Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ ចន្ទ 13 សីហា 2012 -
ព័ត៌មានទើបកែប្រើលើកចុងក្រោយ ថ្ងៃ ចន្ទ 13 សីហា 2012
លោកកឹមសុខាបដិសេធលិខិតឆ្លងឆ្លើយរឿងផ្តាច់សម្ព័ន្ធភាពជាមួយលោកសមរង្ស៊ី
លោកកឹម សុខា និងលោកសម រង្ស៊ី ពេលជួបចរចាពីការរួបរួមគ្នា នៅម៉ានីល ប្រទេសហ្វ៊ីលីពីន
samrainsyparty.org
លោក កឹម សុខា ប្រធានគណបក្សសិទ្ធិមនុស្ស និងជាអនុប្រធានចលនាប្រជាធិបតេយ្យសង្គ្រោះជាតិ បានបដិសេធនូវលិខិតក្លែងបន្លំ ដែលជនខិលខូចបានយកឈ្មោះរបស់លោក ទៅបង្កាច់បង្ខូច ក្នុងចេតនានយោបាយ។ នោះគឺនៅថ្ងៃចន្ទនេះ មានលិខិតបង្ហោះតាមហ្វេសប៊ុក និងតាមអ៊ីម៉ែល ដែលមួយជាលិខិតរបស់លោកសម រង្ស៊ី និងលិខិតមួយទៀត របស់លោកកឹម សុខា និយាយពីការផ្តាច់ទំនាក់ទំនង រវាងលោកសម រង្ស៊ី និងលោកកឹម សុខា ឈប់ចូលរួមបង្កើតគណបក្សនយោបាយរួមគ្នា។ ក៏ប៉ុន្តែអ្នកនាំពាក្យចលនាប្រជាធិបតេយ្យសង្គ្រោះជាតិ ដែលជាការរួបរួមរវាងគណបក្សសមរង្ស៊ី និងគណបក្សសិទ្ធិមនុស្ស បានចេញមកប្រកាសបដិសេធថា លិខិតទាំងពីរនោះ ជាលិខិតក្លែងបន្លំ ខណៈដែលសម្ព័ន្ធភាពគណបក្សប្រឆាំងកំពុងដំណើរការទៅមុខ។
ក្នុងលិខិត ចុះថ្ងៃទី១៣ ខែសីហា ឆ្នាំ២០១២ ធ្វើនៅសហរដ្ឋអាមេរិក លោកកឹម សុខា បានលើកឡើងថា គណបក្សសិទ្ធិមនុស្សរបស់លោកនឹងរួមគ្នាជាមួយគណបក្សសមរង្ស៊ី ដើម្បីបង្កើតគណបក្សសង្គ្រោះជាតិ។ ចំពោះការក្លែងលិខិតរបស់លោក កាលពីថ្ងៃទី១២សីហាម្សិលមិញ ដោយសារតែជនខិលខូច ឬក្រុមខិលខូចនោះមានការភ័យស្លន់ស្លោ ប្រើឧបាយកលញុះញង់ បំបែកបំបាក់ ដើម្បីកុំឲ្យខ្មែររកឯកភាពជាតិ និងសាមគ្គីជាតិបាន ដើម្បីងាយស្រួលជិះជាន់ និងត្រួតត្រា។
ក្នុងលិខិតបដិសេធដដែលនោះ លោកកឹម សុខា បានបញ្ជាក់ថា ក្នុងនាមប្រធានគណបក្សសិទ្ធិមនុស្ស និងជាអនុប្រធានចលនាប្រជាធិបតេយ្យសង្គ្រោះជាតិ លោកសូមប្ដេជ្ញាសាជាថ្មីម្ដងទៀត ចំពោះមុខមហាជនខ្មែរ ដែលតែងតែស្នើឲ្យលោកស្វែងរកការបង្រួបបង្រួមជាតិ រវាងអ្នកប្រជាធិបតេយ្យ និងអ្នកជាតិនិយមថា បេសកកម្មជាប្រវត្តិសាស្ដ្រនេះ លោកនឹងខិតខំធ្វើឲ្យបានសម្រេចដល់គោលដៅ។
សេចក្តីប្រកាសបដិសេធជាលាយលក្ខណ៍អក្សររបស់លោកកឹមសុខា យ៉ាងដូច្នេះ បានធ្វើឡើងភ្លាមៗ ខណៈដែលមានការផ្សព្វផ្សាយនូវលិខិតដាច់ដោយឡែកពីគ្នា គឺរបស់លោកសម រង្ស៊ី និងមួយទៀតរបស់លោកកឹម សុខា ក្នុងរឿងផ្តាច់សម្ព័ន្ធភាព រវាងគណបក្សប្រឆាំងទាំងពីរ។ លិខិត ដែលត្រូវបានគេផ្សព្វផ្សាយតាមអ៊ីម៉ែល និងតាមហ្វេសប៊ុក នៅថ្ងៃនេះ បានបង្ហាញថា លោកសម រង្ស៊ី បានប្រាប់លោកកឹម សុខាពីការប្រកាសឈប់ធ្វើសម្ព័ន្ធភាព ដោយសារតែរូបលោក ជាប់ទោសក្នុងរឿងតម្រុយបង្គោលព្រំដែន និងមិនអាចឈរឈ្មោះជាបេក្ខជននាយករដ្ឋមន្ត្រី សម្រាប់ការបោះឆ្នោត នៅឆ្នាំ២០១៣បានទេ។ រីឯលោកកឹម សុខា ក៏បានតបលិខិត ទៅកាន់ជនរួមជាតិ ដោយបរិហារលោកសម រង្ស៊ី ចំពោះការសម្រេចផ្តាច់សម្ព័ន្ធភាពគណបក្សប្រឆាំងនោះ។
យ៉ាងណាក៏ដោយ លោក ប៉ុល ហំម អ្នកនាំពាក្យគណបក្សសិទ្ធិមនុស្ស និងជាអ្នកនាំពាក្យចលនាប្រជាធិបតេយ្យសង្គ្រោះជាតិ ឲ្យដឹងនៅថ្ងៃចន្ទនេះថា លិខិតរបស់លោកសមរង្ស៊ី និងលិខិតរបស់លោកកឹមសុខា ដែលគេផ្សព្វផ្សាយ បង្ហោះតាមអ៊ីម៉ែល និងហ្វេសប៊ុកនោះ គឺជារឿងមិនពិតទេ។ តាមអ្នកនាំពាក្យ លិខិតទាំងនោះជារឿងក្លែងក្លាយ ដើម្បីឲ្យមតិសាធារណជនច្របូកច្របល់ និងប្រហែលជាមានអ្នកភ័យព្រួយពីការរួបរួមរបស់គណបក្សប្រឆាំងប៉ុណ្ណោះ។
កាលពីសប្តាហ៍មុន ក៏មានការក្លែងលិខិតពីមរណភាពរបស់ប្រធានគណបក្សប្រជាជនកម្ពុជា លោកជា ស៊ីម និងក្លែងលិខិតរបស់លោកនាយករដ្ឋមន្ត្រី ហ៊ុន សែន ក្នុងរឿងចូលបំភ្លឺរដ្ឋសភាផងដែរ។ ក៏ប៉ុន្តែភ្លាមៗនោះ ក៏មានការបដិសេធជាផ្លូវការ ចំពោះលិខិតបំភ្លៃការពិត ដែលបានបង្ហោះតាមហ្វេសប៊ុកទាំងនោះ៕
ទាក់ទងនឹងប្រធានបទនេះដែរ :
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
Notes for consideration
បរិយាកាសចុងក្រោយនៅប្រទេសកម្ពុជា អំពីការកែ្លងលិខិតសាធារណះទាំង២លើក មិនមានរឿង ណាមួយពិតនោះទេ ។
បើពិនិត្យមើលការកើតឡើងចុងក្រោយលើបណ្តា ប្រទេសមួយចំនួន នាពេលបច្ចុប្បន្ន របៀបធ្វើ យុទ្ឋនាការតាមរយះប្រព័ន្ឋទំនាក់ទំនងសង្គមភាគច្រើនចេញពី គូប្រគួតប្រជែងដើបម្បីបេក្ខភាព នាយករដ្ឋមន្រ្តី ឬកាន់តែធ្ងន់ធ្ងរគឺផ្តួលរលំភាគីម្ខាងទៀត ដោយសារ
១ មានតំលៃទាប និង អាចដល់មនុស្សជាច្រើន
២ មិនចាប់បាច់មានការទទួលខុសត្រូវលើពត័មានដែលបានដាក់ តែបើមានភាពរំជើបរំជួល ភាគី មួយ ដែលនៅពីក្រោយស្ថានការនេះ ហាក់ចំណេញច្រើនជាងខាត
៣ ទោះមានការសង្ស័យ ក៏មិនចាំបាច់ប្រឈមមុខដោយផ្ទាល់ជាមួយច្បាប់ ឬ រដ្ឋាភិបាលព្រោះនេះ ជាពាក្យអាចាមរាមក្នុងប្រព័ន្ឋសង្គមតែប៉ុណ្ណោះ ព្រោះថាការដាក់ពត័មានមិនចាំបាច់ អោយមាន អត្តសញ្ញាណអ្វីជាសាធារណសំរាប់មតិ និងពត័មាននិមួយៗនោះឡើយ៕
ជាអ្នកចំការម្នាក់នៅក្នុងស្រុកអង្គរធំ ខែត្រសៀមរាបខ្ញុំកម្របានស្តាប់ និងឃើញរដ្ឋាភិបាលឈ្នះ ឆ្នោត លើសកលលោកនាពេលបច្ចុប្បន្ន ជ្រើសរើសយកការ ផ្សព្វផ្សាយរឿងរសើប តាមប្រព័ន្ឋ សង្គមណាស់ ។
បើពិនិត្យលើដើមចមរឿងទីមួយ និងចរិកលក្ខណះបក្សឈ្នះឆ្នោតនៅកម្ពុជា មិនងាយនិងបញ្ចេញ សុខទុក្ខ របស់រដ្ឋមន្រ្តីសំខាន់ និងកំពូលៗណាស់ចៀសវាងការរំជើបរំជួលក្នុងជួរបក្សណាស់។ ហើយបើ ពិចារណាបន្តិចយើងពិបាករកអោយឃើញភាពចំណេញ និងការមានប្រៀបលើគូរ ប្រកួតប្រជែង ដែលគណបក្សឈ្នះឆ្នោតអាចទទួល បានពីការក្លែងព័តមាននេះ។
បើពិនិត្យររឿងទី២។ យើងនៅចាំបានថានាយករដ្ឋមន្រ្តីបានថ្កោលទោស យ៉ាងខ្លាំងក្លា ហើយហៅ ថាការប្រឌិតបែបនេះ ស្មោគរោគ នៅមុខអ្នកមើល និងអ្នកស្តាប់ទូទាំងប្រទេស។ នេះបានសេចក្តី នាយករដ្ឋមន្រ្តី បានដាក់បន្ទុកដើមចមរឿងនេះទៅបក្សប្រឆាំង។ ជាការតបត អាចជាយុទ្ឋសាស្រ្ត បក្សម្ខាងទៀតក៏លេងបែបនេះដែរ ដោយប្រហែលជាជ្រើសរើសការសរសេរខ្លួនឯងថាខ្លួនឯង តែម្តងទៅ ដែលអាចមាន ផលចំណេញ២ ះ
១ បក្សកាន់អំណាចក៏លេងបែបនេះដែរកុំថាតែបក្សប្រឆាំង ដើម្បីជួយសំរាលស្ថានការលើកទី ១
២ ដើម្បីទាញការចាប់អារម្មណ៏ពីសាធារណលើការរួបរួមចុងក្រោយអោយកាន់តែសំខាន់ ដោយ របៀបបញ្ជូនសារថា រដ្ឋាភិបាល ហាក់មានកង្វល់ ពីការរួបរួមនេះរហូតអាចជ្រើស វិធីដែល យើងទាំងអស់ គ្នាគិតថាមិនស្អាតស្អំនោះ។
ក្នុងរឿងទី២នេះលទ្ឋភាពអាចដាក់ការសង្ស័យទៅភាគីណាមួយក៏បានអាស្រ័យលើហតុផលរៀងៗខ្លួនប៉ុនែ្តហាក់មានជំនឿថា ពងទាចៀននេះ អាចចៀនអោយឆ្អិនទាំងសងខាង ដោយ ភាគី ឬ មនុស្សតែមួយក្រុមប៉ុណ្ណោះ ដែលមាននិន្នាការប្រហាក់ប្រហែល។
ប្រតិកម្មជុំវិញអត្ថបទនេះ