Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ អាទិត្យ 21 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ អាទិត្យ 21 តុលា 2012
ខុទ្ទកាល័យព្រះមហាក្សត្រអំពាវនាវឲ្យរដ្ឋាភិបាលពិចារណាធ្វើការដោះលែងអ្នកទោសនយោបាយ
ព្រះអង្គម្ចាស់ ស៊ីសុវត្ថិ ធម្មិកោ
©ដឺលុច/RFI
ទីប្រឹក្សាអមព្រះរាជខុទ្ទកាល័យព្រះមហាក្សត្រ និងជាអតីតលេខាផ្ទាល់របស់ព្រះមហាវីរក្សត្រ ព្រះអង្គម្ចាស់ ស៊ីសុវត្ថិ ធម្មិកោបានអំពាវនាវទៅដល់រដ្ឋាភិបាលកម្ពុជាគួរតែពិចារណាធ្វើការដោះលែងអ្នកទោសនយោបាយនៅខណៈដែលប្រជាជាតិកម្ពុជាទាំងមូលកំពុងចូលរួមកាន់មរណៈទុក្ខចំពោះព្រះបរមសពរបស់ព្រះមហាវីរក្សត្រសម្តេចឪព្រះបាទនរោត្តមសីហនុ ដើម្បីជាការផ្សះផ្សា និងបង្រួមបង្រួមជាតិ។ ប៉ុន្តែការលើកឡើងនេះត្រូវបានមន្ត្រីរដ្ឋាភិបាលសម្តែងប្រតិកម្មប្រឆាំងផងដែរ។
ទីប្រឹក្សាអមព្រះរាជខុទ្ទកាល័យព្រះមហាក្សត្របានមានបន្ទូលអំពាវនាវទៅដល់រាជរដ្ឋាភិបាលកម្ពុជាគួរតែធ្វើការលើកលែងទោសដល់អ្នកទោសនយោបាយនៅខណៈដែលប្រជាជាតិកម្ពុជាទាំងមូលកំពុងចូលរួមកាន់មរណៈទុក្ខចំពោះព្រះបរមសពរបស់ព្រះមហាវីរក្សត្រសម្តេចឪព្រះបាទនរោត្តមសីហនុ ដើម្បីជាការផ្សះផ្សា និងបង្រួមបង្រួមជាតិ។ ព្រះអង្គម្ចាស់ ស៊ីសុវត្ថិ ធម្មិកោ ទីប្រឹក្សាអមព្រះរាជខុទ្ទកាល័យព្រះមហាក្សត្រ និងជាអតីតលេខាផ្ទាល់របស់ព្រះមហាវីរក្សត្របានមានបន្ទូលថា រាជរដ្ឋាភិបាលកម្ពុជាគួរណាតែឆក់យកឱកាសដ៏មហាឡោរិកនេះដើម្បីលើកលែងទោសដល់អ្នកទោសនយោបាយដើម្បីជាការផ្សះផ្សារ និងបង្រួបបង្រួមជាតិ។
ព្រះអង្គម្ចាស់មានបន្ទូលថា ប្រសិនបើរាជរដ្ឋាភិបាលសម្រេចធ្វើការលើកលែងទោសដល់អ្នកនយោបាយនៅក្នុងឱកាសនេះ គឺធ្វើឲ្យចម្រើនជាតិ ច្រើនជាងខាត។ ហើយការលើកលែងទោសអ្នកនយោបាយនោះ គឺធ្លាប់ធ្វើនាពេលកន្លងមក មិនមែនទើបតែធ្វើឥឡូវនេះទេ។ ដូចជានៅពេលសមារណកម្មជាមួយខ្មែរក្រហម ក៏បានលើកលែងទោសជូនលោកអៀង សារីផងដែរ។ ដូច្នេះវាពុំមានរឿងអ្វីថ្មីដែលគួរឲ្យភ្ញាក់ផ្អើលទេ។ ហើយតាមការយល់ឃើញរបស់ព្រះអង្គម្ចាស់ គឺគ្មានឱកាសណា ល្អជាងឱកាសនេះទេ។
បើតាមការអះអាងរបស់អ្នកវិភាគឯករាជ្យ អ្នកស្រីជា វណ្ណាតបានលើកឡើងថា រាជរដ្ឋាភិបាលគួរតែធ្វើការដោះលែងអ្នកទោស នៅក្នុងឱកាសដ៏ពិសេសសំរាប់ព្រះវិញ្ញាណក្ខន្ធព្រះបាទនរោមត្តម សីហនុ នេះជាឱកាសដ៏ល្អសំរាប់សម្តែងនូវការដឹងគុណដល់អតីតព្រះមហាវីរក្សត្រ។ អ្នកស្រីថា ការដោះលែងអ្នកទោសនេះ គឺជាអ្វីដែលអតីតព្រះមហាវីរក្សត្រតែងតែធ្វើនៅក្នុងឱកាសបុណ្យចម្រើនព្រះជន្មរបស់ព្រះអង្គ ឬក៏បុណ្យចូលឆ្នាំខ្មែរ។ ដូច្នេះនៅក្នុងឱកាសពិសេសនេះ អ្នកស្រីស្នើសុំទៅរដ្ឋាភិបាលគួរតែពិចារណានៅត្រង់ចំណុចនេះ។
រីឯលោកផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបានសម្តែងប្រតិកម្មថា លោកមានការសោកស្តាយចំពោះការលើកឡើងរបស់ព្រះអង្គម្ចាស់ ស៊ីសុវត្ថិ ធម្មិកោ។ អ្វីដែលព្រះអង្គម្ចាស់បានលើកឡើង គឺក្នុងនាមបុគ្គលផ្ទាល់ខ្លួនពុំមែនក្នុងនាមព្រះបរមរាជវាំងទេ។ ហើយពេលនេះ គឺជាពេលវេលាកំពុងធ្វើបុណ្យតាមប្រពៃណីព្រះពុទ្ធសាសនា មិនគួរយកព្រះបរមសពរបស់ព្រះមហាវីរក្សត្រមកលេង ជារឿងនយោបាយនោះទេ៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (2)
ការលើកឡើងរបស់ព្រះអង្គម្ចាស
ការលើកឡើងរបស់ព្រះអង្គម្ចាស់ពិតជាត្រូវ ប៉ុន្តែការសំខាន់នោះគឺថាច្បាប់ខ្មែរមិនបានផ្តល់អំណាច ឬព្រះរាជសិទ្ធដល់ព្រះមហាក្សត្រទេ ព្រោះច្បាប់តំរូវអោយមានសំណើរពីនាយករដ្ឋមន្ត្រី។ បើគាត់សប្បាយចិត្ត និងមានប្រយោជន៍ដល់គាត់ គាត់ផ្ញើសេចក្តីស្នើទៅមហាក្សត្រអោយដោះលែងភ្លាម បើគាត់ស្អប់វិញ យើងដាំចេកហើយ។ ជាក់ស្តែងដូចជារឿងជនជាតិសៀមដែលធ្វើចារកម្មលើកមុនអីចឹង មិនទាន់ជាប់គុកបានស្រួលបួលផង គាត់ដោះលែង ហើយប្រគល់ជូននាយករដ្ឋមន្រ្តីសៀមផ្ទាល់ដៃទៀត។ បើយកល្អគេត្រូវធ្វើវិសោធនកម្មលើមាត្រាមួយនេះ បើមិនអីចឹងទេ ព្រះមហាក្សត្រមិនមានសិទ្ធអ្វីទាំងអស់ ហើយតួនាទីជាបិតាបង្រួបបង្រួមជាតិរបស់ទ្រង់ក៏មិនមានន័យអ្វីដែរ។ យើងសង្ឃឹមថារាជបល្ល័ង និងប្រទេសខ្មែរនឹងមិនដូច សម័យសាមកុកដែលដឹកនាំដោយ ឆាវឆាវ ទៅចុះ។
ដើម្បីខ្មែរ
I agreed with the prince and
I agreed with the prince and Mrs. Vanath. It is the only window for national conciliation and the last chance for Mr. Sam Rainsey to return to Cambodia without facing jail. From this point, Mr. Rainsey must be aware that int'l pressure make no impact to change his destiny as proved since his exile...particularly during recent donor countries' meeting in PP said nothing about Mr. Sam Rainsey...It’s still a road to walk though Mr. Pay Siphan’s reaction sounded negative for Mr. Rainsey at this moment. But, many can see that PM Hun Sen will find it hard to refuse Mr. Rainsey's request...If PM Hun Sen does refuse this scenario, it will make a bad refection on him as the public will see him who does not pay respect for and gratitude to HM the late King Father...Please be patient Mr. Rainsey! PM Hun Sen is a kind of opened-mind person as he has done with many in the past. And, I hope after this chance, Mr. Rainsey will not act other things that could lock himself again...Wish you good luck Mr. Sam Rainsey...!
ប្រតិកម្មជុំវិញអត្ថបទនេះ