ជនជាតិអាមេរិកំាងម្នាក់ទៀតត្រូវបានកូរ៉េខាងជើងកាត់ទោសដាក់ក្នុងជំរំលត់ដំការងារ
តុលាការកំពូលនៅក្នុងប្រទេសកូរ៉េខាងជើងទើបបានកាត់ទោសជនជាតិអាមេរិកំាងម្នាក់ទៀតឈ្មោះម៉ាតធូ មីលឺ (Matthew Miller) ដាក់នៅក្នុងជំរំលត់ដំការងាររយៈពេល ៣ឆ្នំាពីបទបានលួចចូលក្នុងទឹកដីកូរ៉េខាងជើង។ ការកាត់ទោសលោកមីឡ័រពេលនេះបានធ្វើឡើង ២សប្តាហ៍បន្ទាប់ពីរូបលោក និងជនជាតិអាមេរិកំាងពីរនាក់ទៀតបានអំពាវនាវរកជំនួយអន្តរាគមន៍ពីរដ្ឋបាលអាមេរិកំាង។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១១
មានអាយុ ២៤ឆ្នំា ម៉ាតធូ មីលឺ គឺជាជនជាតិអាមេរិកំាងទី២ ដែលត្រូវបានតុលាការកូរ៉េខាងជើងកាត់ទោសបញ្ចូលទៅក្នុងជំរំលត់ដំការងារ។ បើយោងតាមទីភ្នាក់ងារផ្លូវការរបស់របបក្រុងព្យុងយ៉ាងឈ្មោះ KCNA ឲ្យដឹងថា លោកម៉ាតធូ មីឡ័របានជាប់ចោទពីបទប្រព្រឹត្តិទង្វើប្រឆំាងនឹងរបបកុម្មុយនិស្តកូរ៉េខាងជើងដោយលួចបន្លំធ្វើទិដ្ឋាការទេសចរណ៍ចូលក្នុងទឹកដីកូរ៉េខាងជើងកាលពីខែមេសាកន្លងទៅ។ គឺនៅក្នុងខែមេសាដដែលនោះហើយដែលរដ្ឋអំណាចកូរ៉េខាងជើងបានចាប់ខ្លួនលោកម៉ាតធូ មីលឺដោយចោទលោកពីបទបានលួចហែកទិដ្ឋាការចោល រួចសុំសិទ្ធិជ្រកកោនក្នុងទឹកដីកូរ៉េខាងជើង។
ក្រៅពីលោកម៉ាតធូ មីលឺ នៅមានជនជាតិអាមរិកំាងពីររូបទៀតដែលកំពុងជាប់ឃុំក្នុងទឹកដីកូរ៉េខាងជើង ក្នុងនោះមានលោកខេននេត បេ Kenneth Bae) ដែលត្រូវបានចាប់ខ្លួនកាលពីខែវិច្ឆិកា ឆ្នំា ២០១២ និងត្រូវបានកាត់ទោសដាក់ក្នុងជំរំលត់ដំការងាររយៈពេល ១៥ឆ្នំាពីបទជាប់ចោទជាសកម្មជនគ្រិស្តសាសនាដែលបញ្ចេញសកម្មភាពប៉ុនប៉ងផ្តួលរំលំរដ្ឋាភិបាលកូរ៉េខាងជើង។ រីឯជនជាតិអាមរិកំាងម្នាក់ទៀតមានឈ្មោះ ហ្យេហ្រ្វ៊ី ហ្វូក៏ត្រូវបានចាប់ខ្លួនក្នុងខែមេសា ឆ្នំា ២០១៤ ដូចលោកម៉ាតធូ មីលឺដែរ តែពីបទបានទុកគុម្ពីសាសនាចោលនៅក្នុងសណ្ឋាគារ។
នៅថ្ងៃទី២ កញ្ញាកន្លងទៅថ្មីៗនេះ ជនជាតិអាមេរិកំាងទំាង ៣រូបបានអំពាវនាវរកជំនួយពីរដ្ឋបាលអាមរិកំាងដោយសុំឲ្យបញ្ជូនបេសកជនអាមរិកំាងម្នាក់ទៅកូរ៉េខាងជើងដើម្បីចរចាជាមួយរដ្ឋអំណាចព្យុងយ៉ាងក្នុងការដោះលែងពួកគេ។ ជិតមួយសប្តាហ៍ក្រោយមក ពោលនៅថ្ងៃទី៨ កញ្ញា ទីក្រុងវ៉ាស៊ីតោនបានត្រឹមតែអំពាវនាវឲ្យទីក្រុងព្យុងយ៉ាងដោះលែងជនជាតិរបស់ខ្លួនទំាង ៣នាក់នោះ ដោយលើកយកហេតុផលមនុស្សធម៌។ គួររម្លឹកជូនថា កូរ៉េខាងជើង និងអាមេរិកគ្មានទំនាក់ទំនងការទូតរវាងគ្នាទេ។ នៅក្នុងអតីតកាល កូរ៉េខាងជើងធ្លាប់បានដោះលែងជនជាតិអាមេរិកំាង បន្ទាប់ពីមានទស្សនកិច្ចរបស់អតីតប្រធានាធិបតីអាមេរិកប៊ីល គ្លីនតុន និងជីមី ខាតធ័រ។ បេសកជនពិសេសរបស់អាមេរិកទទួលបន្ទុកសិទ្ធិមនុស្សនៅកូរ៉េខាងជើងលោករ៉ូប៊ែរ គីងក៏ធ្លាប់បានព្យាយាមធ្វើដំណើរទៅកូរ៉េខាងជើងដើម្បីជជែកពីការដោះលែងជនជាតិអាមរិកំាងទំាង ៣រូបនោះដែរ តែត្រូវបានក្រុងព្យុងយ៉ាងលប់ចោលវិញនៅនាទីចុងក្រោយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ