របបសឹកលើកបម្រាមគោចរមួយភាគដើម្បីទាក់ទាញទេសចរ
របបសឹកថៃបានប្រកាសនៅ ល្ងាចថ្ងៃអង្គារទី ៣ មិថុនានេះ លើកបម្រាមគោចរចេញវិញ សម្រាប់តំបន់ទេសចរណ៍បីកន្លែង ដើម្បីសាកល្បងទាក់ទាញភ្ញៀវទេសចរ។ ស្ថានភាពនយោបាយគ្មានស្ថិរភាព បាតុកម្មអូសបន្លាយអស់ជាច្រើនខែនៅកណ្តាលក្រុងបាងកក បន្តហូរហែ ដោយរដ្ឋប្រហារយោធាថ្ងៃទី ២២ឧសភាទៀត បានធ្វើទេសចរបរទេស មានការភ័យខ្លាច ចំនួនទេសចរធ្លាក់ចុះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៧
បម្រាមគោចរ ដែលមេដឹកនាំយោធាបានប្រកាសដាក់តាំងពីថ្ងៃទី ២២ឧសភាមក នៅតែមានសុពលភាពពេញផ្ទៃប្រទេសថៃទាំងមូលដដែល លើកលែងតែតំបន់ទេសចរណ៍ កោះភូកេត សាមួយ និងតំបន់មាត់សមុទ្ទ ផាតាយ៉ា បីកន្លែងនេះប៉ុណ្ណោះ។ ហេតុផលនៃការលើកបម្រាមមួយភាគ គឺដើម្បីទាក់ទាញទេសចរ។
ទេសចរណ៍ ជាវិស័យដ៏សំខាន់មួយរបស់ថៃ ដែលល្បីថាជាប្រទេសនៃស្នាមញញឹម។ កាលពីឆ្នាំ២០១៣ ចំនួនទេសចរបរទេសមកទស្សនាប្រទេសនេះបានឡើងដល់កំរិតកំពូលមិនធ្លាប់មាន ២៦,៥លាននាក់។ ប៉ុន្តែដោយហេតុវិបត្តិនយោបាយអូសបន្លាយអស់រយៈពេល៧ខែ បន្ទាប់មកមានរដ្ឋប្រហារយោធាទៀតនោះ ចំនួនទេសចរបានធ្លាក់ចុះ៥%សម្រាប់ត្រីមាសដំបូងឆ្នាំ២០១៤ បើប្រៀបទៅនឹងឆ្នាំមុនៗ។ បើតាមប្រមុខយោធាទទួលបន្ទុកផ្នែកទេសចរណ៍ ក្រោយ រដ្ឋប្រហារភ្លាម ចំនួនជនបរទេសចូលទស្សនាប្រទេសថៃ បានធ្លាក់ចុះអស់ប្រមាណ២០%។
សណ្ឋាគារ ក្រុមហ៊ុនអាកាសចរណ៍ សង្ឃឹមថា ជាមួយការបន្ធូរបន្ថយ លើកបម្រាមគោចរចេញ ភាពជឿជាក់អាចនឹងកើតឡើងវិញ ! មិនយូរទេផលប៉ះពាល់នៃវិបត្តិនយោបាយនឹងរសាត់ផុត ចរន្តទេសចរណ៍នឹងវិលមករកភាពដើមវិញ។ សូមបញ្ជាក់ថាវិបត្តិនយោបាយថៃ នេះ បានធ្វើឱ្យសេដ្ឋកិច្ចថៃធ្លាក់ចុះ០,៦% ទាបមិនធ្លាប់មានគិតចាប់ពីថៃជួបគ្រោះទឹកជំនន់ដ៏ធ្ងន់ធ្ងរឆ្នាំ២០១១មក។ អ្នកឯកទេស គិតថា សេដ្ឋកិច្ចថៃនៅតែបន្តរួញក្រញាញ់ទៀតក្នុងត្រីមាសទីឆ្នាំ២០១៤នេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ