អ្នកទទួលខុសត្រូវជាន់ខ្ពស់ប៉ូលិសម្នាក់ជាប់ចោទពីបទឆបោកដ៏ធំធេង
ការស៊ើបអង្កេតពីបទឩក្រិដ្ឋមួយត្រូវបានបើក បន្ទាប់ពីការចាប់ខ្លួននៅម៉ូស្គូ ឩត្តមសេនីយម្នាក់ តាមផ្លូវការ ទទួលបន្ទុកខាងប្រយុទ្ធទល់នឹងបទឩក្រិដ្ឋចាត់តាំងឡើង។ លោកAlexandre Bolkovប្រហែលជាបានជំរិតយកប្រាក់គេរាប់លានអឺរ៉ូ។ការនេះឆ្លុះ ឱ្យឃើញជាថ្មីម្តងទៀតអំពើពុករលួយដែលស៊ីរូងប្រទេសរុស្ស៊ី នៅគ្រប់ជាន់ថ្នាក់នៃសង្គម។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់វីនស្តុន រតនា
គឺជាអ្នកទទួលខុសត្រូវជាន់ខ្ពស់បំផុតមួយនៃប៉ូលិសត្រូវជាប់ចោទពីបទពុករលួយ ចាប់តាំងពីដប់ឆ្នាំមក។ លោកឩត្តមសេនីយប៉ូលិស Alexandre Bolkov ត្រូវបានតុលាការមួយនៅម៉ូស្គូ ចោទតាមផ្លូវការ នៅថ្ងៃសុក្រ២១មករា ពីបទជំរិតយកប្រាក់គេ។
ជាសំណើចចំអកនៃប្រវត្តិសាស្ត្រ លោកឩត្តមសេនីយ Bolkovបានស្ថិតនៅក្នុងអង្គភាពប្រឆាំងនឹងអំពើពុករលួយ។ ជាអាទិ៍ គាត់បានសម្របសម្រួលការប្រយុទ្ធទល់នឹងអំពើពុករលួយ ប្រចាំនៅក្នុង១១អតីតសាធារណរដ្ឋសូវៀតនៃសហគមន៍រដ្ឋឯករាជ្យ។
ត្រូវបានជាប់ឃុំពីថ្ងៃពុធមក លោកBolkovចង់ជំរិតយកប្រាក់ជិត៣៤លានអឺរ៉ូពីbusinessman មួយរូប ដើម្បីអនុញ្ញាតឱ្យគាត់អាចកាន់កាប់សហគ្រាសមួយ។
ការចាប់ខ្លួនគាត់បញ្ជាក់អះអាងពាក្យសំដីរបស់លោកប្រធានាធិបតីរុស្ស៊ី ឌ្មីទ្រី ម៉េដវេដេវ( Dmitri Medvedev ) ថ្លែងកាលពីប៉ុន្មានថ្ងៃមុន ដោយស្តាយអវត្តមាននៃលទ្ធផល នៅពេលដែលលោក ម៉េដវេដេវ ចាត់ទុកការប្រយុទ្ធទល់នឹងអំពើពុករលួយថា ជាអាទិភាពមួយនៃអាណត្តិរបស់ខ្លួន។
ការស្ទង់មតិជាបន្តបន្ទាប់គ្នា បញ្ជាក់ប្រាប់ថា ប្រជាជនរុស្ស៊ី ស្គាល់ភិនភាគនៃអំពើពុករលួយ ទុកដូចជាគ្រោះអាសន្នដ៏ធំបំផុតមួយនៃប្រទេស ជាអាទិ៍ អំពើពុករលួយរបស់ភ្នាក់ងារប៉ូលិសរុស្ស៊ី។ គេពុំបានយល់ខុសទេ ដ្បិតស្របតាមតួលេខជាផ្លូវការ ចំនួនមួយភាគបីនៃអំពើពុករលួយ ត្រូវបានប្រព្រឹត្តដោយភ្នាក់ងារប៉ូលិសកំពុងបំពេញមុខងាររបស់ខ្លួន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ