លោក សុខ គួង៖« ភាសាបារាំងគឺជាយាន្តសម្រាប់សិក្សាជំនាញ»
ចុះផ្សាយនៅថ្ងៃ៖
ស្តាប់ - ១១:៥៧
ក្រុមអ្នកនិយាយភាសាបារាំងបានរៀបចំសមាគមអ្នកនិយាយភាសាបារាំងឡើងវិញ ដើម្បីប្រមូលផ្តុំ និងពង្រីកប្រជាប្រិយភាពភាសាបារាំងនៅកម្ពុជា។ រចនាសម្ព័ន្ធសមាគមអ្នកនិយាយភាសាបារាំងនៅកម្ពុជាត្រូវបានកំណត់រួចហើយ។ លោកសុខ គួង ដែលជាប្រធាននាយកដ្ឋានការងារនៃភ្នាក់ងារឧត្តមសិក្សានៃបណ្តាសាកលវិទ្យាល័យប្រើប្រាស់ភាសាបារាំង ហើយដែលបានជាប់ឆ្នោតដឹកនាំសមាគមអ្នកនិយាយភាសាបារាំងនៅកម្ពុជាបានអះអាងថា ចំនួនអ្នកនិយាយភាសាបារាំងបានកើនឡើងជារៀងរាល់ឆ្នាំ ផ្ទុយពីរូបភាពជាក់ស្តែងដែលបានធ្វើអោយគេជឿថា ភាសាបារាំងបានថយប្រជាប្រិយភាពនោះ។ នៅក្នុងបទសម្ភាសន៍ជាមួយ លាង ដឺលុច អ្នកឆ្លើយឆ្លងព័ត៌មានអោយវិទ្យុបារាំងអន្តរជាតិនៅកម្ពុជា លោក សុខ គួង ពន្យល់អំពីស្ថានភាពនៃភាសាបារាំងនៅកម្ពុជា និងគោលដៅនៃសមាគមអ្នកនិយាយភាសាបារាំង។
