ភូមាពន្យាពេល៥ឆ្នាំទៀតដើម្បីកំចាត់គ្រឿនញៀន
រដ្ឋអំណាចភូមា មានការព្រួយបារម្ភយ៉ាងខ្លាំងអំពីការកើនឡើងវិញនូវដំណាំអាភៀននៅអំឡុងប៉ុន្មានឆ្នាំចុងក្រោយនេះហើយភូមា ក៏ជាប្រទេសទីពីរដាំអាភៀនក្នុងពិភពលោកបន្ទាប់ពីអាហ្វហ្កានិស្ថាន។ ដោយមើលឃើញនូវទំហំនៃវិបតិ្តនេះ រដ្ឋាភិបាលភូមាបានសំរេចចិត្តពន្យាពេលបន្ថែម៥ឆ្នាំទៀតគឺរហូតដល់២០១៩ ដើម្បីកំចាត់ឲ្យអស់ការផលិតគ្រឿងញៀននៅក្នុងទឹកដីរបស់ខ្លួន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៣
ដោយយល់ដឹងពីទំហំរីករាលដាលយ៉ាងខ្លាំងនៃការផលិតគ្រឿងញៀន នៅភូមា ទីភ្នាក់ងារខាងការប្រយុទ្ធប្រឆាំងគ្រឿងញៀន CCDAC របស់ភូមា បានសម្រេចចិត្ត ពន្យាពេលរហូតដល់ឆ្នាំ ២០១៩ ក្នុងការកំចាត់គ្រឿងញានឲ្យអស់ពីទឹកដីភូមា-នេះ ជាសេចក្តីថ្លែងរបស់ទីភ្នាក់ងារ CCDAC នៅឱកាសសម័យប្រជុំតំបន់មួយដែលឧទ្ទិសនៅលើសំណុំរឿងនេះ។
ថ្នាក់ដឹកនាំនៃប្រទេសចិន ឡាវ ថៃ កម្ពុជានិងវៀតណាម បានជួបជុំគ្នានៅទីក្រុង រ៉ង់ហ្គូន មុនពេលការរួមប្រជុំថ្នាក់រដ្ឋមន្ត្រីមួយ ដែលនឹងត្រូវប្រព្រឹត្តទៅនៅថ្ងៃព្រហស្បតិ៍ខាងមុខក្នុងរដ្ឋធានី Naypyidaw។
ភូមា ធ្លាប់បានសន្យាកាលពីលើកដំបូង ថាខ្លួននឹងប្រយុទ្ធកំចាត់ផលិតកម្មគ្រឿងញៀនឲ្យបានសម្រេចជាស្ថាពរនៅឆ្នាំ២០១៤។ ក៏ប៉ុន្តែ ការរត់ពន្ធនិងការផលិតគ្រឿងញាន បានកើនឡើងយ៉ាងឆាប់រហ័សដូច្នេះ ក៏ដោយសារតែ ភូមា កំពុងជួបនឹងបញ្ហាអសន្តិសុខ អស្ថិរភាពនិងចលនាឧទ្ទាមនៅតាមតំបន់ព្រំដែនជាមួយឡាវ ថៃនិងចិន។ នៅតំបន់នេះហើយ ដែលពួកឧទ្ទាមបានត្រូតត្រាទីតាំងផលិតគ្រឿងញៀនជាច្រើនឆ្នាំមកហើយ។
របបភូមាថ្មីដែលជាអ្នកកំណែទម្រង់ ចាប់តាំងពី២ឆ្នាំមកហើយ បានចុះកិច្ចសន្យាលើបទឈប់បាញ់គ្នាប្រមាណជា១០ដងមកហើយ ជាអាទិ៍ជាមួយពួកឧទ្ទាមShans ដែលជាផលិតករដ៏ចំបងគ្រឿងញៀន méthamphétamines។
ក្រុមឧទ្ទាម Shans នេះ ក៏ធ្លាប់បានចុះកិច្ចព្រមព្រៀងជាមួយរដ្ឋាភិបាលភូមាក្នុងការកំចាត់គ្រឿងញៀនដែរ។ ក៏ប៉ុន្តែការអនុវត្តន៍ជាក់ស្តែងវិញពុំមែនធ្វើបានដូចតាមការសន្យាឯណា-នេះជាការកត់សម្គាល់របស់លោកGary Lewis មន្ត្រីនៃការិយាល័យរបស់អសបទទួលបន្ទុកខាងផ្នែកប្រយុទ្ធប្រឆាំងគ្រឿងញៀននិងឧក្រឹដ្ឋកម្ម(Onudc) កាលពីខែធ្នូមុន។ ដោយហេតុថា ថ្នាំញៀន ប្រមាណ ៥លាន៩សែនគ្រាប់ត្រូវរិបអូសបាននៅឆ្នាំ២០១១ ឬចំនួន៣ដងលើសកាលពីឆ្នាំ២០១០៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ