ជនពិការប្រើរទេះរុញលែងមានឧបសគ្គទៀតហើយជាមួយរថយន្តបំពាក់ឧបករណ៍លើកជនពិការ
ចុះផ្សាយនៅថ្ងៃ៖
ស្តាប់ - ០៧:៥១
នៅថ្ងៃព្រហស្បតិ៍ទី១០ មេសានេះ អង្គការជនពិការកម្ពុជា បានដាក់សម្ពោធឱ្យប្រើប្រាស់នូវរថយន្តបំពាក់ឧបករណ៍សម្រាប់លើកជនពិការ ជាលើកដំបូងនៅកម្ពុជា មួយគ្រឿង។ តាមរយៈរថយន្តដែលមានឧបករណ៍លើកជនពិការប្រើរទេះរុញចូលទៅក្នុងរថយន្តនេះ ជនពិការដែលប្រើប្រាស់រទេះរុញលែងមានឧបសគ្គសម្រាប់អ្នករួមដំណើរទៀតហើយ ក្នុងពេលធ្វើដំណើរ។
នាយកប្រតិបត្តិអង្គការជនពិការកម្ពុជា បានសម្តែងក្តីសោមនស្សរីករាយចំពោះវត្តមានរថយន្តបែបនេះ បើទោះបីជារថយន្តនេះ មានត្រឹមតែមួយគ្រឿងក៏ដោយ។ រថយន្តនេះ នឹងជួយសម្រួលកិច្ចការធ្វើដំណើរយ៉ាងច្រើនដល់ជនពិការ។ ប៉ុន្តែយ៉ាងណាក៏ដោយ រថយន្តមួយគ្រឿងនេះ មិនអាចជួយសម្រួលការធ្វើដំណើររបស់ជនពិការប្រមាណជាង ២០ម៉ឺននាក់ក្នុងប្រទេសកម្ពុជាបាននោះទេ។ ដូច្នេះ ការបង្កើតចំណតសម្រាប់ជនពិការនៅទីសាធារណៈ និងបង្កើតច្រកសម្រាប់ជនពិការសម្រាប់ធ្វើដំណើរតាមរថយន្តនោះទៀតសោត ក៏ត្រូវមានការជួយការគិតគូរពីស្ថាប័នពាក់ព័ន្ធផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ