ប្រជាជនជប៉ុនភាគច្រើនយល់ព្រមឲ្យបោះបង់ថាមពលនុយក្លេអ៊ែរ
នៅប្រទេសជប៉ុន មានប្រជាជនម្នាក់ក្នុងចំណោម ៣នាក់បានយល់ព្រមឲ្យរដ្ឋាភិបាលផ្តើមដកខ្លួនបន្តិចម្តងៗពីការប្រើប្រាស់ថាមពលនុយក្លេអ៊ែរ នេះបើយោងតាមលទ្ធផលនៃការស្ទង់មតិចុះផ្សាយដោយកាសែត Asahi Shimbun នៅថ្ងៃអង្គារ ទី១៤ មិថុនា។ លទ្ធផលនៃការស្ទង់មតិនេះបានធ្វើឡើង ជួនចំពេលដែលក្រុមហ៊ុន Tepco អ្នកធ្វើអាជីវកម្មលើមជ្ឈមណ្ឌលនុយក្លេអ៊ែរ Fukushima ត្រៀមខ្លួននឹងបង់ប្រាក់សងជំងឺចិត្តចំពោះប្រជាជនជប៉ុនដែលរងគ្រោះដោយការផ្ទុះមជ្ឈមណ្ឌលនុយក្លេអ៊ែរ និងចំពេលដែលចំនួនកម្មករទទួលរងធាតុវិទ្យុសកម្មបានកើនឡើងយ៉ាងច្រើន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៧
តំាងពីក្រោយព្រឹត្តិការណ៍គ្រោះរញ្ជួយដី និងគ្រោះរលកយ័ក្សស៊ូណាមីនៅថ្ងៃទី ១១ មីនា ឆ្នំា ២០១១ មក មានប្រជាជនជប៉ុនរហូតដល់ទៅ ៧៤% ដែលបានបង្ហាញពីបំណងរបស់ខ្លួនចង់ឲ្យរដ្ឋាភិបាលដកខ្លួនបន្តិចម្តងៗ ពីការប្រើប្រាស់ថាមពលនុយក្លេអ៊ែរ រហូតដល់ការបិទបញ្ចប់ដំណើរការទំាងស្រុងនូវម៉ាស៊ីនប្រតិកម្មនុយក្លេអ៊ែរទំាង ៥៤ នៅក្នុងប្រទេស។ មូលហេតុ គឺមកពីវិបត្តិនុយក្លេអ៊ែរនៅ Fukushima នោះឯង ដែលបាននិងកំពុងបន្តលងបន្លាចប្រជាជនជប៉ុនរហូតមកទល់ពេលបច្ចុប្បន្ន។
ម្យ៉ាងទៀត បើយោងតាមទូរទស្សន៍ NHK ចំនួនកម្មករនៅ Fukushima ដែលបានទទួលរងធាតុវិទ្យុសកម្មដោយផ្ទាល់បានកើនឡើងជាង ១០០នាក់។ សូមជម្រាបជូនថា តំាងពីថ្ងៃផ្ទុះម៉ាស៊ីនប្រតិកម្មនៅ Fukushima មក មានបុគ្គលិក កម្មករជិត ៧ ៨០០នាក់បានចូលធ្វើអន្តរាគមន៍នៅទីនោះ ក៏ប៉ុន្តែរហូតមកទល់ថ្ងៃនេះ មានបុគ្គលិក កម្មករប្រមាណតែ ១ ៨០០នាក់ប៉ុណ្ណោះដែលបានទទួលការតាមដាន និងពិនិត្យសុខភាពយ៉ាងម៉ត់ចត់។
អ៊ីចឹងហើយបានជានៅថ្ងៃនេះ រដ្ឋាភិបាលក្រុងតូក្យូបានចាប់បង្ខំក្រុមហ៊ុន Tepco ដែលជាអ្នកធ្វើអាជីវកម្មនៅមជ្ឈមណ្ឌលនុយក្លេអ៊ែរ Fukushima ឲ្យផ្តើមតាមដាន និងពិនិត្យសុខភាពលើបុគ្គលិក កម្មករផ្សេងទៀតឲ្យបានស៊ីជម្រៅចាប់ពីឥឡូវនេះ ដល់ដំណាច់ខែមិថុនា ពិសេស ចំពោះកម្មករណាដែលបានចូលខ្លួនធ្វើអន្តរាគមន៍នៅក្បែរនឹងម៉ាស៊ីនប្រតិកម្ម។
ដោយឡែក មានកម្មករចំនួន ៨នាក់ ដែលគេបានរកឃើញវត្តមានអត្រាធាតុវិទ្យុសកម្មដ៏ខ្ពស់នៅក្នុងបំពង់ ករបស់ពួកគេ។ គឺជាអត្រាមួយដែលចំនួនដូស (dose) មានកម្រិតលើសពីកម្រិតអនុញ្ញាត ពោលគឺមិនត្រូវឲ្យលើសពី ២៥០ Millisievert ចំពោះកម្មករដែលបម្រើការនៅក្នុងមជ្ឈមណ្ឌលនុយក្លេអ៊ែរ។ ចំនួនដូសមានកម្រិតលើសពី ២៥០ Millisievert ដែលនំាឲ្យកើតជំងឺមហារីកនៅបំពង់ ក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ