បង្កើតគណៈកម្មាធិការអន្តរក្រសួងស៊ើបអង្កេតបន្ថែមរឿង ឈុត វុទ្ធី
រដ្ឋាភិបាលកំពុងរៀបចំគណៈកម្មាធិការអន្តរ ក្រសួងមួយដើម្បីបើកការស៊ើបអង្កេតបន្ថែមលើករណីស្លាប់របស់លោកឈុត វុទ្ធី និងមន្ត្រីកងរាជអាវុធហត្ថ។ អ្នកនាំពាក្យរបស់កងរាជអាវុធហត្ថ លោក ខេង ទីតូបានពន្យល់ថា ការបង្កើតគណៈកម្មាធិការអន្តរក្រសួងនេះ គឺដើម្បីស្វែងរកមូលហេតុអោយកាន់តែច្បាស់លាស់ថែមទៀត និងបង្ហាញសាធារណជនអំពីករណីស្លាប់របស់លោកឈុត វុទ្ធី និងមន្ត្រីកងរាជអាវុធហត្ថ។
ចុះផ្សាយនៅថ្ងៃ៖
ស្តាប់ - ០១:៣១
រដ្ឋាភិបាលកំពុងបង្កើតគណៈកម្មាធិការអន្តរក្រសួងមួយដើម្បីបន្តស៊ើបអង្កេតអោយបានច្បាស់លាស់ករណីស្លាប់របស់លោកឈុត វុទ្ធី ប្រធានអង្គការការពារធនធានធម្មជាតិកម្ពុជា និងមន្ត្រីកងរាជអាវុធហត្ថនៅក្នុងខេត្តកោះកុង។ អ្នកនាំពាក្យកងរាជអាវុធហត្ថលើផ្ទៃប្រទេស លោកវរសេនីយឯក ខេង ទីតូបានប្រាប់ «គេហទំព័រថ្មីៗ»នៅរសៀលថ្ងៃចន្ទនេះថា សមាភាពនៃគណៈកម្មាធិការអន្តរក្រសួងនោះរួមមាន តំណាងមកពីអគ្គស្នងការនគបាលជាតិ កងរាជអាវុធហត្ថលើផ្ទៃប្រទេស ក្រសួងអធិការកិច្ច និងអង្គភាពព័ត៌មាន និងប្រតិកម្មរហ័សរបស់ទីស្តីការគណៈរដ្ឋមន្ត្រី។
ហេតុអ្វីត្រូវបង្កើតគណៈកម្មាធិការអន្តរក្រសួងនេះ ? លោកវរសេនីយឯក ខេង ទីតូបានពន្យល់ថា៖« គឺដើម្បីរកអោយឃើញមូលហេតុអោយកាន់តែច្បាស់ ពិសេសចំពោះការយល់ឃើញរបស់សង្គមស៊ីវិល និងសាធារណជន»។ អ្នកនាំពាក្យដដែលបានបញ្ជាក់ថា អគ្គស្នងការនគរបាលជាតិគឺជាប្រធានគណៈកម្មាធិការនេះ ហើយលោកមិនបានដឹងទេថា តើក្នុងគណៈកម្មាធិការនេះមានសមាសភាពតំណាងអង្គការក្រៅរដ្ឋាភិបាលដែរ ឬយ៉ាងណានោះទេ ?
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ