ក្រសួងមហាផ្ទៃអនុញ្ញាតឲ្យគណបក្សសង្គ្រោះជាតិធ្វើមហាបាតុកម្ម ដោយមានការហែក្បួន
សម្រេចសម្រួលទៅ លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអនុញ្ញាតឲ្យគណបក្សសង្គ្រោះជាតិធ្វើបាតុកម្ម នៅទីលានប្រជាធិបតេយ្យ រយៈពេល ៣ ថ្ងៃ ចាប់ពីថ្ងៃទី២៣តុលា ដោយក្នុងមួយថ្ងៃៗ បាតុកម្ម ត្រូវធ្វើពីម៉ោង ៦ព្រឹក ដល់ម៉ោង ៦ល្ងាច។ ក្រសួងមហាផ្ទៃ ហាមមិនឲ្យបក្សប្រឆាំង បោះជំរំស្នាក់នៅពេលយប់ នៅទីលានប្រជាធិបតេយ្យឡើយ។ រីឯចំនួនអ្នកចូលរួមបាតុកម្ម ក៏មិនត្រូវឲ្យលើសពី១ម៉ឺននាក់ដែរ។
ចុះផ្សាយនៅថ្ងៃ៖ កែប្រែថ្ងៃទី៖
យ៉ាងណាក៏ដោយ ក្នុងលិខិតចុះថ្ងៃទី២១ ខែតុលា ឆ្នាំ២០១៣ ផ្ញើជូនអភិបាលរាជធានីភ្នំពេញ ហើយត្រូវបានគេចេញផ្សព្វផ្សាយ កាលពីយប់មិញ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស ខេង បានសម្រេចថា ក្រសួងមហាផ្ទៃអនុញ្ញាតឲ្យគណបក្សសង្គ្រោះជាតិ ដើរហែក្បួន យកញត្តិទៅដាក់តាមបណ្តាស្ថានទូតនានា តែគណបក្សប្រឆាំងត្រូវចាត់តាំងតំណាង សម្រាប់ការដើរហែក្បួនទៅដាក់ញត្តិនោះ ហើយទាក់ទងស្ថានទូតជាមុន៕
ជាការកត់សម្គាល់ តំណាងគណបក្សសង្គ្រោះជាតិ ដឹកនាំដោយលោក យឹម សុវណ្ណ បានជួបអភិបាលរងរាជធានីភ្នំពេញ លោក ឃួង ស្រេង កាលពីព្រឹកថ្ងៃចន្ទម្សិលមិញ ដើម្បីជជែកបន្ថែមអំពីការរៀបចំមហាបាតុកម្ម ៣ថ្ងៃ ដែលចាប់ផ្តើមនៅថ្ងៃទី២៣ តុលា។ គណបក្សប្រឆាំង បានទាមទារសិទ្ធិរៀបចំ ដែលមានមនុស្សចូលរួមពី ២ម៉ឺន ដល់៤ម៉ឺននាក់ ដើរហែក្បួន និងអោយពលរដ្ឋប្រមាណ ៥០០០ នាក់ សំរាកពេលយប់ នៅទីលានប្រជាធិបតេយ្យ ដែលជាកន្លែងធ្វើមហាបាតុកម្ម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ