លោក ហ៊ុន ម៉ាណែត៖ ការធ្វើបាតុកម្មប្រឆាំងលោកនៅបុរីញូវយ៉កជាគោលដៅបរាជ័យ
នៅក្នុងជំនួបដំបូងបន្ទាប់ពីឡើងធ្វើជានាយករដ្ឋមន្ត្រីបានមួយសប្តាហ៍ ជាមួយកម្មករជិត២ម៉ឺននាក់ នៅខ័ណ្ឌពោធិ៍សែនជ័យ រាជធានីភ្នំពេញ លោកនាយករដ្ឋមន្ត្រី ហ៊ុន ម៉ាណែត បានហៅគម្រោងធ្វើបាតុកម្មប្រឆាំងលោករបស់សកម្មជន និងអ្នកនយោបាយប្រឆាំងនៅសហរដ្ឋអាមេរិកនាចុងខែក្រោយថាជាគោលដៅបរាជ័យ។ប្រតិកម្មរបស់លោក ហ៊ុន ម៉ាណែត ជាសាធារណៈដូច្នេះ ធ្វើឡើងបន្ទាប់ពីសកម្មជន និងអ្នកនយោបាយប្រឆាំងនៅក្រៅប្រទេស ដែលក្នុងនោះមានលោក សម រង្ស៊ី ផង បានធ្វើការអំពាវនាវតាមបណ្តាញសង្គមឲ្យពលរដ្ឋខ្មែរចូលរួមធ្វើបាតុកម្មនៅមុខទីស្នាក់ការអង្គការសហប្រជាជាតិនាបុរីញូវយ៉ក នៅថ្ងៃទី២២ ខែកញ្ញា ខាងមុខ អំឡុងពេលដែលលោក ហ៊ុន ម៉ាណែត និងគណៈប្រតិភូជាន់ខ្ពស់កម្ពុជាទៅចូលរួមមហាសន្និបាតអង្គការសហប្រជាជាតិលើកទី៧៨។ ជាបាតុកម្មស្នើឲ្យអង្គការសហប្រជាជាតិមិនទទួលស្គាល់លោក ហ៊ុន ម៉ាណែត ជាតំណាងស្របច្បាប់នៃរដ្ឋាភិបាលកម្ពុជាបច្ចុប្បន្ន។ ក៏ប៉ុន្តែលោក ហ៊ុន ម៉ាណែត បញ្ជាក់ថាទាំងអង្គការសហប្រជាជាតិ ទាំងសហរដ្ឋអាមេរិក និងប្រទេសផ្សេងៗទៀតបានទទួលស្គាល់លោក និងរដ្ឋាភិបាលរបស់លោករួចទៅហើយ។ សូមស្តាប់លោក ហ៊ុន ម៉ាណែត៖
ចុះផ្សាយនៅថ្ងៃ៖
ស្តាប់ - ០២:០៥
