Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ ពុធ 27 មិថុនា 2012 -
ព័ត៌មានទើបកែប្រើលើកចុងក្រោយ ថ្ងៃ ពុធ 27 មិថុនា 2012
ក្រុមការងាររួមកម្ពុជា-ថៃបើកកិច្ចប្រជុំលើកទី២និយាយពីការដកទ័ព
ក្រុមការងាររួមកម្ពុជា-ថៃបើកកិច្ចប្រជុំលើកទី២ និយាយពីការដកទ័ពនៅថ្ងៃ២៧មិថុនា២០១២
RFI/Siv Channa
ក្រុមការងាររួមកម្ពុជា-ថៃ បានជួបប្រជុំជាលើកទី២នៅក្នុងទីក្រុងភ្នំពេញនាថ្ងៃពុធទី២៧ខែមិថុនានេះ។ កិច្ចប្រជុំដែលដឹកនាំដោយនាយឧត្តមសេនីយ៍កងទ័ពប្រទេសទាំងពីរ បានផ្តោតការពិភាក្សាលើការដកកងទ័ពកម្ពុជា-ថៃ ចេញពីតំបន់ព្រំដែនប្រាសាទព្រះវិហារស្របតាមដីកាបង្គាប់របស់តុលាការយុត្តិធម៌អន្តរជាតិ ទីក្រុងឡាអេថ្ងៃ១៨កក្កដា ឆ្នាំ២០១១។ លោកនាយឧត្តមសេនីយ៍ នាង ផាត ដែលតំណាងឲ្យភាគីកម្ពុជា បានប្រកាសថា កម្ពុជាសន្យាថានិងត្រៀមខ្លួនអនុវត្តតាមការសម្រេចដកទ័ពស្របតាមការសម្រេចរបស់តុលាការ។ ពោលគឺរង់ចាំតែភាគីថៃប៉ុណ្ណោះ។
លោកនាយឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ និងជាសហប្រធានកិច្ចប្រជុំ តំណាងឲ្យភាគីកម្ពុជា បានលើកឡើងថា ភាគីកម្ពុជារង់ចាំដោយរីករាយ ដើម្បីទទួលយកនូវសំណូមពរ និងយោបល់ស្ថាបនាពីមិត្តថៃ ក្នុងបែបបទនៃការរៀបចំកែសម្រួលដកកងទ័ពចេញពីតំបន់គ្មានកងទ័ពបណ្តោះអាសន្ន នៅព្រំដែនប្រាសាទព្រះវិហារ។
លោកនាយឧត្តមសេនីយ៍ មានការជឿជាក់ថា រដ្ឋាភិបាលនៃប្រទេសទាំងពីរ រួមទាំងប្រជាជននៃប្រទេសទាំងពីរ ពិតជារង់ចាំលទ្ធផលវិជ្ជមាន នៃកាលបរិច្ឆេទសម្រួលកងទ័ព ក្នុងរយៈពេលមួយ ដើម្បីសន្តិភាពយូរអង្វែង តាមបណ្តោយព្រំដែន និងការស្រឡាញ់យកចិត្តទុកដាក់ពីមិត្តភ័ក្តិអន្តរជាតិ ក្នុងគោលបំណងថែរក្សាសម្បត្តិបេតិកភណ្ឌមនុស្សជាតិ នៅតំបន់ប្រាសាទព្រះវិហារ និងតំបន់ជុំវិញនោះ។
លោកនាយឧត្តមសេនីយ៍ នាង ផាត ដែលដឹកនាំមេទ័ពកម្ពុជា ជួបប្រជុំជាមួយភាគីថៃ នៅថ្ងៃពុធនេះ បានលើកឡើងថាអង្គប្រជុំ បានសង្កត់ពីបញ្ហាពិនិត្យឡើងវិញការកែសម្រួលដកកងទ័ពនិងការដោះមីនលើទីតាំងដីជាក់ស្តែង នៅចំណុច A.B.C.D. ដែលជាការអនុវត្តសាលដីកាបង្គាប់របស់តុលាការអន្តរជាតិ កាលពីថ្ងៃទី១៨ ខែកក្កដា ឆ្នាំ២០១១។
លោកនាយឧត្តមសេនីយ៍ បានបញ្ជាក់ទៀតថាកម្ពុជាបានបញ្ជូនឯកសាររួចរាល់ទៅកាន់ក្រសួងការបរទេសឥណ្ឌូនេស៊ី ដោយបញ្ជាក់ថា កម្ពុជាអនុវត្តយ៉ាងខ្ជាប់ខ្ជូននូវដីកាបង្គាប់របស់ តុលាការអន្តរជាតិ។
សេចក្តីប្រកាស របស់រដ្ឋាភិបាលកម្ពុជា បានលើកឡើងថា កិច្ចប្រជុំក្រុមការងាររួមកម្ពុជា-ថៃ លើកទី២ នៅថ្ងៃនេះ បានផ្តោតសំខាន់លើផែនការសកម្មភាពដើម្បីអនុវត្តពេញលេញដីកាបង្គាប់តុលាការយុត្តិធម៌អន្តរជាតិ ក្នុងរឿងដកទ័ពពីតំបន់ព្រំដែនប្រាសាទព្រះវិហារនិងរក្សាបរិយាកាសនិងស្ថានភាពស្ងប់ស្ងាត់នៅក្នុងតំបន់គ្មានកងទ័ពបណ្តោះអាសន្ន (PDZ) កំណត់ដោយតុលារយុត្តិធម៌អន្តរជាតិ ICJ ឲ្យដូចសភាពការណ៍ មុនថ្ងៃទី១៥ ខែកក្កដា ឆ្នាំ២០០៨។
លទ្ធផល ដែលសម្រេចក្នុងកិច្ចប្រជុំក្រុមការងាររួមកម្ពុជា-ថៃ លើកទី ១ នៅទីក្រុងបាងកក កាលពីថ្ងៃទី៣-៥ ខែមេសា ឆ្នាំ២០១២ ដើម្បីលើកផែនការកែសម្រួលកងទ័ព និងតួនាទី នៃក្រុមសង្កេតការណ៍រួម ក៏ត្រូវលើកឡើងផងដែរ។ មកដល់ព្រលប់ថ្ងៃពុធនេះ ក្រុមការងាររួមកម្ពុជា-ថៃ មិនទាន់បញ្ចប់កិច្ចប្រជុំនៅឡើយទេ៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
preah vihear
almost one year of international court demanding both countries to remove soldiers to keep non soldier areas, but only Cambodia pays attention to follow the international court. Thai remains cheating the court and cambodia. my question is that any punishment against the party who not follow?
please advise
thanks
ប្រតិកម្មជុំវិញអត្ថបទនេះ