ការសិក្សាបង្ហាញថា សេវាកម្មផ្គត់ផ្គង់ អាផាតមិន នឹងរីកលូតលាស់បន្ថែមទៀត
ក្រុមហ៊ុន វីត្រាស បានសិក្សាទៅលើ វិស័យទីផ្សារនៃសេវាកម្មអាផាតមិន នៅទីក្រុងភ្នំពេញ ដែលបានបង្ហាញថា ម្ចាស់អាផាតមិន ជាងពាក់កណ្តាល ទំនងជាមានគម្រោងសាងសង់នូវអាគារអាផាតមិនបន្ថែម នៅប៉ុន្មានឆ្នាំខាងមុខនេះ ថ្វីបើមានការធ្លាក់ចុះតិចតួចនៃអត្រាភ្ញៀវស្នាក់នៅចាប់ពី ពាក់កណ្តាលឆ្នាំ២០១៤ ក៏ដោយ។ របាយការណ៍បង្ហាញថា សមាហរណកម្មនៃសហគមន៍អាស៊ាន នឹងធ្វើឲ្យតម្រូវការអាផាតមិនកើនឡើង។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៦
ការសិក្សារបស់ក្រុមហ៊ុន វីត្រាស បានបង្ហាញថា៖« អត្រានៃភ្ញៀវស្នាក់នៅតាមអាផាតមិន ប្រមាណជា៩០% ទៅ៩៥% កាលពីឆ្នាំ ២០១៣ បានធ្លាក់ចុះមកត្រឹម ៨៤% នៅពាក់កណ្តាលឆ្នាំ២០១៤នេះ»។ ទោះជាយ៉ាងណាក៏ដោយ បណ្តាក្រុមហ៊ុនអភិវឌ្ឍ និងម្ចាស់អាផាតមិន បានព្យាករណ៏ថា៖ « សមាហរណកម្មសេដ្ឋកិច្ចរវាងប្រជាជាតិអាស៊ាន និងសកម្មភាពសេដ្ឋកិច្ចកើនឡើងនានា នឹងនាំអោយមានរំហូរចូលនៃកម្លាំងការងារបរទេសមកកម្ពុជា ហើយវានឹងធ្វើឲ្យមានតម្រូវការបន្ថែមចំពោះសេវាកម្មស្នាក់នៅ»។
របាយការណ៍ដដែលបង្ហាញទៀតថា ក្នុងរយៈពេលមិនតិចជាងបីឆ្នាំនេះ ទីផ្សារអាផាតមិន កំពុងតែមានការកើនឡើងយ៉ាងឆាប់រហ័ស គួរអោយកត់សំគាល់ ក្នុងនោះអាត្រាប្រហែលជា៤៧% នៃអាផាតមិន ទាំងអស់មានវត្តមានក្នុងការផ្គត់ផ្គង់ទីផ្សារ។ ទន្ទឹមនឹងនោះ ចំនួនគម្រោងអាផាតមិន សរុបកើនឡើងរហូតដល់ ៣៧៤ អាគារ។
លោក គុយ វ៉ាត អគ្គនាយកក្រុមហ៊ុន វីត្រាស គ្រុប បានមានប្រសាសន៍ថា៖ « នេះជាសញ្ញាដ៏ល្អមួយ ពីព្រោះវិស័យសេវាកម្មអាផាតមិន នៅតែជាវិស័យដ៏ក្មេងខ្ចីមួយ ដែលត្រូវពេលវេលាច្រើនទៀតសម្រាប់ការអភិវឌ្ឍបន្ថែម»។ លោកបន្តទៀតថា បើទោះវិស័យនេះសព្វថ្ងៃ បានពឹងផ្អែកលើភ្ញៀវបរទេសយ៉ាងពេញទំហឹងពីព្រោះតែមានប្រជាជនកម្ពុជាតែ២%ប៉ុណ្ណោះដែលប្រើសេវាកម្មអាផាតមិន។
យ៉ាងណាក៏ដោយ គេរំពឹងថា ចំនួនអ្នកប្រើសវាកម្មអាផាតមិនក្នុងស្រុកអាចកើនឡើងដោយ នាពេលអានាគត។ ម្យ៉ាងទៀត ក្រុមហ៊ុនអភិវឌ្ឍ និងម្ចាស់អាផាតមិន ជាងពាក់កណ្តាលនឹងធ្វើផែនការសម្រាប់អាផាតមិនថ្មី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ