Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ អាទិត្យ 14 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ អាទិត្យ 14 តុលា 2012
មេឃុំគណបក្សសិទ្ធិមនុស្សគ្រោងចេញដំណើរទៅប្រទេសមហាអំណាច
លោក កឹម សុខា ប្រធានគណបក្សសិទ្ធិមនុស្ស (រូបថតឯកសារ)
RFI/Ly Meng Hour
មេឃុំគណបក្សសិទ្ធិមនុស្សចំនួន៨នាក់ ក្នុងចំណោម១៨នាក់ គ្រោងចេញដំណើរទៅកាន់ប្រទេសប្រទេសមហាអំណាចនៅចុងឆ្នាំ២០១២នេះ។ មេឃុំចំនួន២នាក់គ្រោងចេញទៅប្រទេសបារាំង និង៦នាក់គ្រោងចេញទៅសហរដ្ឋអាមេរិក។ នេះគឺជាដំណើរទស្សនកិច្ចដកស្រង់បទពិសោធន៍ការងារនៅក្នុងឃុំសង្កាត់នៅក្នុងប្រទេសប្រជាធិបតេយ្យជឿនលឿន។
គេធ្លាប់តែឮការបញ្ជូនមេដឹកនាំធំៗទៅបរទេស ដើម្បីដកស្រង់បទពិសោធន៍ការងារ ប៉ុន្តែនៅពេលនេះ គណបក្សសិទ្ធិមនុស្សគ្រោងនឹងបញ្ជូនថ្នាក់ដឹកនាំជាន់ទាបរបស់ខ្លួនទៅកាន់ប្រទេសមហាអំណាចធំៗដើម្បីដកស្រង់បទពិសោធន៍ការងារ។ នៅដើមខែធ្នូឆ្នាំ២០១២នេះ មេឃុំចំនួនពីររូបពីខេត្តព្រៃវែងមកពីគណបក្សសិទ្ធិមនុស្សនឹងចេញដំណើរទៅកាន់ប្រទេសបារាំង ហើយ៦នាក់ផ្សេងទៀតនឹងចេញដំណើរទៅកាន់ប្រទេសអាមេរិកនៅចុងខែធ្នូឆ្នាំ២០១២ខាងមុខនេះ។
នៅខែបន្តបន្ទាប់ទៀត មេឃុំគណបក្សសិទ្ធិមនុស្សនឹងចេញដំណើរទៅកាន់ប្រទេសអូស្ត្រាលីនិងប្រទេសដទៃមួយចំនួនផ្សេងទៀតរហូតដល់អស់ចំនួន។ ក្នុងការបោះឆ្នោតឃុំសង្កាត់នាពេលកន្លងមកនេះ គណបក្សសិទ្ធិមនុស្សរបស់លោក កឹម សុខា ឈ្នះបានមេឃុំចំនួន១៨ នៅក្នុងទូទាំងប្រទេស។
ការបញ្ជូនមេឃុំរបស់គណបក្សសិទ្ធិមនុស្សទៅដកស្រង់បទពិសោធន៍ការងារនៅក្នុងប្រទេសប្រជាធិបតេយ្យជឿនលឿននៅពេលនេះត្រូវបានគេមើលឃើញថា គឺដើម្បីលើកទឹកចិត្តសកម្មជនគណបក្ស និងម្យ៉ាងវិញទៀត គឺដើម្បីអោយមេឃុំទាំងនោះយល់ដឹងអោយកាន់តែច្បាស់ពីរបៀបដឹកនាំរបស់មេឃុំនៅក្នុងប្រទេសប្រកាន់លទ្ធិប្រជាធិបតេយ្យ។
លោក គៀត សុគន្ធ អនុប្រធានគណៈកម្មាធិការប្រតិបត្តិនៃគណបក្សសិទ្ធិមនុស្សបានបញ្ជាក់ប្រាប់នៅថ្ងៃអាទិត្យនេះតាមទូរស័ព្ទថា លោកមានបំណងចង់អោយមេឃុំគណបក្សសិទ្ធិមនុស្សឃើញផ្ទាល់ និងស្តាប់ឮពីដំណើរការប្រតិបត្តិការឃុំសង្កាត់នៅក្នុងប្រទេសជឿនលឿន។
នៅក្នុងប្រទេសប្រជាធិបតេយ្យ មេឃុំត្រូវធ្វើការបម្រើរាស្រ្ត ពោលគឺមិនមែនធ្វើការដើម្បីកេងប្រវ័ញ្ចពីរាស្រ្តនោះទេ។ នៅក្នុងប្រទេសកម្ពុជា ដោយសារប្រាក់ខែតិចតួច រដ្ឋបាលថ្នាក់ឃុំសង្កាត់មួយចំនួនតែងតែកោសរូសលុយកាក់ពីប្រជារាស្ត្រទៅវិញ។ ពេលខ្លះ មន្ត្រីថ្នាក់មូលដ្ឋានមួយចំនួនទៅរំខានអាជីវកម្មរបស់ប្រជាពលរដ្ឋថែមទៀតផង។
លោក គៀត សុគន្ធ អនុប្រធានគណៈកម្មាធិការប្រតិបត្តិនៃគណបក្សសិទ្ធិមនុស្សទទួលស្គាល់ថា បទពិសោធន៍នៅបរទេសមិនអាចអនុវត្តនៅក្នុងប្រទេសកម្ពុជាបានភ្លាមនោះទេ ប៉ុន្តែនេះគឺជាចំណុចចាប់ផ្តើម។
សូមបញ្ជាក់ថា រាល់ការចំណាយសម្រាប់ការធ្វើដំណើរនឹងស្នាក់នៅបរទេសរបស់មេឃុំគណបក្សសិទ្ធិមនុស្សបានមកពីការធ្វើវិភាគទានរបស់សមាជិកសមាជិកានៃគណបក្សសិទ្ធិមនុស្សនៅក្នុងនិងក្រៅប្រទេស៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
I support the
I support the learning-experience trips to oversea for commune chiefs arranged by HRP. But, I foresee result of such program has little implication for the current context of local administratin of Cambodia. It is a political-oriented gmabit of HRP for the 2013 election rather than the real goal of contributing to the improvement of local administration of Cambodia. It is totally different local administration system in those developed countries camparing with local administration system of Cambodia in place. In the developed countries, local governments can impose taxes for the development of their own communities and people working in local administration have been paid by people in the community through paying local taxes, but not at all in Cambodia today...And, it is for sure, no political party dare to include local taxes program into thier parties' manifesto...That's is the lost-lost compaign. Thus, it is better if HRP should use supporters' money to help the delopment of those poor communities.
ប្រតិកម្មជុំវិញអត្ថបទនេះ