កម្ពុជា -

អត្ថបទចុះផ្សាយនៅថ្ងៃ ពុធ 04 កក្កដា 2012 - ព័ត៌មានទើបកែប្រើលើកចុងក្រោយ ថ្ងៃ ពុធ 04 កក្កដា 2012

រដ្ឋាភិបាលកម្ពុជាបារម្ភចំពោះការស្លាប់កុមារដោយជំងឺដែលគេមិនទាន់ស្គាល់ឈ្មោះ

គិលានុបដ្ឋាយិកាកំពុងពិនិត្យសុខភាពកុមារី (រូបថតឯកសារ)

ដោយ លាង ដឺលុច

រដ្ឋមន្ត្រីក្រសួងសុខាភិបាលកម្ពុជា លោក វេជ្ជបណ្ឌិតម៉ម ប៊ុនហេងបានសម្តែងការព្រួយបារម្ភចំពោះស្ថានភាពនៃការស្លាប់របស់កុមារខ្មែរ ដោយសារជំងឺមួយប្រភេទ ដែលគេនៅមិនទាន់ស្គាល់ឈ្មោះ។

បើតាមការបញ្ជាក់របស់លោករដ្ឋមន្ត្រីម៉ម ប៊ុនហេង ក្រុមការងារចម្រុះមួយដែលមានការចូលរួមពីវេជ្ជបណ្ឌិតផ្នែកកុមាររបស់ ក្រសួងសុខាភិបាល និងអង្គការសុខភាពពិភពលោក កំពុងបន្តសិក្សាស្រាវជ្រាវរកអត្តសញ្ញាណនៃមេរោគអាថ៌កំបាំងនេះ ដែលក្រសួងសុខាភិបាលទើបតែទទួលព័ត៌មានបានកាលពីពេលថ្មីៗនេះ។

អង្គការសុខភាពពិភពលោក (WHO) បានប្រកាសអោយដឹងថា ក្នុងអំឡុងពេល៣ខែកន្លងមកនេះ ពោលគឺចាប់ពីខែមេសាមក កុមារខ្មែរអាយុក្រោម៧ឆ្នាំ ចំនួន ៦០នាក់ហើយ ដែលបានស្លាប់ដោយសារជំងឺមួយដែលគេមិនដែលស្គាល់៕