អ្នកតាមដាននយោបាយខ្មែរនិងគណបក្សនយោបាយលើកពីការចរចាដើម្បីបន្ថយកម្តៅ
ចុះផ្សាយនៅថ្ងៃ៖
ស្តាប់ - ០៨:២៧
ស្ថានការណ៍នយោបាយនៅប្រទេសកម្ពុជានៅក្នុងសប្តាហ៍នេះ ត្រូវគេមើលឃើញថាបានឡើងកម្តៅខ្ពស់មិនធ្លាប់មាន។ ការឡើងកម្តៅបានកើតឡើងបន្ទាប់ពីអាជ្ញាធរដែលដឹកនាំដោយគណបក្សកាន់អំណាច បានចាប់ខ្លួនតំណាងរាស្ត្រគណបក្សសង្គ្រោះជាតិជាបន្តបន្ទាប់ បន្ទាប់ពីមានការផ្ទុះឡើងអំពើហិង្សា កាលពីថ្ងៃអង្គារ នៅក្បែរទីលានប្រជាធិបតេយ្យ ដែលធ្វើឲ្យកងការពារសន្តិសុខខណ្ឌដូនពេញរងរបួសធ្ងន់ស្រាលជាង៣០នាក់។ ហើយសកម្មជនគាំទ្រគណបក្សសង្គ្រោះជាតិ ក៏រងរបួសមួយចំនួនដែរ។ ការចាប់ខ្លួននិងប្រើប្រាស់ប្រព័ន្ធតុលាការដើម្បីដាក់ទោសទៅលើតំណាងរាស្ត្រជាប់ឆ្នោតគណបក្សប្រឆាំង បានធ្វើឲ្យនយោបាយដែលជាប់គាំងស្រាប់ កាន់តែតានតឹងបន្ថែមទៀត។
