ទីក្រុងសេអ៊ូលទន្ទ្រានទីប្រជុំកោះដែលជប៉ុនថាជាកម្មសិទ្ធិខ្លួន
កូរ៉េខាងត្បូងនឹងសាងសង់មូលដ្ឋានកងនាវាមួយរបស់ខ្លួននៅកោះ Ulleung ជិតម្តុំទីប្រជុំកូនកោះ Dokdo/Takeshima ដែលជប៉ុននិងកូរ៉េខាងត្បូងទាមទារជាកម្មសិទ្ធិរៀងៗខ្លួន។ ការសង់មូលដ្ឋានកងនាវានៅជិតទីប្រជុំកោះ ជម្លោះ នេះ អនុញ្ញាតឲ្យកងនាវាចម្បាំងកូរ៉េខាងត្បូង អាចទៅដល់មុនជប៉ុន ក្នុងករណីយមានការប្រឈមមុខគ្នា។នេះជាការថ្លែងបញ្ជាក់របស់អ្នកតំណាងរាស្ត្រ កូរ៉េខាងត្បូងម្នាក់នៃគណបក្សកាន់អំណាចនៅក្នុងប្រទេសនាថ្ងៃពុធទី២៨ កញ្ញា២០១១នេះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១១
រដ្ឋាភិបាលកូរ៉េខាងត្បូង នឹងបោះទុនចំនួន ៣០០លានដុល្លារឬស្មើនឹង២២១លានអឺរ៉ូ សំរាប់ការសាងសង់ មួលដ្ឋានយោធាមួយ នៃកងនាវាកូរ៉េខាងត្បូង នៅលើកោះ Ulleung.។ កោះ Ulleung. របស់ កូរ៉េខាងត្បូង ស្ថិតនៅជិត ទីប្រជុំកោះ ក្នុងសមុទ្រជប៉ុន ដែល ត្រួតត្រាដោយទីក្រុងសេអ៊ូល។ ទីក្រុងសេអ៊ូលដែលនៅតែបន្តរក្សាទុកវត្តមាននៃកងនគរបាលមួយចំនួនតូចរបស់ខ្លួននៅលើទីប្រជុំកោះជម្លោះដែលជប៉ុននិងកូរ៉េខាងត្បូង ទាមទារគ្រប់គ្រងរៀងៗខ្លួន។ ទីប្រជុំកោះនេះ ជប៉ុន-ហៅឈ្មោះថា » Takeshima » រីឯកូរ៉េខាងត្បូងហៅថា « Dokdo»។
មួយវិញទៀត មូលដ្ឋានកងនាវាកូរ៉េខាងត្បូងនេះ ដែលនឹងត្រូវចាប់ផ្តើមសាងសងនៅឆ្នាំ២០១២ រហូតដល់ឆ្នាំ ២០១៥ មាន ប្រវែង ៣០០ម៉ែត្រ អាចឲ្យ នាវាចម្បាំង និង នាវាមុជទឹក ផ្ទុកឧទ្ធម្ភាគចក្រ ទម្ងន់ ១ម៉ឺន៤០០០តោនចូលចតបាន មានឈ្មោះថា”Dokdo »។
ក្នុងករណីយមានការប្រឈមមុខគ្នាជាមួយប្រទេសជប៉ុន នាវារបស់កូរ៉េខាងត្បូង អាចនឹងទៅដល់ទីប្រជុំកោះជម្លោះបានមុនជប៉ុន ដែល ក៏នឹងរួមចំណែកផងដែរដល់ការពង្រឹងសិទ្ធិដែនដីរបស់កូរ៉េខាងត្បូងនៅមូលដា្ឋន Dokdo។ នេះជាការអះអាងរបស់ លោក Chung Mi-Kyun អ្នកតំណាងរាស្ត្រម្នាក់នៃកូរ៉េខាងត្បូង។
គួររំលឹកថា កូរ៉េខាងត្បូង ដែលជាអាណានិគមរបស់ជប៉ុន នៅ ឆ្នាំ១៩១០ រហូតដល់ឆ្នាំ១៩៤៥ ស្វះស្វែងជានិច្ច ដើម្បីពង្រឹងការក្តោបក្តាប់របស់ខ្លួននៅទីប្រជុំកោះទាំងនេះ ។ ជម្លោះ ជាមួយទីក្រុងតូក្យូ បានផ្ទុះឡើង បន្ទាប់ពីយន្តហោះកូរ៉េខាងត្បូង Korean Air បាន ហោះនៅលើ ទីប្រជុំកូនកោះ Dokdo /ឬ Takeshima នេះ កាលពីពាក់កណ្តាលខែមិថុនាកន្លងទៅនេះ។
កន្លងទៅនេះ ទីក្រុងតូក្យូ ធ្លាប់បាន អនុញ្ញាតនូវការចេញផ្សាយសៀវភៅសិក្សាមួយ កាលពីខែមីនាកន្លងផុតទៅនេះ ដែលប្រកាសទាមទារប្រជុំកោះទាំងនេះ ថាជាកម្មសិទ្ធិរបស់ជប៉ុន ជាហេតុបង្កឲ្យមានការប្រឆាំងយ៉ាងខ្លាំងពីសំណាក់ទីក្រុងសេអ៊ូល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ