កម្ពុជាទាត់ចោលការចោទរបស់ថៃដែលថាកម្ពុជាបញ្ជូនមនុស្សទៅជួយគាំទ្រលោកស្រីយីងឡាក់
ក្រសួងកាបរទេសកម្ពុជា បានច្រានចោលការចោទប្រកាន់របស់កងទ័ពជើងទឹកប្រទេសថៃដែលថា កម្ពុជាបានបញ្ជូនមនុស្សឱ្យចូលប្រទេសថៃដើម្បីចូលរួមគាំទ្ររដ្ឋាភិបាលលោកស្រី យីងឡាក់។ ថ្លែងប្រាប់វិទ្យុបារាំងអន្តរជាតិ RFI នៅរសៀលថ្ងៃពុធទី២២មករានេះ លោក កុយ គួង អ្នកនាំពាក្យក្រសួងការបរទេសបានថ្លែងថា ការចោទប្រកាន់របស់យោធាជើងទឹកថៃដែលអះអាងថាមានរថយន្តដឹកពលរដ្ឋកម្ពុជាទៅកាន់ប្រទេសថៃនោះ គឺជាការចោទប្រកាន់ទាំងងងើល។ ហើយថា កម្ពុជាតែងតែណែនាំពលកររបស់ខ្លួនមិនចូលរួមសកម្មភាពណាមួយនៅក្នុងប្រទេសថៃឡើយ។ យ៉ាងណាក៏ដោយ លោក កុយ គួងបានអះអាងថា នៅថ្ងៃទី២២ មករានេះ ក្រសួងការបរទេសថៃ ក៏បានចេញមកបកស្រាយថាការចោទប្រកាន់នោះគឺជារឿងប្រាស់ចាកពីការពិតដែរ។ គួររំលឹកថា ការបដិសេធយ៉ាងដាច់អហង្កាយ៉ាងដូចនេះ ក្រោយពេលមន្រ្តីទ័ពជើងទឹកថៃម្នាក់ កាលពីថ្ងៃចន្ទដើមសប្តាហ៍កន្លងទៅ បានចោទប្រកាន់ថា មានពលរដ្ឋខ្មែរប្រមាណជា១០ឡានត្រូវបានដឹកបញ្ជូនក្នុងទឹកដីថៃ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៩
