អាមេរិកវាយតំលៃថាទស្សនកិច្ចរបស់ប្រធានក្រុមហ៊ុន GOOGLE នៅកូរ៉េខាងជើង គ្មានលក្ខណៈស្ថាបនា
ក្រសួងការបរទេសអាមេរិក បានវាយតំលៃអំពី ទស្សនកិច្ចរបស់ លោក អេរិក ស្ម៊ីត ដែលជាប្រធានក្រុមហ៊ុន GOOGLE ថាគ្មានលក្ខណៈស្ថាបនា និងគ្មានប្រយោជន៍អ្វីសោះឡើយ។ កាលពីថ្ងៃព្រហស្បតិ៍ម្សិលមិញ ផ្នែកការទូតប្រទេសកូរ៉េខាងត្បូង បានប្រាប់មកថា ប្រធានក្រុមហ៊ុន GOOGLE នឹងធ្វើដំណើរទៅកាន់ក្រុង ព្យុងយ៉ាង ក្នុងពេលឆាប់ៗនេះ ប៉ុន្តែពុំបានដឹង ពី ថ្ងៃ ខែ និងមូលហេតុពិតប្រាកដ នៃដំណើរទស្សនកិច្ចនេះនោះឡើយ។រហូតមកទល់ពេលនេះ ក្រុមហ៊ុន GOOGLE ពុំទាន់បានបញ្ជាក់ ថាតើមានដំណើរទស្សនកិច្ចនេះមែនរឺក៏អត់នោះទេ។ កាលពីម្សិលមិញ មានការប្រមាណមើលថា ប្រធានក្រុមហ៊ុន GOOGLE ប្រហែលជា ចង់ជួយជនអាមេរិកមួយរូបដែល ក្រុងព្យុងយ៉ាងបានចាប់ខ្លួន កាលពីខែធ្នូ កន្លងមក។ ប៉ុន្តែយោងតាម កាសែត Wall Street Journal អាមេរិកលោក អេរិក ស្ម៊ីត ធ្វើទស្សនកិច្ចក្នុងផ្នែកមនុស្សធម៌។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១៩
“និយាយអោយត្រង់ៗទៅ យើងគិតថា ដំណើរទស្សនកិច្ចនេះ គ្មានលក្ខណៈអ្វីជាស្ថាបនានោះឡើយ” នេះជាប្រសាសន៍របស់ លោកស្រី Victoria Nuland អ្នកនាំពាក្យរបស់ក្រសួងការបរទេសអាមេរិក កាលពីថ្ងៃព្រហស្បតិ៍ ម្សិលមិញ។
ការវាយតំលៃលើទស្សនកិច្ច របស់ប្រធានក្រុមហ៊ុន GOOGLE ធ្វើឡើង បន្ទាប់ពីផ្នែកការទូតរបស់ កូរ៉េខាងត្បូង បានប្រាប់ថា លោក អេរិក ស្ម៊ីត ដែលជាប្រធានក្រុមហ៊ុន GOOGLE នឹងធ្វើដំណើរទៅកាន់ កូរ៉េខាងជើងក្នុងពេលឆាប់ៗនេះ។ គេពុំទាន់បានដឹង ពីមូលហេតុនៃដំណើរទស្សនកិច្ចនេះនៅឡើយ។ ក្រុមហ៊ុន GOOGLE នៅពុំទាន់បានបញ្ជាក់ ថាតើ លោក អេរិក ស្ម៊ីត បំពេញទស្សនកិច្ចនេះមែន រឺក៏យ៉ាងណានោះទេ។
យោងតាមកាសែត Wall Street Journal អាមេរិក លោក អេរិក ស្ម៊ីត ធ្វើទស្សនកិច្ចក្នុងលក្ខណៈជាឯកជន ហើយក្នុងកិច្ចការផ្នែកមនុស្សធម៌មួយ ដែលដឹកនាំធ្វើដោយ លោក ប៊ីល រិឆាដសុន មកពីគណបក្សប្រជាធិបតេយ្យ។
ប្រសិនបើព័ត៌មាននេះ អាចយកជាផ្លូវការបាននោះមែន ទស្សនកិច្ចនេះជាទស្សនកិច្ច ដំបូងបំផុតរបស់ អ្នកដឹកនាំជាន់ខ្ពស់ របស់ក្រុមហ៊ុន GOOGLE នៅកូរ៉េខាងជើង។
ប្រទេសកូរ៉េខាងជើង គឺជាប្រទេសមួយ ធ្វើការត្រួតពិនិត្យតឹងតែង លើការប្រើប្រាស់អាំងទែរណែត។
កាលពីថ្ងៃទី ០១ មករា ក្នុងឧកាសបុណ្យចូលឆ្នាំសកល ២០១៣ កន្លងមក មេដឹកនាំកូរ៉េខាងជើង បានប្រកាសថា វិស័យឧស្សាហកម្មក្នុងប្រទេស កំពុងមានការវិវត្តន៍ទៅមុខ ហើយបានអោយតំលៃលើ បច្ចេកទេសវិទ្យាសាស្ត្ររបស់ កូរ៉េខាងជើង ថាជាសក្តានុពលមួយ ធ្វើអោយសេដ្ឋកិច្ចមានកំនើនខ្ពស់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ