លោក ពូទីន ៖ វ៉ាស៊ីនតោន ចង់ដាក់រុស្ស៊ី ឲ្យនៅក្រោមបង្គាប់ ស.រ.អា.
សេចក្តីនេះ ថ្លែងនារសៀលថ្ងៃ១៨វិច្ឆិកា ដោយលោកប្រធានាធិបតីរុស្ស៊ីពូទីន ពីលើ “វេទិកាប្រព្រឹត្តិកម្ម” នៃ “រណសិរ្សប្រជាជនទូទាំងប្រទេសរុស្ស៊ី” តបនឹងសំនួរប្រតិភូម្នាក់ ៖តើហេតុដូចម្តេច បានជា ស.រ.អា. ចេះតែបន្ថោកបន្ទាប មើលស្រាលលើរុស្ស៊ី ?
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៥
មុននឹងឆ្លើយតប លោកពូទីនបានកែតម្រូវយោបល់ប្រតិភូ ដែលចោទជាសំនួរនេះ គឺ ថា ៖ ក្រុងវ៉ាស៊ីនតោន មិនមែនចង់បន្ថោកបន្ទាប មើលស្រាលលើរុស្ស៊ីទេ តែតាមពិត គឺចង់ដាក់ប្រទេសរុស្ស៊ី ឲ្យនៅក្រោមបង្គាប់ ស.រ.អា.តែម្តង ប៉ុន្តែ ក្នុងប្រវត្តិទាំងមូលរបស់ប្រទេសរុស្ស៊ី មិន ដែលមាននរណាមួយ អាចសម្រេចបានឡើយ នូវគោលដៅបែបនេះរបស់គេ។ ទាំងលើកនេះ សម្រាប់ស.រ.អា. ក៏នឹងពុំអាចសម្រេចបាន នូវចេតនាបែបនេះឡើយ។
ប្រសាសន៍ខាងលើរបស់លោកពូទីន បានញ៉ាំងឲ្យមានការទះដៃសាទរលាន់ទ្រហ៊ឹង រំពង យ៉ាងយូរ ពីសំណាក់ប្រតិភូជាច្រើនពាន់នាក់ក្នុងសាលប្រជុំទម្រាំស្ងាត់ទៅវិញបន្តិចម្តង”ៗ។
ក្នុងបទអន្តរាគមន៍នោះ លោកប្រមុខរដ្ឋរុស្ស៊ី បានបរិហារអាក្រាតធាតុពិតនៃនយោបាយអាមេរិក ដែលចង់ដោះស្រាយបញ្ហាខ្លួន គឺដោយស៊ីខូងលើផលប្រយោជន៍ប្រទេសឯទៀត ជាបឋម ប្រទេសរុស្ស៊ីតែម្តង តាមផ្លូវស៊កបញ្ចូលប្រទេសរុស្ស៊ី ទៅនៅក្រោមឥទ្ធិពលអាមេរិក ប៉ុន្តែ មិន សម្រេចបានដូចចិត្តឯណា។
លោកពូទីន បន្ថែមថា ក្រុងវ៉ាស៊ីនតោនក្នុងទំនាក់ទំនង ជាមួយពួកប្រទេសសម្ព័ន្ធមិត្តខ្លួន គឺ រមែងសម្រេចបានដូចគោលបំណងខ្លួនមែន ពីព្រោះ សម្ព័ន្ធមិត្តជាច្រើនរបស់អាមេរិក គួរឲ្យ ស្តាយ ទាំងខូចខាតដល់ផលប្រយោជន៍ជាតិរបស់គេសោះ បែរទៅខំការពារផលប្រយោជន៍ ជាតិអ្នកដទៃទៅវិញ ដែលតាមសម្តីលោកពូទីន គឺតាមមូលហេតុដែលគាត់មិនអាចយល់បាន។
ជាការកត់សម្គាល់ “រណសិរ្សប្រជាជនទូទាំងប្រទេសរុស្ស៊ី” គឺជាចលនាបង្កើតឡើង ដោយ លោកពូទីន កាលពីចុងឆ្នាំ២០១១ ពេលគាត់នៅជានាយករដ្ឋមន្ត្រីរុស្ស៊ីនៅឡើយ សម្រាប់ដើរតួ ជាបង្អែក គាំទ្របេក្ខភាពគាត់កាលណោះ ចូលប្រឡូកក្នុងការបោះឆ្នោតឆ្នាំ២០១២ដើម្បីដណ្តើម យកតំណែងកំពូលនៅរុស្ស៊ី ជាប្រធានាធិបតីមកវិញ ក្រោយពីគាត់បានកាន់តំណែងនេះ អស់ ២អាណត្តិជាប់ ពីឆ្នាំ២០០០ដល់ឆ្នាំ២០០៨ ហើយគាត់បានទទួលជ័យជំនះដូចចិត្តមែន។ តាំងពីថ្ងៃ៧ឧសភាឆ្នាំ២០១២មក លោកពូទីន បំពេញមុខងារកំពូលនេះ ក្នុងអាណត្តិថ្មី ជាអាណត្តិទី៣ ដែលលើកនេះ នឹងពន្យារទៅ ៦ឆ្នាំឯណោះ រហូតដល់ឆ្នាំ ២០១៨៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ