មធ្យោបាយធ្វើដំណើរឡើងថ្លៃរំខានការធ្វើបុណ្យរបស់ពលរដ្ឋក្នុងរដូវភ្ជុំ
ចុះផ្សាយនៅថ្ងៃ៖
ស្តាប់ - ០៨:១១
នៅព្រឹកថ្ងៃអាទិត្យនេះប្រជាពលរដ្ឋបានសម្រុកចេញពីរាជធានីភ្នំពេញធ្វើដំណើរទៅកាន់ ស្រុកកំណើត តាមបណ្តាខេត្តនានាដើម្បីចូលរួមពិធីបុណ្យប្រចាំឆ្នាំតាមប្រពៃណី។ ពិធីបុណ្យភ្ជុំបិណ្ឌដែលពលរដ្ឋខ្មែរថាមិនអាចមិនប្រារព្ធបានឡើយ។ ជួបជុំម៉ែពុក បងប្អូន ត្រូវធ្វើបុណ្យនៅឯវត្តអារាមហើយ ភ្ជុំបិណ្ឌក៍ជាឳកាសមួយ ដែលគ្រួសារខ្មែរបង្កើតបរិយាសកាសរីករាយនៅក្នុងសង្គមគ្រួសាររបស់ពួកគេផ្សេងៗគ្នាទៀត ដូចធ្វើនំប្រពៃណី ជប់លៀង ឬដើរកំសាន្តជាដើម។ ប៉ុន្តែឆ្នាំនេះ មិនខុសពីឆ្នាំមុននោះទេ មានបញ្ហាដដែលៗមួយ ដែលរំខានដល់ការធ្វើបុណ្យទានរបស់ពួកគាត់ នោះគឺមធ្យោបាយធ្វើដំណើរឡើងថ្លៃខ្ពស់ពេក។ ការឡើងថ្លៃរថយន្តដឹកអ្នកដំណើរ មួយជាពីរ សូម្បីរដ្ឋាភិបាលក៍គ្មានប្រសិទ្ធភាពក្នុងការទប់ស្កាត់។
