គជប ផ្សព្វផ្សាយ ពីសៀវភៅស ស្តីពីការបោះឆ្នោត
គណកម្មាធិការជាតិរៀបចំការបោះឆ្នោត គជប កាលពីព្រលប់ថ្ងៃព្រហស្បតិ៍ ទី៥កញ្ញាម្សិលមិញ បានចេញផ្សាយនូវ សៀវភៅស ស្តីពី ការបោះឆ្នោតសកលជ្រើសតាំងតំណាងរាស្ត្រ នីតិកាលទី៥ នៃរដ្ឋសភា នៃព្រះរាជាណាចក្រ ឆ្នាំ២០១។
ចុះផ្សាយនៅថ្ងៃ៖
សៀវភៅស កម្រាស់ ៥២ ទំព័រ ជាភាសាខ្មែរ និងភាសាអង់គ្លេស មាន ៣៨ ទំព័រ បានរៀបរាប់ពិស្តារ អំពីសាវតា នៃការបង្កើត សមាសភាព និងរចនាសម្ព័ន្ធគជប ដំណើរការបោះឆ្នោត អ្នកសង្កេតការណ៍ និងភ្នាក់ងារគណបក្សនយោបាយ បណ្តឹងបោះឆ្នោត រួមទាំងសេចក្តីថ្លែងការណ៍របស់ប្រធានាធិបតី នាយករដ្ឋមន្ត្រី ថ្នាក់ដឹកនាំនយោបាយអន្តរជាតិនានា លើដំណើរការបោះឆ្នោត នៅកម្ពុជា កាលពីថ្ងៃទី២៨កក្កដា ការស្នើសុំបង្កើតយន្តការថ្មី ដោយមានការចូលរួមពីអង្គការសហប្រជាជាតិ និងអង្គការក្រៅរដ្ឋាភិបាល និងសេចក្តីសន្និដ្ឋាន។
ព្រះរាជសាររបស់ព្រះមហាក្សត្រ នៅក្រោយថ្ងៃបោះឆ្នោត ដែលព្រះអង្គអំពាវនាវដល់គណបក្សជាប់ឆ្នោតទាំងពីរ ឲ្យបន្តពិភាក្សារកដំណោះស្រាយដោយសន្តិវិធី និងការដោះស្រាយបញ្ហាជាតិនានា គួរផ្អែកលើរដ្ឋធម្មនុញ្ញ និងច្បាប់នានា ក៏ត្រូវបានគជប លើកឡើងក្នុងសៀវភៅសផងដែរ។ លោក ទេព នីថា អគ្គលេខាធិការគជប បានលើកឡើងថា នេះជាលើកទីមួយហើយ ដែលគជប បានចងក្រងជាសៀវភៅសនេះឡើង បន្ទាប់ពីការបោះឆ្នោតជ្រើសតាំងតំណាងរាស្ត្រ នីតិកាលទី។ លោក ទេព នីថា ក៏បានវាយតម្លៃអំពីការបោះឆ្នោតលើកនេះ បានប្រព្រឹត្តទៅក្នុងបរិយាកាសសន្តិសុខ និងសុវត្ថិភាពល្អ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ