Delicious
Digg
Facebook
Twitter
Yahoo!
Technorati
រុស្ស៊ី-បស្ចិមលោក -
អត្ថបទចុះផ្សាយនៅថ្ងៃ ចន្ទ 08 តុលា 2012 -
ព័ត៌មានទើបកែប្រើលើកចុងក្រោយ ថ្ងៃ ចន្ទ 08 តុលា 2012
អធិការកិច្ចទៅវិញ-ទៅមកក្នុងក្របខ័ណ្ឌនៃសន្ធិសញ្ញាអន្តរជាតិស្តីអំពី ” មេឃចំហ ”
យន្តហោះរុស្ស៊ី Antonov-30B
ពីខាងរុស្ស៊ី អធិការកិច្ចធ្វើពីថ្ងៃ៨ តុលានេះ ដល់ថ្ងៃ២២ តុលាក្នុងមេឃអាមេរិក។ ពីខាងបស្ចិមលោក អធិការកិច្ចនេះធ្វើដោយពួកអ្នកឯកទេសអង់គ្លេសក្នុងដែនអាកាសរុស្ស៊ី ពីថ្ងៃ៨ តុលានេះដែរ ប៉ុន្តែត្រឹមថ្ងៃ១២ តុលា។ ដំណឹងនេះប្រកាសដោយក្រសួងការពារជាតិរុស្ស៊ី។
តាមដែលស្ថាប័នយោធារុស្ស៊ីលំអិតឲ្យដឹងពីខាងរុស្ស៊ី ការហោះសង្កេតការណ៍ក្នុងមេឃអាមេរិកធ្វើដោយយន្តហោះរុស្ស៊ីធុន Tupolev-154M នៅតាមផ្លូវអាកាសកំណត់ទុកជាមុន ដោយភាគីអាមេរិក គឺដោយចេញពីអាកាសយានដ្ឋានជាក់លាក់ និងចុះចត ក៏នៅតាមអាកាសយានដ្ឋានជាក់លាក់ដែរ។ ជិះក្នុងយន្តហោះនោះ រួមជាមួយពួកអ្នកឯកទេសរុស្ស៊ី ក៏ទាំងពួកអ្នកឯកទេសអាមេរិកាំង។ ភារកិច្ចដែលចោទ គឺត្រួតពិនិត្យលើដំណើរបំពេញតាមការព្រមព្រៀងគ្នាស្តីអំពីការប្រើមធ្យោបាយបច្ចេកទេស ខាងតាមដានសង្កេតការណ៍។ ក្រសួងការពារជាតិរុស្ស៊ីកត់សម្គាល់ថា អធិការកិច្ចធ្វើដោយភាគីរុស្ស៊ីក្នុងដែនអាកាសរបស់រដ្ឋដែលជាសមាជិកសន្ធិសញ្ញា ”មេឃចំហ” នឹងប្រព្រឹត្តទៅ ២លើក គិតតាមលេខរៀង ជាលើក ទី៣០ និងទី៣១។
ពីខាងបស្ចិមលោក អធិការកិច្ចក្នុងដែនអាកាសរុស្ស៊ី ធ្វើដោយពួកអ្នកឯកទេសអង់គ្លេសជិះក្នុងយន្តហោះស៊ុយអែត ម៉ាក”SAAB OC-100“ ដោយចេញពីព្រលានយន្តហោះ ជាយក្រុងម៉ូស្គូឈ្មោះ Kubinka តាមផ្លូវអាកាសដែលមានប្រវែងសរុបទៅ ៥.៥០០ គ.ម.។ យន្តហោះធុននេះ សម្រាប់សង្កេតការណ៍ស្ថិតក្នុងចំណោមយន្តហោះដែលមិនអាចបំពាក់ទៅដោយអាវុធ ឬមធ្យោបាយណាដែលឥតប្រមើល ដោយសន្ធិសញ្ញា ”មេឃចំហ” ឡើយ។ ការនេះបញ្ជាក់ដោយពួកអ្នកឯកទេសរុស្ស៊ី ដែលបានឲ្យ ”ភ្លើងខៀវ” ដល់ការហោះហើររបស់វាក្នុងមេឃរុស្ស៊ី។
សន្ធិសញ្ញា ”មេឃចំហ” ត្រូវបានចុះហត្ថលេខាក្នុងឆ្នាំ ១៩៩២ មុនដំបូង ដោយ២៧ប្រទេស សមាជិក ”អង្គការដើម្បីសន្តិសុខ និងសហប្រតិបត្តិការនៅទ្វីបអឺរ៉ុប” ហៅកាត់ថា OSCE។ មកទល់ឥឡូវ មាន ៣៤ប្រទេសទៅហើយ បានភ្ជាប់ខ្លួនទៅនឹងឯកសារអន្តរជាតិនេះ។ គោលដៅសន្ធិសញ្ញា ”មេឃចំហ” គឺជម្រុញដល់ការពង្រឹងជំនឿទុកចិត្តគ្នារវាងរដ្ឋតាមរយៈការកែឲ្យប្រសើរឡើង យន្តការខាងត្រួតពិនិត្យលើសកម្មភាពយោធា និងលើដំណើរគោរពតាមសន្ធិសញ្ញាផងទាំងឡាយ ដែលកំពុងមានសុពលភាពក្នុងវិស័យត្រួតពិនិត្យលើសព្វាវុធ។
ឯកសារអន្តរជាតិនេះកំណត់របបដែលហៅថា “មេឃចំហ” ឆ្ពោះទៅធានានូវលទ្ធភាពសម្រាប់រាល់តែប្រទេសហត្ថលេខីធ្វើការហោះឆ្វែលលើដែនដីគ្នាទៅវិញ ទៅមក ដើម្បីត្រួតពិនិត្យ បូកទាំងក្នុងវិស័យបញ្ចៀសពីស្ថានការណ៍វិបត្តិ និងរាលដាលដល់វិស័យការពារបរិស្ថានទៅផង។ តាមធម្មតា ក្នុងការហោះត្រួតពិនិត្យនេះ រុស្ស៊ីប្រើយន្តហោះធុន Tupolev-154 M ឬធុន Antonov- 30 B ចំណែកភាគីអាមេរិកប្រើយន្តហោះធុន Boeing -707៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ