ប្រាក់ឈ្នួលអប្បបរមាកម្មករកាត់ដេរឆ្នាំ២០២៤ ឡើង៤ដុល្លារ គឺស្មើនឹង២០៤ដុល្លារ
ទីបំផុតប្រាក់ឈ្នួលអប្បបរមាកម្មករនិយោជិត នៃវិស័យវាយនភណ្ឌ កាត់ដេរ ផលិតស្បែកជើង និងសម្ភារៈធ្វើដំណើរសម្រាប់ឆ្នាំ២០២៤ ឡើងបាន ៤ដុល្លារបន្ថែមទៀត ដែលធ្វើឲ្យប្រាក់ឈ្នួលសរុបកើនបាន ២០៤ដុល្លារ ក្នុងមួយខែ។ ការតម្លើងប្រាក់ឈ្នួល ៤ដុល្លារបន្ថែមសម្រាប់វិស័យនេះ គឺបន្ទាប់ពីមានកិច្ចប្រជុំត្រីភាគីចុងក្រោយនៅថ្ងៃព្រហស្បតិ៍នេះ ដោយមានការបោះឆ្នោតទៅលើតួលេខចំនួន៣ផ្សេងគ្នា។តួលេខទាំង៣នោះរួមមាន ២០២ដុល្លាររបស់និយោជក និងរដ្ឋាភិបាល ២០៤ដុល្លារស្នើដោយសហជីពមាននិន្នាការរដ្ឋាភិបាល និង២០១៣ដុល្លារស្នើដោយសហជីពមាននិន្នាការផ្ទុយរដ្ឋាភិបាល ដោយក្នុងនោះតួលេខ ២០២ដុល្លារ មានសម្លេងគាំទ្រ៤៦ លើ៥១សម្លេង និងតួលេខ ២១៣ដុល្លារ ទទួលបានសំឡេង ៥លើ ៥១សម្លេង។ រីឯតួលេខ ២០៤ដុល្លារ មិនទទួលបានសម្លេងគាំទ្រក្នុងការបោះឆ្នោតទេ។យោងតាមច្បាប់ស្តីពីប្រាក់ឈ្នួលអប្បបរមា ក្រុមប្រឹក្សាជាតិប្រាក់ឈ្នួលអប្បបរមាបានកំណត់យកតួលេខ ២០២ដុល្លារ ជាតួលេខប្រាក់ឈ្នួលអប្បបរមាសម្រាប់ឆ្នាំ២០២៤។ ក៏ប៉ុន្តែប្រមុខរដ្ឋាភិបាលលោក ហ៊ុន ម៉ាណែត បានសម្រេចបន្ថែម ២ដុល្លារទៀត ដូច្នេះប្រាក់ឈ្នួលអប្បបរមាឆ្នាំ២០២៤ គឺ២០៤ដុល្លារ។សូមស្តាប់ប្រតិកម្មរបស់លោក គង់ អាទិត្យ ប្រធានសហជីពសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា(CCAWDU)៖
ចុះផ្សាយនៅថ្ងៃ៖
ស្តាប់ - ០១:៣១
