សភានឹងធ្វើវិសោធនកម្មច្បាប់ ដើម្បីដំឡើងអំណាចអង្គភាពប្រឆំាងអំពើពុករលួយ
ក្នុងពេលច្បាប់ប្រឆំាងអំពើពុករលួយកំពុងបញ្ចេញឥទ្ឋិពលបង្រ្កាប បទល្មើសពុករលួយគួរអោយចាប់អារម្មណ៍ មន្រ្តីជាន់ខ្ពស់គណបក្សប្រជាជនកម្ពុជាបានប្រកាសពីការធ្វើ វិសោធនកម្មច្បាប់នេះ លើចំណុចមួយចំនួន ដើម្បីអោយអង្គភាពប្រឆំាងអំពើពុករលួយ មានកម្លំាង កាន់តែខ្លំាងក្នុងការបង្រ្កាបបទល្មើសពុករលួយ។ តែគណបក្សសម រង្ស៊ីថាគ្មានន័យ ព្រោះច្បាប់ប្រឆំាងអំពើពុករលួយមិនអាចគាស់រម្លើងបទល្មើស ពុករលួយធំៗបានឡើយ។
ចុះផ្សាយនៅថ្ងៃ៖
សេចក្តីរាយការណ៍របស់ អ៊ឹម ណាវិន ពីភ្នំពេញ
១១ខែបន្ទាប់ពីប្រកាសអោយប្រើប្រាស់ ច្បាប់ប្រឆំាងអំពីពុករលួយដ៏សំខាន់ ដែលបានបញ្ចេញឥទ្ឋិពលបង្រ្កាបបទល្មើសមួយចំនួន ក្នុងរយៈពេលចុងក្រោយនេះ ដូចជាករណីជួញដូរគ្រឿងញៀន បទល្មើសព្រៃឈើ ដែលធ្វើអោយមន្រ្តីធំៗជាច្រើនរូបធ្លាក់បុណ្យស័ក្តិ និងកំពុងជាប់ឃុំនោះ ពេលនេះ ច្បាប់ប្រឆំាងអំពើពុករលួយនឹងត្រូវធ្វើវិសោធនកម្មលើចំណុចមួយចំនួន។ ជាវិសោធនកម្ម ដើម្បីប្រសិទ្ធិភាពនិងឯករាជ្យ របស់អង្គភាពប្រឆំាងអំពើពុករលួយ អោយកាន់តែខ្លំាងថែមទៀត ក្នុងការប្រយុទ្ឋប្រឆំាងអំពើពុករលួយនៅកម្ពុជា។
ច្បាប់ប្រឆំាងអំពើពុករលួយត្រូវបានព្រះមហាក្សត្រប្រកាសអោយប្រើ កាលពីខែមេសាឆ្នាំ២០១០។ រហូតមកដល់ពេលនេះ ចំណុចខ្លះនៃច្បាប់ប្រឆំាងអំពើពុករលួយ មិនទាន់ចូលជាធរមាននោះទេ។ ដូច្នេះ ចំណុចទាំងនោះនៅមិនទាន់អាចអនុវត្តបាននៅឡើយ ពិសេស ត្រង់ចំណុចផ្តន្ទាទោសបទល្មើសពុករលួយ ដែលបង្កជាឧបសគ្គដល់ដំណើរការងាររបស់អង្គភាពប្រឆំាងអំពើពុករលួយ ឬ គេអាចនិយាយបានថា អង្គភាពនេះកំពុងមានអំណាចមិនគ្រប់លក្ខណៈ។
បញ្ហាកញ្ចប់ថវិកាដោយឡែក របស់ស្ថាប័នប្រឆំាងអំពើពុករលួយ។ ការបង្កើតរចនាសម្ព័ន្ធអង្គភាពប្រឆំាងអំពើពុករលួយថ្នាក់ក្រោមជាតិ និងអានុភាព ក្នុងការផ្តន្ទាទោសបទល្មើសពុករលួយ សុទ្ធសឹងជាចំណុចដែលនឹងត្រូវធ្វើវិសោធនកម្ម ដែលនឹងអាចធ្វើឡើង នៅចុងខែមីនាខាងមុខនេះ។
លោកជាម យៀប មន្រ្តីជាន់ខ្ពស់គណបក្សប្រជាជនកម្ពុជា និងជាប្រធានគណៈកម្មការសេដ្ឋកិច្ច ហិរញ្ញវត្ថុរដ្ឋសភាថ្លែងថា ចំណុចដែលនឹងត្រូវធ្វើវិសោធនកម្មទំាងនោះ គឺជាបញ្ហាច្ចេកទេស និងកិច្ចការរដ្ឋបាល សម្រាប់ដំណើរការអង្គភាពប្រឆំាងអំពើពុករលួយ។
ប្រធានគណៈកម្មការសេដ្ឋកិច្ច ហិរញ្ញវត្ថុរដ្ឋសភាបន្តថា ចំពោះចំណុចថវិកាវិញ គេនឹងកែប្រែកញ្ចប់ថវិការបស់អង្គភាពប្រឆំាងអំពើពុករលួយ ពីការគ្រប់គ្រងដោយទីស្តីការគណៈរដ្ឋមន្រ្តី មកជាកញ្ចប់ថវិកាស្វយ័តវិញ។ថវិកាស្វយ័តរបស់អង្គភាពប្រឆំាងអំពើពុករលួយ ត្រូវគ្រប់គ្រងដោយនាយករដ្ឋមន្រ្តី និងត្រួតពិនិត្យដោយអាជ្ញាធរជាតិសវនកម្ម។
និយាយជារួម ការធ្វើវិសោធនកម្មច្បាប់ប្រឆំាងអំពើពុករលួយ ដើម្បីអោយអង្គភាពប្រឆំាងអំពើពុករលួយ មានកម្លំាងកាន់តែខ្លំាងក្នុងការបង្រ្កាបបទល្មើស ចាប់ជនល្មើសភ្លាមៗក្នុងពេលនេះ។ ក្នុងពេលដែលបទល្មើសពុករលួយជាច្រើនករណីស្ថិតក្នុងកណ្តាប់ដៃអង្គភាពប្រឆំាងអំពើពុករលួយ។
លោកយឹម សុវណ្ណ អ្នកនាំពាក្យគណបក្សសម រង្ស៊ី បានថ្លែងថា ការធ្វើវិសោធនកម្មច្បាប់ប្រឆំាងអំពើពុករលួយ មិនចំចំណុចសាធារណជនចង់បាននោះទេ។ តំណាងរាស្រ្តគណបក្សសមរង្ស៊ី លើកឡើងថា ពលរដ្ឋចង់អោយមានវិសោធនកម្ម ត្រង់ចំណុចប្រកាសទ្រព្យសម្បត្តិរបស់មន្រ្តី ជាសម្ងាត់ មកជាសាធារណៈវិញ។
និយាយជារួម មន្រ្តីជាន់ខ្ពស់គណបក្សប្រឆំាងរូបនេះនៅតែមិនគំាទ្រច្បាប់ប្រឆំាងអំពើពុករលួយ ដោយសារលោកគ្មានជំនឿថា ច្បាប់នេះអាចគាស់រម្លើងបទល្មើសធំៗបានឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ