តន្រ្តីប្រមូលប្រាក់ជួយចាស់ៗអ្នកសុំទានមានអ្នកចូលរួមភាគច្រើនជាយុវជន
ចុះផ្សាយនៅថ្ងៃ៖
ស្តាប់ - ០៨:៥០
កាលពីរាត្រីថ្ងៃសុក្រទី២១ មីនា ម្សិលមិញនេះ ក្រុមហ៊ុនអានុស្សា និង សាលាបង្រៀនព្យាណូ ស្រណោះ បានរៀបចំការប្រគំតន្រ្តីព្យាណូ ឈ្មោះថា តន្រ្តីស្នាមញញឹមនៃវ័យជរា ដើម្បីប្រមូលថវិកាយកទៅរៀបចំកម្មវិធីមួយ ដើម្បីឲ្យចាស់ៗអ្នកសុំទាន ទទួលបានអាហារ កន្លែងសម្រាក និង សម្លៀកបំពាក់ថ្មីៗ នៅថ្ងៃទី៧ មេសា ខាងមុខ។ មនុស្សប្រមាណ៣០០នាក់បានទៅទស្សនាការប្រគំតន្រ្តីនៅយប់មិញ និង បានបរិច្ចាគថវិកាគំាទ្រកម្មវិធីមនុស្សធម៌មួយនេះ។ ក្រៅពីបានស្តាប់តន្រ្តីព្យាណូ នៅក្នុងរយៈពេលជាង៣ម៉ោង នៅយប់មិញក៍មានចាក់បង្ហាញវីដេអូខ្លីស្តីពីជីវិតទុរគតជនជាអ្នកសុំទាន។ លើសពីនេះអ្នកចូលរួមខ្លះក៍បានចែករំលែកបទពិសោធន៍ផ្ទាល់ខ្លួនដែលពួកគេបានឃើញពីទុក្ខលំបាករបស់ចាស់ៗជរាដែលដើរសុំទានក្នុងទីក្រុងទៀតផង។