របាយការណ៍សង្កេតការណ៍ការិយាល័យសំណាកបោះឆ្នោតត្រូវ បានផ្សព្វផ្សាយ
អង្គការតម្លាភាពកម្ពុជាបានបង្ហាញរបាយការណ៍របស់ខ្លួនជាលើកដំបូង ទាក់ទងទៅនឹងការសង្កេតផែនការបោះឆ្នោតជ្រើសតាំងតំណាងរាស្ត្រ នៅប្រទេសកម្ពុជា កាលពីថ្ងៃទី២៨កក្កដា កន្លងទៅនេះ។ មន្ត្រីអង្គការតម្លាភាពកម្ពុជាអោយដឹងថា លទ្ធផលនៃការសង្កេតការណ៍បែបប្រជាសាស្ត្រ ដែលមិនធ្លាប់អនុវត្តនៅប្រទេសកម្ពុជា មានភាពជាក់លាក់រហូតដល់ទៅ៩៥ភាគរយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១០
របៀបសង្កេតការណ៍បោះឆ្នោតតាមបែបជឿនលឿនវិទ្យាសាស្ត្រដែលអង្គការតម្លាភាពកម្ពុជាបានយកមកប្រើប្រាស់ក្នុងអំឡុងនៃការបោះឆ្នោតជ្រើសរើស តំណាងរាស្ត្រនីតិកាលទី៥កន្លងទៅនេះ ត្រូវបានបង្ហាញរបាយការណ៍ហើយនៅថ្ងៃ ព្រហស្បតិ៍នេះ។
ដូចដែលបានប្រកាសកាលពីមុនបោះឆ្នោតអង្គការតម្លាភាពកម្ពុជាបានដាក់ ពង្រាយអ្នកសង្កេតការណ៍បោះឆ្នោតចំនួន៩០៦នាក់ ទៅតាមការិយាល័យសំណាក ចំនួន៤០៩ នៅទូទាំង២៤ខេត្ត-ក្រុងជាមួយនឹងបច្ចេកទេសសង្កេតការណ៍បែប សំណាកSBO ដែលជាវិធីសាស្ត្រសង្កេតការណ៍បោះឆ្នោតមួយធ្វើការសង្កេតទៅលើការិយាល័យ បោះឆ្នោតនិងផ្តល់ព័ត៌មានបែបស្ថិតិជាក់លាក់ទៅលើការប្រព្រឹត្តទៅនៃ ការបោះឆ្នោត និងរាប់សន្លឹកឆ្នោត។
លោកព្រាប កុល នាយកប្រតិបត្តិអង្គការតម្លាភាពកម្ពុជា បានថ្លែង នៅក្នុងពិធីមួយដែលបានរៀបចំនៅសណ្ឋាគារImperiel ថា វិធីសាស្ត្រនេះ ធ្វើឲ្យយើងប្រើប្រាស់ថវិកាតិច ប្រើមនុស្សតិចតែមានលទ្ធផលនិង ប្រសិទ្ធភាពខ្ពស់។ ជាក់ស្តែងសម្រាប់លទ្ធផលនៃការសង្កេតការណ៍នៅក្នុង ការបោះឆ្នោតជាតិនៅពេលនេះ គឺលោកទទួលបានភាពជាក់លាក់រហូតទៅដល់ ៩៥ភាគរយ ខណៈដែលអង្គការមួយនេះបានធ្វើការសង្កេតការណ៍ជាគំរូប្រហែលជា ១០ភាគរយប៉ុណ្ណោះ នៃការិយាល័យបោះឆ្នោតនៅកម្ពុជា។
ជាមួយគ្នានេះ អង្គការតម្លាភាពកម្ពុជាបានលើកឡើងពីសកម្មភាពសង្កេតការណ៍របស់ខ្លួន
ចាប់តាំងពីមុនការបោះឆ្នោតដែលក្នុងនោះមានទាំងការចុះបញ្ជីឈ្មោះ បោះឆ្នោត ទឹកខ្មៅជ្រលក់ដៃ បរិយាកាសទូទៅនៃការចូលរួមបោះឆ្នោត ដែលមានការ ផុលផុស និងមានការប្រកួតប្រជែងខ្លាំងរវាងគណបក្សនយោបាយមិនដែល ធ្លាប់មាន។
របាយការណ៍ដែលលើកឡើងដោយលោកព្រាប កុល ក៏បានបង្ហាញផងដែរពីអព្យាក្រិ តភាពរបស់គ.ជ.បដែលស្ថិតនៅក្រោមដំបូលក្រសួងមហាផ្ទៃ និងមានហិរញ្ញវត្ថុ មិនឯករាជ្យរួមជាមួយបណ្តាញការងារដល់ថ្នាក់មូលដ្ឋានដែលមានឥទ្ធិពល នយោបាយនិងភាពមិនប្រក្រតីមួយចំនួន អំឡុងពេលនៃការបោះឆ្នោតនិងរាប់ សន្លឹកឆ្នោត។
សូមបញ្ជាក់ថាការប្រកាសលទ្ធផលនៃការអង្កេតនេះ អ្នករៀបចំក៏បាន អញ្ជើញគ្រប់ផ្នែកពាក់ព័ន្ធឲ្យចូលរួមផងដែររួមទាំងតំណាងគណបក្ស ទាំង៨ក៏ប៉ុន្តែឃើញមានវត្តមានតែគណបក្សសង្គ្រោះជាតិ និងគណបក្សខ្មែរ ឈប់ក្រប៉ុណ្ណោះ។ គណបក្សប្រជាជនកម្ពុជានិងគ.ជ.ប មិនមានអត្ថាធិប្បាយ ណាមួយនៅឡើយទាក់ទងទៅនឹងការបញ្ចេញរបាយការណ៍នេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ