បឋមសិក្សាពេជ្រម្កុដជិតភ្នំពេញ តែស្ថានភាពហាក់ដូចនៅឆ្ងាយ
ចុះផ្សាយនៅថ្ងៃ៖
ស្តាប់ - ០៨:០៨
សាលាបឋមសិក្សាពេជ្រម្កុដមានសិស្សានុសិស្សប្រមាណជា១០០នាក់ ដែលសិ្ថតនៅក្នុងភូមិទួលមាស ឃុំអរិយក្សត្រ ស្រុកល្វាឯម ខេត្តកណ្តាល។ សាលាបឋមសិក្សានេះ មានចំងាយប្រមាណជា២គីឡូម៉ែត្រប៉ុណ្ណោះពីរាជធានីភ្នំពេញ ប៉ុន្តែសាលាដែលមានបីបន្ទប់មួយនេះ គឺកំពុងខ្វះខាតជាច្រើន។ គ្មានឡើយបណ្ណាល័យ ថ្នាក់មតេយ្យសិក្សា ទីកន្លែងសម្រាប់កុមារលេងកំសាន្ត និងសូម្បីតែរបងសាលាក៏គ្មានដែរ ហើយពេលខ្លះគ្រូបង្រៀនតែម្នាក់ ឬពីរនាក់ ត្រូវបង្រៀងបឋមសិក្សាទាំងមូលក៏មាន។ បើទោះបីជាមានស្ថានភាពមិនសូវអំណោយផលក៏ដោយ ក៏នាយកសាលា បានលើកឡើងថា បច្ចុប្បន្ន សិស្សានុសិស្សមានចំនួនកើនឡើងគួរឱ្យកត់សំគាល់។ ចំណែកឯគុណភាពសិក្សាវិញក៏មិនអន់ដែរ។
