Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ សៅរ៍ 01 កញ្ញា 2012 -
ព័ត៌មានទើបកែប្រើលើកចុងក្រោយ ថ្ងៃ សៅរ៍ 01 កញ្ញា 2012
សិស្សប្រឡងជាប់បាក់ឌុបឆ្នាំនេះមានចំនួនច្រើនជាងឆ្នាំមុន ប៉ុន្តែលោក រ៉ុង ឈុន មិនសាទរ
លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ
© ចាន់ណា/rfi
នៅឆ្នាំសិក្សា២០១២នេះ សិស្សប្រឡងជាប់បាក់ឌុបមានចំនួនជាង៨៦% ពោលគឺកើនជាងឆ្នាំមុនចំនួន៤%។ ប៉ុន្តែ លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យមិនសាទរចំពោះលទ្ធផលប្រឡងនេះទេ ពីព្រោះការប្រឡងនាពេលកន្លងមកមានភាពមិនប្រក្រតីច្រើន។
លោក សម មុនីរ័ត្ន អគ្គនាយកដ្ឋានអប់រំនៃក្រសួងអប់រំ យុវជននិងកីឡា បានបញ្ជាក់ប្រាប់នៅថ្ងៃសៅរ៍នេះថា នៅឆ្នាំ២០១២នេះ សិស្សដែលប្រឡងជាប់បាក់ឌុបមានចំនួនជាង៨៦%ពោលគឺកើនជាងឆ្នាំមុនចំនួន៤%។ មន្ត្រីជាន់ខ្ពស់ក្រសួងអប់រំរូបនេះបានពន្យល់ថា នៅឆ្នាំនេះសិស្សធ្វើត្រូវច្រើន អ៊ីចឹងហើយទើបពួកគេប្រឡងជាប់ច្រើនជាងឆ្នាំមុន។ មិនត្រឹមតែប៉ុណ្ណោះ លោកអគ្គនាយកដ្ឋានអប់រំនៃក្រសួងអប់រំបានបន្ថែមទៀតថា សិស្សដែលទទួលបាននិទេ្ទស A នៅឆ្នាំនេះមានចំនួន១០៥នាក់ រីឯកាលពីឆ្នាំមុនមានចំនួនតែ៥០នាក់ប៉ុណ្ណោះ។
ទាក់ទងទៅនឹងលទ្ធផលប្រឡងបាក់ឌុបនៅឆ្នាំនេះ លោក រ៉ុង ឈុន បានអត្ថាធិប្បាយនៅថ្ងៃនេះថា លោកមិនសាទរទេពីព្រោះការប្រឡងនាពេលកន្លងមកពោពេញទៅដោយភាពមិនប្រក្រតី។ ភាពមិនប្រក្រតីទាំងនោះជារួមមាន៖ អំពើសូកប៉ាន់និងការបើកមើលវិញ្ញាសារព្រាងជាដើម។ លោក កែម ឡី អ្នកស្រាវជ្រាវឯករាជ្យនៅក្នុងប្រទេសកម្ពុជាដែលបានធ្វើការស្រាវជ្រាវលើការប្រឡងបាក់ឌុបនាពេលកន្លងមកបានទទួលស្គាល់ថា ការប្រឡងនាពេលកន្លងមកមានភាពមិនប្រក្រតីមែនប៉ុន្តែលោកបានបញ្ជាក់តាមរយៈការអង្កេតរបស់លោកថា ការប្រឡងឆ្នាំនេះមានភាពតឹងរឹងជាងឆ្នាំមុន។
លោក រ៉ុង ឈុន បានបន្តបញ្ជាក់ទៀតថា លទ្ធផលនៃការប្រឡងនេះមិនឆ្លើយតបទៅនឹងសមត្ថភាពជាក់ស្តែងរបស់សិស្សទេ មានន័យថា ប្រសិនបើការប្រឡងប្រព្រឹត្តិទៅប្រកបដោយយុត្តិធម៌និងត្រឹមត្រូវនោះ ចំនួនអ្នកប្រឡងជាប់ត្រូវទាបជាងនេះ។ លោក ឈុន បានបន្តទៀតថា លោកមានការព្រួយបារម្ភពីគុណភាពមនុស្សនាពេលអនាគត។ គុណភាពធនធានមនុស្សខ្មែរមិនឆ្លើយតបទៅនឹងតម្រូវការទីផ្សារឡើយ។ លោក រ៉ុង ឈុន ចោទប្រកាន់វិស័យអប់រំខ្មែរថា បណ្តុះបណ្តាលធនធានមនុស្សយកតែបរិមាណប៉ុន្តែមិនគិតពីគុណភាព។
ក្រៅពីបញ្ហាគុណភាព លោក កែម ឡី អ្នកស្រាវជ្រាវឯករាជ្យបានលើកឡើងថា នៅក្នុងប្រទេសសិង្ហបុរី យុវជន២នាក់ក្នុងចំណោមយុវជន៣នាក់បានចូលរៀននៅមហាវិទ្យាល័យ រីឯនៅកម្ពុជាវិញ យុវជនម្នាក់ក្នុងចំណោម២០នាក់បានចូលរៀននៅមហាវិទ្យាល័យ៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (4)
ប្រឡង ឫចំលង បាក់ឌុប?
តើស្ថានភាពការអប់រំនៅស្រុកខ្មែរបច្ចុបន្បភាពនេះ កុំពុងស្ថិតក្នុងលំដាប់ណាមួយ?
សិស្សពីមួយឆ្នាំទៅមួយឆ្នាំ មានការកើនឡើងនូវចំនួនអ្នកឆ្លងកាត់មធ្យមសិក្សាទុតិយភូមិ ក៏ប៉ុន្តែបរិមាណនៃធនធានមនុស្សដែលអាចទទួលយកបានហាក់ស្ទើរតែគ្មានសោះ។ ក្រុមហុ់នមួយចំនួនធំកុំពុងតែប្រកាសរកបុគ្គលិកដែលសាកសមនឹងការងារ ប៉ុន្តែការស្វែងរកបុគ្កលិកដែលពោពេញដោយសមត្ថភាព ពិតប្រាកដគឺពិតជាពិបាករកណាស់នៅស្រុកខ្មែរ
Why lower the score?
As notice this year, Bac II passed with score 15%, grade E = 15 to 44 (about), D=45 to about 60, C about between 60 to 80 etc.
The score system is changed so that number of students passed increase.
The education today should focus now on issue of extra courses (រៀនគួរ), according to my interview with around 50 students, they said they would fail if during bac2, they don't take extra courses because teachers do not teach them well in class.
What should we do?
Agree
"គុណភាពធនធានមនុស្សខ្មែរមិនឆ្លើយតបទៅនឹងតម្រូវការទីផ្សារឡើយ" ចូរពិចារណាសម្តីរបស់ រ៉ុង ឈុន មើល ថាតើកំពុងបន្ទាបបន្ថោកមនុស្សខ្មែរឬ?
យកមកធ្វើអ្វីមានតែបរិមាណតែគ្មានគុណភាព!!
គួរសាទរចំពោះតែអ្នកដែលធ្វើដោយសមត្ថភាពពិតៗទើបជាការលើកទឹកចិត្តដ៏ប្រសើរចំពោះកូនខែ្មរ!! ខ្មែរសម័យដើមសងសងអង្គរមានទៅចំលងពីណាមករឺអត់? ចុះហេតុអ្វីយើងកូនខ្មែរជំនាន់ក្រោយគ្រាន់តែប្រលងបាកឌុបក៏ចំលងគ្នាដែរ!! តើនេះជាអ្វីដែរគួរតែប្រជែងឈ្នះគេដែរលើទីផ្សារការងារអន្តរជាតិ?
ប្រតិកម្មជុំវិញអត្ថបទនេះ