បទសម្ភាស
កីឡាករចំបាប់ លោក ឌន សៅ ទទួលបានមេដាយមាសផង និងមេដាយប្រាក់ផង ក្នុងការប្រកួតកីឡាស៊ីហ្គេម នៅភូមា
ចុះផ្សាយនៅថ្ងៃ៖
ស្តាប់ - ០៦:២៧
ភ្ញៀវប្រចាំថ្ងៃរបស់វិទ្យុបារាំង RFI នៅថ្ងៃចន្ទនេះ គឺលោក ឌន សៅ កីឡាករផ្នែក ចំបាប់។ កីឡាករ អាយុ ២៨ ឆ្នាំ ទម្ងន់ ៩០ គីឡូក្រាម ទទួលបានមេដាយមាស១ និងមេដាយប្រាក់១ ក្នុងពេលជួបប្រកួតវិលជុំ ជាមួយកីឡាករឡាវ និងកីឡាករម្ចាស់ផ្ទះភូមា។ មេដាយមាស និងមេដាយប្រាក់ ជាលើកដំបូង សម្រាប់កីឡាករចំបាប់ លោក ឌន សៅ លើកនេះ ជាមោទនភាព សម្រាប់ខ្លួនលោកផ្ទាល់ និងសម្រាប់ប្រទេសជាតិ រហូតដល់លោក សប្បាយ និយាយមិនចេញ។ យ៉ាងណាក៏ដោយ កីឡាករ ឌន សៅ មើលឃើញពីការខ្វះខាតនូវការហ្វឹកហាត់ មិនទាន់ដល់កម្រិត ខ្វះខាតឧបករណ៍សម្ភារៈហ្វឹកហាត់ និងខ្វះខាតដៃគូ ក្នុងការហ្វឹកហាត់។
