លោកប៉ាស្កាល់ រ៉ូយែរ៖ ការងារជួសជុលប្រាសាទបាពួនត្រូវបានធ្វើឡើងមួយសតវត្សរ៍មកហើយ
ចុះផ្សាយនៅថ្ងៃ៖
ស្តាប់ - ០៨:០៣
ភ្ញៀវរបស់យើងប្រចាំសប្តាហ៍នេះ គឺលោកប៉ាស្កាល់ រ៉ូយែរ (Pascal Royère) ស្ថាបត្យករ និងជាប្រធានគម្រោងជួសជុលប្រាសាទបាពួន។ នៅថ្ងៃអាទិត្យ ៣កក្កដា ២០១១នេះ ព្រះមហាក្សត្រខ្មែរ និងនាយករដ្ឋមន្រ្តីបារាំងនឹងធ្វើជាអធិបតីក្នុងពិធីបិទគម្រោងជួសជុលប្រាសាទបាពួន ដែលបានបើកធ្វើតាំងពីឆ្នាំ១៩៩៥មក។ ក៏ប៉ុន្តែ យោងតាមលោករ៉ូយែរ ការងារជួសជុលប្រាសាទបាពួន មិនមែនទើបនឹងចាប់ផ្តើម នៅឆ្នាំ១៩៩៥នេះទេ គឺចាប់ផ្តើមតាំងពីឆ្នាំ១៩០៨ម៉្លេះ ក៏ប៉ុន្តែ ការជួសជុលត្រូវបានខកខាន ក្រោយពីកម្ពុជាធ្លាក់ចូលក្នុងសង្រ្គាមស៊ីវិល កាលពីឆ្នាំ១៩៧០។ នៅពេលដែលការជួសជុលបានចាប់ផ្តើមឡើងវិញ នៅឆ្នាំ១៩៩៥ ក្រុមស្ថាបត្យករបានជួបនឹងបញ្ហាលំបាកជាខ្លាំង ដោយរាល់ឯកសារ និងប្លង់ប្រាសាទត្រូវបានបាត់បង់អស់ ក្នុងសម័យខ្មែរក្រហម។
