ឥណ្ឌា៖លោកស្រីប្រមុខដឹកនំារដ្ឋតាមីល ណាឌូទើបបានទទួលទោសជាប់ក្នុងពន្ធនាគារពីបទពុករលួយ
នៅក្នុងប្រទេសឥណ្ឌា តុលាការទីក្រុងបង់ហ្គាឡ័រនៃរដ្ឋការណាតាកាទើបបានកាត់ទោសលោកស្រីហ្សាយ៉ាឡាលីថា ហ្សាយ៉ារ៉ាមឲ្យជាប់ក្នុងពន្ធនាគារចំនួន ៤ឆ្នំាពីបទប្រព្រឹត្តិអំពើពុករលួយ។ លោកស្រីជាអតីតតារាភាពយន្ត និងជាប្រមុខដឹកនំារដ្ឋតាមីល ណាឌូ។ អ្វីដែលតុលាការបានចោទលោកស្រីនោះ គឺទាក់ទងនឹងទ្រព្យសម្បត្តិរាប់សិបលានដុល្លាររបស់លោកស្រីដែលវាមិនសក្តិសមនឹងប្រាក់ខែក្នុងនាមជាប្រមុខដឹកនំារដ្ឋមួយនៅក្នុងប្រទេសឥណ្ឌា។ ការផ្តន្ទាទោសលោកស្រីហ្សាយ៉ារ៉ាមបានបង្កឲ្យមានការភ្ញាក់ផ្អើលយ៉ាងខ្លំាងនៅក្នុងចំណោមប្រជាជនក្នុងរដ្ឋតាមីល ណាឌូ ព្រោះលោកស្រីត្រូវបានគេស្គាល់ជាមនុស្សដែលមានចិត្តធម៌។
ចុះផ្សាយនៅថ្ងៃ៖
ស្តាប់ - ០២:៣៤
ដំណើរការកាត់ទោសលោកស្រីហ្សាយ៉ាឡាលីថា ហ្សាយ៉ារ៉ាមសឹងតែក្លាយជារឿងភាគមួយដ៏វែងអន្លាយទៅហើយ។ រឿងភាគដ៏វែងអន្លាយក៏ដោយសារថា គេត្រូវការពេលចំនួន ១៨ឆ្នំា ចៅក្រមចំនួន ៧នាក់ និងការប្តឹងឧទ្ធរណ៍សារចុះ សារឡើងរហូតដល់ ២៥ដងទើបគេអាចចេញសាលក្រមកាត់ទោសលោកស្រីអ្នកនយោបាយដ៏មានប្រជាប្រិយភាពម្នាក់នេះបាន។ ជាអតីតតារាភាពយន្តដែលបានចូលប្រឡូកក្នុងឆាកនយោបាយឥណ្ឌាក្នុងឆ្នំា ១៩៨២ លោកស្រីហ្សាយ៉ារ៉ាមបានទទួលតំណែងជាប្រមុខដឹកនំារដ្ឋតាមីល ណាឌូចំនួន ៣ដង លើកទី១ ពីឆ្នំា ១៩៩១ ដល់ឆ្នំា ១៩៩៦ លើកទី២ ពីឆ្នំា ២០០១ ដល់ឆ្នំា ២០០៦ និងលើកទី៣ចាប់តំាងពីថ្ងៃទី១៦ ឧសភា ឆ្នំា ២០១១ មកដល់សព្វថ្ងៃ។ នៅក្នុងរដ្ឋតាមីល ណាឌូ លោកស្រីទទួលបានប្រជាប្រិយភាពខ្លំាងណាស់ រហូតដល់គ្រប់គ្នាហៅថា « Amma » បកប្រែថា « ម្តាយ »។ នៅគ្រប់កម្មវិធីនយោបាយសង្គមដែលលោកស្រីបានបង្កើតឡើង គឺមានដាក់ឈ្មោះនាមត្រកូលរបស់លោកស្រី។
នៅពេលបានជាប់ឆ្នោតទទួលតំណែងប្រមុខដឹកនំារដ្ឋតាមីល ណាឌូដំបូងក្នុងឆ្នំា ១៩៩១ លោកស្រីអតីតតារាភាពយន្តរូបនេះបានប្រកាសថា លោកស្រីយកប្រាក់ខែតែ ១រូពីប៉ុណ្ណោះ។ តែបញ្ហានៅត្រង់ថា ចិត្តបុណ្យ និងចិត្តធម៌របស់លោកស្រីមានបង្កប់ទៅដោយរឿងអាដ៍កំបំាងដ៏គួរឲ្យសង្ស័យមួយ នោះគឺទ្រព្យសម្បត្តិរាប់សិបលានដុល្លារដែលលោកស្រីកំពុងមានក្នុងដៃសព្វថ្ងៃ។ មាសចំនួន ២៨គីឡូក្រាម ស្បែកជើងចំនួន ៧៥០គូ និងសម្លៀកបំពាក់ប្រពៃណីចំនួន ១០ ០០០ឈុតដែលសរុបជាប្រាក់ចំនួនជាង ១០លានដុល្លារ។ ទំាងនេះមិនភ្លេចនិយាយពីដីពីរកន្លែងដែលលោកស្រីជាម្ចាស់កម្មសិទ្ធិទេ។
គឺតំាងពីក្រោយការអស់តំណែងក្នុងឆ្នំា ១៩៩៦ មកម្ល៉េះដែលអ្នកស្នងតំណែងពីលោកស្រី និងក្រុមគណបក្សប្រឆំាងបានប្តឹងលោកស្រីពីបទពុករលួយ។ តែគឺទើបនៅក្នុងការកាន់តំណែងជាលើកទី៣នេះទេដែលតុលាការសម្រេចបានសាលក្រមមួយដោយកាត់ទោសលោកស្រីឲ្យជាប់ពន្ធនាគារចំនួន ៤ឆ្នំា។ លោកស្រីអាចនឹងប្តឹងឧទ្ធរណ៍ចាប់ពីសប្តាហ៍ក្រោយទៅ តែលោកស្រីមិនអាចបន្តកាន់តំណែងទៀតបានទេ ព្រោះបើយោងសាលដីការបស់តុលាការកំពូល អ្នកនយោបាយដែលបានទទួលទោសជាប់ពន្ធនាគារលើសពី ២ឆ្នំានឹងត្រូវបាត់បង់តំណែងជាស្វ័យប្រវត្តិ។ នេះជាព្រឹត្តិការណ៍មួយដែលកំពុងធ្វើឲ្យកក្រើករដ្ឋតាមីល ណាឌូដែលក្រុមសកម្មជនគំាទ្រលោកស្រីបាននំាគ្នាចុះផ្លូវតវ៉ា និងដែលមានការប៉ះទង្គិចខ្លះៗជាមួយក្រុមកម្លំាងប៉ូលីស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ