កម្ពុជា - 
អត្ថបទចុះ​ផ្សាយ​នៅ​ថ្ងៃ អង្គារ 30 កក្កដា 2013 - ព័ត៌មានទើប​កែប្រើ​លើកចុងក្រោយ​ ថ្ងៃ ពុធ 31 កក្កដា 2013

បក្ស​ប្រឆាំង​បដិសេធ​ព័ត៌មាន​ស្តីពី​ការ​ប្រកាស​ធ្វើ​មហា​បាតុកម្ម​​ប្រឆាំង​លទ្ធផល​បោះឆ្នោត

លោក សម​ រង្ស៊ី ប្រ​ធាន​គណបក្ស​​សង្គ្រោះ​ជាតិ
លោក សម​ រង្ស៊ី ប្រ​ធាន​គណបក្ស​​សង្គ្រោះ​ជាតិ
rfi/siv channa

ដោយ ជា ប៊ុនធឿន

គណបក្ស​សង្គ្រោះជាតិ បាន​អះអាង​ថា ការ​គំរាម​ធ្វើ​មហាបាតុកម្ម បើសិន​ជា​រដ្ឋាភិបាល​មិន​ទទួល​ស្គាល់​ពី​លទ្ធផល​ឈ្នះឆ្នោត​របស់​គណបក្ស​សង្គ្រោះជាតិ មិនមែន​ជា​ការពិត​ដែល​ប្រកាស​ជា​ផ្លូវការ​ឡើយ។ នេះ​បើ​តាម​ការ​បញ្ជាក់​របស់ លោក សម រង្ស៊ី និង​លោក យឹម សុវណ្ណ។​
 

សេចក្តីរាយការណ៍​របស់​ ជា ប៊ុនធឿន
 

30/07/2013

សកម្មជនជាច្រើន​ អ្នក​ដែល​គាំទ្រ​គណបក្ស​សង្គ្រោះជាតិ ពុះ​កញ្ជ្រោល កាលពី​យប់​ថ្ងៃ​ចន្ទ​ម្សិលមិញ នៅ​មុខ​ស្នាក់ការ​គណបក្ស​សង្គ្រោះជាតិ ដោយ​សំដែង​ការ​មិនពេញ​ចិត្ត​ចំពោះ​លទ្ធផល​ដែល​បាន​ប្រកាស​ជា​បឋម​កន្លង​មក​ដោយ​គណបក្ស​ប្រជាជន​កម្ពុជា និង​គ.ជ.ប.។

នៅក្នុង​ខណៈ​នោះ លោក សម រង្ស៊ី ប្រធាន​គណបក្ស​សង្គ្រោះជាតិ បាន​និយាយ​ទៅ​កាន់​សកម្មជន​ជាច្រើន នៅ​យប់​ដដែល​ថា គណបក្ស​សង្គ្រោះជាតិ​ជា​អ្នក​ឈ្នះឆ្នោត ក្នុង​ការ​បោះឆ្នោត​អាណត្តិ​ទី៥​នេះ។ ហើយ​ប្រសិន ជា​គណបក្ស​កាន់​អំណាច​មិន​ទទួលស្គាល់​លទ្ធផល​ខាងលើ លោក​នឹង​គំរាម​ធ្វើ​មហាបាតុកម្ម​ទូទាំង​ប្រទេស​មួយ។

ចំពោះ​ព័ត៌មាន​ដែល​អះអាង​ថា មាន​សកម្មជន​ជាច្រើន​កំពុង​តែ​ត្រៀមខ្លួន​ជាស្រេច ក្នុង​ការ​ធ្វើ​បាតុកម្ម​នោះ​ ត្រូវ​លោក​យឹម សុវណ្ណ អ្នក​នាំពាក្យ​របស់​គណបក្ស​សង្គ្រោះជាតិ អះអាង​ថា នេះ​មិនមែន​ជា​ការប្រកាស​ជា​ផ្លូវការ​របស់ គណបក្ស​សង្គ្រោះជាតិ​ឡើយ។
 

បន្លែម​លើ​នេះ​ដែរ ​លោក​សម រង្ស៊ី ក៏​បាន​បញ្ជាក់​ពី​ជំហរ​យ៉ាង​ច្បាស់​របស់​គណបក្ស​សង្គ្រោះជាតិ​ ក្នុង​បទសម្ភាសន៍​មួយ ជា​មួយ​វិទ្យុរ​បារាំងអន្តរជាតិ RFI កាល​ពី​ល្ងាច​ថ្ងៃ​ចន្ទ​ ទី ២៩ កក្កដា​ថា គណបក្ស​លោក​មិនទាន់ឈានដល់​ដំណាក់កាល​ចុះផ្លូវ​ធ្វើ​បាតុកម្មនោះទេ។ គឺ​សំខាន់​ការ​និយាយគ្នា​រក​ដំណោះស្រាយ៕

tags: គណបក្សនយោបាយ - នយោបាយ - បោះឆ្នោត - សម រង្ស៊ី
ទាក់ទងនឹងប្រធានបទនេះ​ដែរ :
អត្ថាធិប្បាយ
ប្រតិកម្ម​ជុំវិញ​អត្ថបទនេះ
The content of this field is kept private and will not be shown publicly.
To prevent automated spam submissions leave this field empty.
CAPTCHA
This question is for testing whether you are a human visitor and to prevent automated spam submissions.
Close