អាមេរិកនាំគម្រោងកិច្ចព្រមព្រៀងទៅអ៊ីស្រាអែលដើម្បីស្រោចស្រង់ផែនការសន្តិភាព
លោក ចន ឃែរី (John Kerry)នឹងបកទៅក្រុងម្តងទៀតនៅថ្ងៃពុធនេះ ! លោកប្រមុខការទូតសហរដ្ឋអាមេរិក ចង់សាកល្បងសង្គ្រោះដំណើរការសន្តិភាពអ៊ីស្រាអែល-ប៉ាឡេស្ទីន ដែលត្រូវអស់សុពលភាពនៅចុងខែមេសា ឱ្យមានដណ្តើមរស់បន្តទៀត យ៉ាងហោចណាស់រហូត ដល់ឆ្នាំ២០១៥ ព្រោះពេលនេះលោកបានក្តាប់ទៅជាមួយនូវថ្នូរដែលទាមទារដោយអ៊ីស្រាអែល។
ចុះផ្សាយនៅថ្ងៃ៖
ស្តាប់ - ០១:៥២
អាមេរិកបានរកឃើញកិច្ចព្រមព្រៀងជាមួយអ៊ីស្រាអែល នាឱកាសទស្សនកិច្ចផ្លេកបន្ទោលរបស់លោកប្រមុខការទូត ចន ឃែរី នៅទីក្រុងJerusalem កាលពីថ្ងៃចន្ទ ដោយវ៉ាស៊ីនតោនសុខចិត្តដោះលែងចារកិច្ចអ៊ីស្រាអែលសញ្ជាតិអាមេរិក តាមការទាមទារ តាំងពីជាច្រើនឆ្នាំណាស់មករបស់អ៊ីស្រាអែល។
ជាប់ឃុំឃាំងបាន២៨ឆ្នាំ ជាអតីតអ្នកវិភាគយោធាជើងទឹកអាមេរិក M.Jonathan Pollard ត្រូវបានតុលាការកាត់ទោសឱ្យជាប់ពន្ធនាគារអស់មួយជីវិតនៅឆ្នាំ១៩៨៧ ពីបទបានធ្វើចារកិច្ចនាំព័ត៌មានទៅឱ្យអ៊ីស្រាអែល។ ការដោះលែងចារកិច្ច ជាវីរៈបុរសអ៊ីស្រាអែលរូបនេះ អាចនឹងប្រព្រឹត្តទៅនៅរវាងពីរសប្តាហ៍ ខាងមុខទៀត ជាថ្នូរនឹងការដោះលែងអ្នកទោសប៉ាឡេស្ទីន២៦នាក់ គ្រោងធ្វើជាដំបូងនៅថ្ងៃទី ២៩មីនា តែត្រូវលើកពេលទៅវិញ និងការដោះលែងអ្នកទោសប៉ាឡេស្ទីន គ្មានដៃប្រលាក់ឈាម និងជិតផុតទោស ចំនួន៤០០នាក់ផ្សេងទៀត។ លោកប្រមុខការទូតអាមេរិក ត្រូវបង្ហួសទៅតំបន់ដើមបូព៌ា នៅថ្ងៃពុធនេះ ដើម្បីពាំនាំទំនុកចិត្តដល់ភាគីប៉ាឡេស្ទីន ថាពិតជានឹងមានការដោះលែងអ្នកទោសក្រុមចុងក្រោយមែន។
ក្រៅអំពីការផ្តោះប្តូរអ្នកទោស កិច្ចព្រមព្រៀងអ៊ីស្រាអែល-អាមេរិកនេះ ក៏បានបើកផ្លូវឱ្យដំណើរការចរចាសន្តិភាពអ៊ីស្រាអែលប៉ាឡេស្ទីន អាចបន្តទៅមុខទៀត រហូតដល់ឆ្នាំ២០១៥។ ព្រោះសូមបញ្ជាក់ថា កិច្ចចរចាសន្តិភាពដើម្បីបូព៌ាបច្ចុប្បន្ននេះ ត្រូវដល់ឱសានវាទនៅថ្ងៃទី ២៩មេសា។
ប៉ុន្តែទន្ទឹមនឹងសុទិដ្ឋនិយមបន្តការចរចាសន្តិភាព អង្គការក្រៅរដ្ឋាភិបាលបានជូនដំណឹងថាអ៊ីស្រាអែលកំពុងផ្តើមផែនការសាងសង់លំនៅដ្ឋាន ៧០០ខ្នងនៅហ្សេរ៉ុយសាឡិមខាងកើត។ ការធ្វើអាណានិគមកិច្ចដែលភាគីប៉ាឡេស្ទីន បានច្រានចោទតាំងពីដំបូងភ្លាម ថានឹងមិនបន្តកិច្ចចរចាឡើយ ប្រសិនបើអ៊ីស្រាអែលមិនបញ្ឈប់ សកម្មភាព សាងសង់លំនៅដ្ឋាននៅស៊ីហ្ស័កដានី និងនៅហ្សេរ៉ុយសាឡិមខាងកើត ទាំងស្រុងទេនោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ