Delicious
Digg
Facebook
Twitter
Yahoo!
Technorati
អត្ថបទចុះផ្សាយនៅថ្ងៃ សុក្រ 05 កុម្ភៈ 2010 -
ព័ត៌មានទើបកែប្រើលើកចុងក្រោយ ថ្ងៃ អង្គារ 20 មេសា 2010
តារាងកម្មវិធីផ្សាយរបស់វិទ្យុ RFI ជាភាសាខ្មែរ
កម្មវិធីរយៈពេលមួយម៉ោងនៃវិទ្យុបារាំងអន្តរជាតិ RFI (សូមអញ្ជើញ មើលតារាងកម្មវិធីខាងក្រោម) ត្រូវបានតាក់តែងឡើងក្នុង គោលដៅពីរយ៉ាង៖ ម៉្យាង គឺគោលដៅដែលមានទ្រង់ទ្រាយសារពត៌មានសុទ្ធសាធ ស្របទៅតាមអត្ថន័យ ដែលថា « ដឹងហើយ ត្រូវផ្សាយឲ្យគេដឹង យល់ហើយ ត្រូវពន្យល់ឲ្យគេយល់ »។ ម៉្យាងទៀត គឺគោលដៅលើកដំកើងកម្រិតវប្បធម៌ទូទៅរបស់ អ្នកស្តាប់ វិទ្យុយើង ពិសេស អ្នកស្តាប់នៅប្រទេសកម្ពុជា។
ដើម្បីឆ្លើយតបទៅនឹងគោលដៅទាំងពីរខាងលើនេះ កម្មវិធីផ្សាយរបស់ វិទ្យុបារាំងអន្តរជាតិ RFI ត្រូវបានបែងចែកជាពីរវគ្គ។
វគ្គទី១ ជានាទីមួយចំនួនដែលផ្តោតទៅលើពត៌មានក្តៅគគុកប្រចាំថ្ងៃ នៅក្នុងលោក នៅក្នុងតំបន់អាស៊ី និងនៅក្នុងប្រទេសកម្ពុជា ដែលយើងត្រូវផ្សាយឲ្យដឹង និងពន្យល់ឲ្យយល់ រួមមានជាអាទ៌ នាទីពត៌មាន នាទីព្រឹត្តិការណ៍ប្រចាំថ្ងៃ នាទីទស្សនៈសារពត៌មានបារាំងឬខ្មែរ និងនាទីទស្សនៈព្រឹត្តិការណ៍ផ្សេងៗ ដូចជាទស្សនៈព្រឹត្តិការណ៍សេដ្ឋកិច្ចពិភពលោកឬសេដ្ឋកិច្ចខ្មែរ នយោបាយអាស៊ីឬនយោបាយខ្មែរ។
ចំណែកឯវគ្គទី២វិញ ជានាទីមួយចំនួនដែលមិនទាក់ទងសោះឡើយនឹងព្រឹត្តិការណ៍ក្តៅគគុក តែទាក់ទងនឹងចំណេះដឹងទូទៅ ដូចជានាទីភូមិសាស្ត្រនយោបាយ នាទីប្រវត្តិសាស្ត្រខ្មែរ នាទីអក្សរសាស្ត្របារាំងឬខ្មែរ ។ល។និង។ល។
យ៉ាងណាមិញ កម្មវិធីនេះមិនអាចនៅនឹងថ្កល់យូរឆ្នាំបានទេ។ យូរៗម្តង យើងត្រូវកែលំអវា ផ្លាស់ប្តូរនាទីខ្លះ ដូរនាទីចាស់ដាក់នាទីថ្មី ពីព្រោះវិទ្យុយើងខ្ញុំមានគោលបំណងតែមួយគត់ នោះគឺបំពេញចិត្តអ្នកស្តាប់ ហើយអ្នកស្តាប់របស់យើងអាចនឿយណាយនឹងនាទីដដែលៗ អាចប្តូរចិត្តគំនិត អាចចង់ដឹងពីរឿងនេះជាងរឿងនោះ អាចចង់រៀនសូត្រនិងយល់ដឹងអំពីប្រធានបទផ្សេងនិងថ្មី ដែលយើងមិនទាន់មានឳកាសលើកមកនិយាយសោះ រហូតមកទល់ពេលនេះ។
តារាងកម្មវិធីផ្សាយ
ម៉ោង ១២:០០-១២:១៨ (ម៉ោងសកល) ព័ត៌មានប្រចាំថ្ងៃ (រៀងរាល់ថ្ងៃ)
ម៉ោង ១២:១៨-១២:២៥ (ម៉ោងសកល) ព្រឹត្តិការណ៍អន្តរជាតិប្រចាំថ្ងៃ (រៀងរាល់ថ្ងៃ)
ម៉ោង ១២:២៥-១២:៣០ (ម៉ោងសកល)
- ថ្ងៃចន្ទ៖ ទស្សនៈព្រឹត្តិការណ៍សេដ្ឋកិច្ចខ្មែរ
- ថ្ងៃអង្គារ៖ ទស្សនៈសារព័ត៌មានខ្មែរ
- ថ្ងៃពុធ៖ ទស្សនៈព្រឹត្តិការណ៍អាស៊ី
- ថ្ងៃព្រហស្បតិ៍៖ ទស្សនៈសារព័ត៌មានខ្មែរ
- ថ្ងៃសុក្រ៖ ទស្សនៈព្រឹត្តិការណ៍សេដ្ឋកិច្ចពិភពលោក
- ថ្ងៃសៅរ៍៖ ទស្សនៈព្រឹត្តិការណ៍នយោបាយខ្មែរ
- ថ្ងៃអាទិត្យ៖ ទស្សនៈសារព័ត៌មានខ្មែរ
ម៉ោង ១២:៣០-១២:៣៨ (ម៉ោងសកល)
- ថ្ងៃចន្ទ៖ ភូមិសាស្រ្តនយោបាយ
- ថ្ងៃអង្គារ៖ នាទីជីវិតជោគជ័យ
- ថ្ងៃពុធ៖ នាទីសុខភាព និងអនាម័យ
- ថ្ងៃព្រហស្បតិ៍៖ នាទីយល់ដឹងអំពីច្បាប់ និងជំនួញ
- ថ្ងៃ សុក្រ៖ ប្រវត្តិសាស្រ្តខ្មែរ
- ថ្ងៃសៅរ៍៖ នាទីភ្ញៀវប្រចាំសប្តាហ៍
- ថ្ងៃអាទិត្យ៖ ទស្សនៈ សារព័ត៌មានខ្មែរ
ម៉ោង ១២:៣៨-១២:៤៦ (ម៉ោងសកល) បទយកការណ៍ (រៀងរាល់ថ្ងៃ)
ម៉ោង ១២:៤៦-១៣:០០ (ម៉ោងសកល) សង្ខេបព័ត៌មានប្រចាំថ្ងៃ (រៀងរាល់ថ្ងៃ)
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
