ជីនាងផ្ទះគឺជាទីកន្លែងគោរពបូជាមួយនៅក្នុងគេហដ្ឋាន។ ពលរដ្ឋខ្មែរគ្រប់រូបតែងហៅថា ជីនាងផ្ទះ ប៉ុន្តែពេលខ្លះពួកគេគ្រាន់តែទិញផ្ទាំងអក្សរចិនមួយផ្ទាំងដាក់តាំង ឬរូបសំណាកអ្វីមួយពីផ្សារ យកមកតម្កល់ទុកគោរព តាមទម្លាប់តៗគ្នាតែប៉ុណ្ណោះ។ តាមពិត បើតាមប្រសាសន៍របស់លោកសឹង្គ គា ដែលជាអ្នកស្រាវជ្រាវមួយរូបនោះ ខ្មែរមានព្រះជីនាងរបស់ខ្លួន។ ហើយតាមរយៈការផ្សព្វផ្សាយរបស់លោក ពលរដ្ឋខ្មែរកាន់តែច្រើនឡើង ពិសេសអ្នករស់នៅភ្នំពេញបានមកជាវ អាសនៈ និងព្រះជីនាងដើម្បីទុកគោរពនៅគេហដ្ឋានរបស់ពួកគេ។
