កម្ពុជា -

អត្ថបទចុះផ្សាយនៅថ្ងៃ សុក្រ 28 តុលា 2011 - ព័ត៌មានទើបកែប្រើលើកចុងក្រោយ ថ្ងៃ សុក្រ 28 តុលា 2011

ក្រុមហ៊ុនអាកាសចរណ៍បង្កើនជើងហោះហើរដើម្បីទទួលអ្នកទេសចរ

ក្រុមហ៊ុនអាកាសចរណ៍បារាំងសម្ពោធជើងហោះហើរលើកទីមួយពីប៉ារីសមកកម្ពុជា

©RFI/ បណ្ណាសារ

ដោយ លាង ដឺលុច

ក្រុមហ៊ុនអាកាសចរណ៍ នៅកម្ពុជានឹង បង្កើនចំនួនជើងហោះហើរ ព្រមទាំងផ្លាស់ប្តូរយន្តហោះពីទំហំមធ្យម ទៅទំហំធំ ដើម្បីត្រៀមទទួលចំនួនភ្ញៀវទេសចរ នៅក្នុងរដូវទេសចរកើនឡើងខាងមុខនេះ។ សេចក្តីប្រកាសនេះត្រូវបានធ្វើឡើងដោយក្រុមហ៊ុនសម្បទានព្រលានយន្តហោះ នៅព្រឹកថ្ងៃទី២៨ តុលានេះ។

សេចក្តីរាយការណ៍របស់លាង ដឺលុចពីទីក្រុងភ្នំពេញ

ស្តាប់ (01:19)

28/10/2011 by លាង ដឺលុច

ក្រុមហ៊ុនអាកាសចរណ៍ចំនួន២៣ក្រុមហ៊ុននឹងបង្កើនជើងហោះហើរ ព្រមទាំងផ្លាស់ប្តូរទំហំយន្តហោះពីមធ្យមទៅធំ ដើម្បីត្រៀមទទួលភ្ញៀវទេសចរ ក្នុងពេលខាងមុខ នៅកម្ពុជា។ សេចក្តីប្រកាសនេះត្រូវបានធ្វើឡើងនៅក្នុងសន្នីសិទកាសែតមួយ នៅថ្ងៃសុក្រនេះដែលរៀបចំឡើងដោយក្រុមហ៊ុនសម្បទានព្រលានយន្តហោះ។

ការបង្កើនចំនួនជើងហោះហើរ និងផ្លាស់ប្តូរការប្រើប្រាស់ទំហំយន្តហោះ ត្រូវបានគេពន្យល់ភ្ជាប់ទៅនឹងមូលហេតុនៃការកើនឡើងនៃភ្ញៀវទេសចរ។ ភ្ញៀវទេសចរដែលនឹងកើនដល់២លាននាក់ នៅក្នុងរដូវរំហើយខាងមុខនេះ។ រដូវរំហើយនៅកម្ពុជា គឺរដូវនៃការកើនឡើងនៃភ្ញៀវទេសចរបរទេសដែលមានរយៈពេលពីថ្ងៃទី៣០តុលា ដល់ចុងខែមីនាឆ្នាំថ្មី។

សព្វថ្ងៃនេះ ក្រុមហ៊ុនអាកាសចរណ៍អ៊ែរ ហ្រ្វង់ បានប្រើប្រាស់យន្តហោះប្រភេទ ធុនធ្ងន់បូអ៊ីង៧៧៧ដែលអាចផ្ទុកអ្នកដំណើរបាន៣០៩នាក់ និងក្រុមហ៊ុនអាកាសចរណ៍ កូរ៉េKorean Air បាន ប្រើប្រាស់ យន្តហោះ Airbus A ៣៣០ដែលអាចផ្ទុកអ្នកដំណើរបាន២៨០នាក់។ ដោយឡែកក្រុមហ៊ុនអាកាសចរណ៍ជាច្រើនទៀតក៍បានបង្កើនចំនួនហោះហើរ ចំនួនពី២ទៅ៥លើក ក្នុង១សប្តាហ៍។

ក្រុមហ៊ុនអាកាសចរជាតិកម្ពុជាអង្គរអ៊ែរក៍នឹងបើកការហោះហើរជាលើកដំបូង ចំនួន៣លើកក្នុង១សប្តាហ៍ពីខេត្តព្រះសីហនុទៅកាន់ខេត្តសៀមរាប ចាប់ពីថ្ងៃទី១៤ខែធ្នូខាងមុខនេះទៅ។