16/09/2012
-
ភូមា-អាមេរិក
ប្រមុខដឹកនាំបក្សប្រឆាំងភូមា លោកស្រី អ៊ុង សានស៊ូជី ត្រូវចេញដំណើរនៅថ្ងៃអាទិត្យនេះ ក្នុងដំណើរទស្សនកិច្ចជាលើកទីមួយរបស់លោកស្រី ទៅកាន់សហរដ្ឋអាមេរិក ក្នុងរយៈពេលប្រមាណជាពីរទសវត្សរ៍កន្លងទៅនេះ។ ក្នុងដំណើរទស្សនកិច្ចនេះ លោកស្រីនឹងត្រូវទទួលបានការស្វាគមន៍ពីសំណាក់រដ្ឋាភិបាលអាមេរិក ស្ទើរតែស្មើនឹងប្រមុខរដ្ឋ ក៏ប៉ុន្តែ វាក៏ជាដំណើរទស្សនកិច្ចដែលអាចនឹងត្រូវប្រឈមមុខនឹងបញ្ហានយោបាយស្មុគស្មាញមួយចំនួនដែរ។
