្សេងទៀត
-
លោក ហេង គឹមហុង៖ការជិះកង់មានឧបសគ្គទាំងបញ្ហាធម្មជាតិ និងការតាមដានរបស់អាជ្ញាធរ
ក្រុមយុវជនជិត៣០នាក់ជិះកង់បានរយៈចម្ងាយ៧០០គីឡូម៉ែត្រហើយដើម្បីបរិស្ថាន ខណៈគោលដៅចុងក្រោយរបស់ពួកគេ គឺជិះកង់ឲ្យបានចម្ងាយមួយពាន់គីឡូម៉ែត្រ។ ក្នុងបទសម្ភាសជាមួយវិទ្យុបារាំងអន្តរជាតិ RFI លោក ហេង គឹមហុង ប្រធានប្រតិបត្តិសមាគមបណ្តាញយុវជនកម្ពុជាបានកត់សម្គាល់ពីឧបសគ្គចំនួនពីរ គឺឧបសគ្គដែលកើតឡើងធម្មជាតិ និងឧបសគ្គកើតឡើងដោយអាជ្ញាធរ។ តែទោះជាយ៉ាងណា លោក និងក្រុមលោកនឹងបន្តជិះកង់ឲ្យដល់គោលដៅក្នុងន័យជំរុញឲ្យភាគីពាក់ព័ន្ធយកចិត្តទុកដាក់ពីបញ្ហាបរិស្ថាន។15/05/202410:09 -
លោក អំ សំអាត៖ អង្គការសហប្រជាជាតិគួររំឭករដ្ឋាភិបាលកម្ពុជាពីបញ្ហាបំណុល
លោក អំ សំអាត នាយកប្រតិបត្តិអង្គការលីកាដូ បានលើកឡើងថា មានពលរដ្ឋខ្មែរចំនួន ១៦ម៉ឺននាក់បានលក់ដីដើម្បីដោះបំណុលនៅក្នុងចំណោមកម្ចីជាង២លានករណី។ នៅក្នុងបទសម្ភាសជាមួយវិទ្យុបារាំងអន្តរជាតិ RFI លោក អំ សំអាត ចាត់ទុកបញ្ហានេះថាជាការរំលោភសិទ្ធិមនុស្ស ដោយសារតែកូនបំណុលខ្លះត្រូវបង្ខំចិត្តឈប់រៀនទៅធ្វើការដើម្បីដោះបំណុល និងកាត់បន្ថយរបបអាហារប្រចាំថ្ងៃ។ នៅក្នុងន័យនេះ អង្គការលីកាដូ ទទូចឲ្យអង្គការសហប្រជាជាតិរំឭករដ្ឋាភិបាលកម្ពុជាពីបញ្ហាបំណុលនេះ ខណៈស្ថានភាពសិទិ្ធមនុស្សនៅកម្ពុជានឹងត្រូវលើកទៅត្រួតពិនិត្យនៅថ្ងៃទី៨ ខែឧសភា ឆ្នាំ២០២៤ ដោយក្រុមប្រឹក្សាសិទិ្ធមនុស្សអង្គការសហប្រជាជាតិ។06/05/202412:38 -
លោកស្រី ឃួន វិច្ឆិកា៖ កម្ពុជាមិនទាន់ឈានដល់ការបិទសាលារៀនដោយសារតែការឡើងកម្តៅ
ប្រឈមនឹងអាកាសធាតុដែលកំពុងឡើងកម្តៅខ្លាំង មានប្រទេសអាស៊ីមួយចំនួនបានសម្រេចបិទសាលារៀន។ នៅកម្ពុជា ក្រសួងអប់រំតាមរយៈអ្នកនាំពាក្យ លោកស្រី ឃួន វិច្ឆិកា បានបញ្ជាក់ពីការពិចារណាលើវិធានការដូចគ្នានេះ តែថាស្ថានភាពនៅកម្ពុជាមិនទាន់ឈានដល់កម្រិតនៃការបិទសាលារៀននៅឡើយទេ។ តាម លោកស្រី ឃួន វិច្ឆិកា ក្រសួងអប់រំ បានដាក់ចេញនូវវិធានការចាំបាច់ដូចជាឲ្យអ្នកពាក់ព័ន្ធរាយការណ៍ជាប្រចាំដើម្បីដឹងពីស្ថានភាពសិស្សនៅតាមសាលារៀនក្នុងគ្រាដែលអាកាសធាតុកំពុងតែឡើងកម្តៅ។ អ្នកនាំពាក្យក្រសួងអប់រំរូបនេះ ដដែលបានបន្ថែមថា ក្នុងករណីដែលសាលារៀនមិនអាចទប់ទល់នឹងស្ថានភាពកម្តៅបាន គឺត្រូវរាយការណ៍ជាបន្ទាន់ទៅមន្ទីរអប់រំនៅតាម រាជធានី និងខេត្ត។29/04/202408:03 -
លោក ស៊ុន ចន្ធី៖ ការរំសាយបាតុកម្ម គឺដោយសារតែអាកាសធាតុក្តៅខ្លាំងពេក
គណបក្សកម្លាំងជាតិបានធ្វើបាតុកម្មតែមួយព្រឹកថ្ងៃទី២២ ខែមេសានេះ រួចក៏រំសាយទៅវិញ ខណៈតាមគម្រោងត្រូវធ្វើចំនួន៣ថ្ងៃជាប់ៗគ្នាចាប់ពីថ្ងៃទី២២ ដល់ថ្ងៃទី២៤ ខែមេសា។ ក្នុងបទសម្ភាសជាមួយវិទ្យុបារាំងអន្តរជាតិ RFI លោក ស៊ុន ចន្ធី បានអះអាងថា ការរំសាយបាតុកម្មគឺដោយសារតែអាកាសធាតុក្តៅខ្លាំងពេក។ ទោះជាយ៉ាងណា ប្រធានគណបក្សកម្លាំងជាតិរូបនេះ នៅតែរក្សាជំហរទាមទារឲ្យដោះលែងសមាជិកជាន់ខ្ពស់២រូប គឺ លោក អ៊ុំ វីរ:រដ្ឋ និងលោក មឺ សេងហ៊ និងចង់ឃើញរដ្ឋាភិបាលមានយន្តការសម្របសម្រួលវិវាទនយោបាយនៅក្រៅប្រព័ន្ធតុលាការ៕22/04/202408:17 -
លោក វិចទ័រ ហ្សូនា៖ កម្ពុជាមានលទ្ធភាពផ្គត់ផ្គង់អគ្គិសនីគ្រប់គ្រាន់នៅរដូវក្តៅនេះ
អ្នកជំនាញខាងថាមពល អះអាងថា នៅរដូវក្តៅនេះ កម្ពុជាមានលទ្ធភាពផ្គត់ផ្គង់អគ្គិសនីបានគ្រប់គ្រាន់ ខណៈតម្រូវការប្រើប្រាស់កើនឡើង៣០%។ ក្នុងបទសម្ភាសជាមួយវិទ្យុបារាំងអន្តរជាតិ RFI អនុរដ្ឋលេខាធិការ ក្រសួងរ៉ែ និងថាមពល លោក វិចទ័រ ហ្សូនា បញ្ជាក់ថា រោងចក្រផលិតអគ្គិសនីដោយប្រើប្រេងខ្មៅ នៅខេត្តកណ្តាលនឹងផលិតអគ្គិសនីដើម្បីបំពេញចន្លោះខ្វះខាត។ បើតាមអនុរដ្ឋលេខាធិការ ក្រសួងរ៉ែ និងថាមពល កម្ពុជាមានលទ្ធភាពផលិតអគ្គិសនីខ្លួនឯងបាន៧៥% ពោលគឺត្រូវការទិញពីប្រទេសជិតខាងតែ២៥%ប៉ុណ្ណោះ ខណៈកម្ពុជាក៏មានគម្រោងលក់អគ្គិសនីទៅឲ្យសិង្ហបុរីនៅពេលខាងមុខ។08/04/202409:07