Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ សុក្រ 01 មីនា 2013 -
ព័ត៌មានទើបកែប្រើលើកចុងក្រោយ ថ្ងៃ សុក្រ 01 មីនា 2013
និស្សិតនិយាយភាសាបារាំងប្រកួតចំណេះដឹងទូទៅ ថ្ងៃទី៣មិនា
ការប្រកួតថ្នាក់ជាតិមួយ ឈ្មោះថា «Concours Dynamique» កាលពីឆ្នាំ ២០១២
RFI/Leang Delux
ទីភ្នាក់ងារឧត្តមសិក្សាដែលប្រើប្រាស់ភាសាបារាំង (AUF) នឹងរៀបចំការប្រកួតថ្នាក់ជាតិមួយ ដែលមានឈ្មោះថា «Concours Dynamique» នៅរសៀលថ្ងៃអាទិត្យ ទី៣ ខែមិនានេះ នៅវិទ្យាស្ថានបច្ចេកទេសកម្ពុជា (សាលាតិចណូ)។ និស្សិតដែលមកពីសាកលវិទ្យាល័យដែលប្រើប្រាស់ភាសាបារាំងចំនួន៨ វិទ្យាល័យចំនួន២ និងអង្គការក្រៅរាជរដ្ឋាភិបាល១ នឹងចូលរួមប្រកួតចំណេះដឹងទូទៅ និងការសម្តែងរឿងខ្លីៗជាភាសាបារាំង។ ជ័យលាភីថ្នាក់ជាតិនឹងត្រូវចូលរួមក្នុងការប្រកួតថ្នាក់តំបន់ នៅទីក្រុងហូជីមិញ ប្រទេសវៀតណាម នៅចុងខែមិនានេះ។
យ៉ាងហោចណាស់ សិស្ស និស្សិតដែលនិយាយភាសាបារាំងចំនួន៨០នាក់ នឹងចូលរួមក្នុងការប្រកួត ចំណេះដឹងទូទៅថ្នាក់ជាតិមួយ នៅរសៀលថ្ងៃអាទិត្យទី៣ មិនានេះ នៅវិទ្យាស្ថានបច្ចេកទេសកម្ពុជា (សាលាតិចណូ)។ ការប្រកួតដែលនឹងធ្វើឡើងជាភាសាបារាំង ហើយដែលមានឈ្មោះថា Concours Dynamique ត្រូវបានរៀបចំឡើងលើកទី៣ហើយ ដោយទីភ្នាក់ងារឧត្តមសិក្សាដែលប្រើប្រាស់ភាសាបារាំង Agence Universitaire de la Francophonie។
មានវិញ្ញាសា២ ដែលនឹងត្រូវរៀបចំ នៅក្នុងការប្រកួតនេះ។ វិញ្ញាសាទីមួយដែលជាការសម្តែងទេពកោសល្យ មានបេក្ខជន៤៨នាក់ និងវិញ្ញាសាទី២ដែលមានបេក្ខជន២៤នាក់នោះ គឺការប្រកួតប្រជែងលើចំណេះដឹងលើភាសាបារាំង និងចំណេះដឹងទូទៅ។ មានមនុស្សប្រមាណ៤០០នាក់ដែលគ្រោងនឹងចូលរួមទស្សនាការប្រកួតប្រជែងនេះ។
លោក សុខ គួង ប្រធានសមាគមអ្នកនិយាយភាសាបារាំង និងជាប្រធាននាយកដ្ឋានការងារភាសាបារាំងនៃទីភ្នាក់ងារឧត្តមសិក្សាប្រើប្រាស់ភាសាបារាំង បានពន្យល់ថា ការរៀបចំប្រកួតប្រជែង Concours Dynamique នៅកម្ពុជានេះ គឺទីមួយ ដើម្បីអោយសិស្សនិស្សិតដែលនិយាយភាសាបារាំង អាចបញ្ចេញសមត្ថភាពនិងទេពកោសល្យរបស់ពួកគេ ជាភាសាបារាំង ដែលមិនមែនជាភាសាដែលគ្រាន់តែរៀននៅក្នុងថ្នាក់រៀនប៉ុណ្ណោះទេ។ ទី២ វេទិកាប្រកួតប្រជែងនេះ ក៏នឹងក្លាយជាទីកន្លែងនៃការផ្លាស់ប្តូរបទពិសោធន៍ និងបង្កើតទំនាក់ទំនងរវាងនិស្សិតនិងសិស្ស មកពីគ្រប់មហាវិទ្យាល័យដែលសិក្សាភាសា និងជំនាញជាភាសាបារាំង។ និងទី៣ នៅពេលដែលកម្ពុជាជ្រើសរើសបានជ័យលាភីថ្នាក់ជាតិហើយនោះ ជ័យលាភីនោះនឹងតំណាងឲ្យប្រទេសកម្ពុជា ចូលរួមប្រកួតប្រជែងក្នុងថ្នាក់តំបន់។
ការប្រកួតថ្នាក់តំបន់ដែលនឹងប្រព្រិត្តទៅនៅចុងខែមិនា នៅទីក្រុងហូជីមិញ ប្រទេសវៀតណាម នឹងមានការចួលរួមពីជ័យលាភីមកពីប្រទេសវៀតណាម ឡាវ ម៉ាឡេស៊ី ចិន និងកម្ពុជា។
«ការប្រើប្រាស់ភាសាបារាំងនឹងបង្កើតនូវសាមគ្គីភាព ការផ្លាស់ប្តូរចំណេះដឹងនិងវប្បធម៌ ក៏ដូចជាបង្កើតទំនាក់ទំនងរវាងយុវជននិស្សិតទាំងអស់ មកពីប្រទេសនៅតំបន់អាស៊ីប៉ាស៊ីហ្វិក» នេះជាការបញ្ជាក់របស់លោក សុខ គួង។
Concours Dynamique ត្រូវបានរៀបចំលើកដំបូងនៅឆ្នាំ២០០៧ ដោយទីភ្នាក់ងារឧត្តមសិក្សាប្រើប្រាស់ភាសាបារាំង ជាមួយនឹងទស្សនវិស័យបើកទូលាយនិងពង្រឹងសហប្រតិបត្តិការក្នុងតំបន់ រវាងអាស៊ាន-ចិនក្នុងក្របខណ្ឌភាសាបារាំង។
នៅក្នុងឆ្នាំសិក្សា២០១៣នេះ ដោយគិតក្នុងចំណោមសាកលវិទ្យាល័យទាំង៩ ដែលជាសមាជិករបស់ទីភ្នាក់ងារឧត្តមសិក្សាដែលប្រើប្រាស់ភាសាបារាំង មាននិស្សិតចំនួន ៩ ៧៨៥នាក់ ដែលកំពុងសិក្សាភាសាបារាំង។ តួលេខនេះបានបង្ហាញអំពីកំណើនអ្នកសិក្សាភាសាបារាំងនៅកម្រិតឧត្តមសិក្សា ព្រោះថាបើ ប្រៀបធៀបនឹងឆ្នាំ២០១២ គឺមានតែ ៧ ៨៨១នាក់ ប៉ុណ្ណោះ។ នេះគេនៅមិនទាន់រាប់បញ្ចូលសិស្សានុសិស្ស ដែលកំពុងសិក្សាភាសាបារាំងនៅតាមវិទ្យាល័យ និងអនុវិទ្យាល័យនានា ព្រមទាំងសាលាឯកជនផ្សេងៗទៀតផង៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
There is an error.
Well, all the articles written by RFI so far have been good. I haven't seen any error. But this time, there is an error as I noticed. The third month should be written as "មីនា" not "មិនា"។
Tharith
ប្រតិកម្មជុំវិញអត្ថបទនេះ