ព្រឹត្តិការណ៍កម្ពុជាប្រចាំថ្ងៃ
វត្តមានរោងចក្រតម្លើងរថយន្តជាបន្តបន្ទាប់បង្ហាញថាកម្ពុជាកំពុងចាប់ផ្តើមចាប់យកឧស្សាហកម្មធុនមធ្យមឬ?
ចុះផ្សាយនៅថ្ងៃ៖
ស្តាប់ - ១១:៥៦
លោកនាយករដ្ឋមន្រ្តី ហ៊ុន សែន បានបញ្ជាក់ថា នៅកម្ពុជានឹងមានរោងចក្រផលិតរថយន្ត Toyota នៅតំបន់សេដ្ឋកិច្ចពិសេស ខណៈបច្ចុប្បន្នកម្ពុជាមានកន្លែងផលិតរថយន្តនៅខេត្តមួយចំនួន ក្នុងនោះមានរថយន្ត Ford ជាដើម ដែលកំពុងដំណើរការនៅខេត្តពោធិ៍សាត់។ ការលើកឡើងនេះ នៅក្នុងពិធីអបអរសាទរខួប១១ឆ្នាំ នៃប្រតិបត្តិការរបស់ក្រុមហ៊ុនមីនេបៀរបស់ជប៉ុននៅប្រទេសកម្ពុជា នាថ្ងៃទី០១ធ្នូ។ បើតាមអ្នកជំនាញសេដ្ឋវិញ អ្នកខ្លះបានលើកឡើងថានេះ ជាជំហានដំបូងប៉ុណ្ណោះនៃវិស័យឧស្សាហកម្មរបស់កម្ពុជា ដែលចាប់ផ្ដើមផលិតរថយន្តនៅក្នុងស្រុក ហើយសង្ឃឹមថានៅខាងមុខវិស័យឧស្សាហកម្មកម្ពុជា នឹងឈានដល់កម្រិតមធ្យម និងបង្គួរ។
