Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ អាទិត្យ 15 កក្កដា 2012 -
ព័ត៌មានទើបកែប្រើលើកចុងក្រោយ ថ្ងៃ ចន្ទ 16 កក្កដា 2012
ឃាត់ខ្លូនប្រធានសមាគមសង្គ្រោះជនពិការ និងបក្សពួកដែលទៅទន្ទ្រានយកដីពលរដ្ឋ
មេខ្លោងដែលតែងតែដើររំលោភទន្ទ្រានយកដីរបស់ប្រជាពលរដ្ឋនៅក្នុងខេត្តចំនួនបី ដូចជាកំពង់ស្ពឺ កំពត និងកំពង់សោម នាពេលកន្លងមក ដោយប្រើឈ្មោះសមាគមសង្គ្រោះជនពិការ ដោយបង្កអោយមានអំពើហិង្សាមកលើពលរដ្ឋស្លូតត្រង់ជាម្ចាស់ដី ត្រូវបានកម្លាំងសមត្ថកិច្ចខេត្តកំពតធ្វើការឃាត់ខ្លួនជាមួយ និងបក្សពួកបីនាក់ផ្សេងទៀត។
លោកទូច សឿលី ប្រធានសមាគមសង្គ្រោះជនពិការនិងបក្សពួកបីនាក់ផ្សេងទៀត ដែលតែងតែដើរទន្ទ្រានយកដីរបស់ប្រជាពលរដ្ឋនៅក្នុងខេត្តមួយចំនួន ត្រូវបានសមត្ថកិច្ចខេត្តកំពត ធ្វើការឃាត់ខ្លួន បន្ទាប់ពីមានបណ្តឹងរបស់ពលរដ្ឋ៣៥ គ្រួសារ ដែលប្តឹងពីបទចូលទន្ទ្រានយកដីរបស់ពួកគាត់។
ស្នងការរងនគរបាលខេត្តកំពតលោកជៀវ សាមិត បានអោយដឹងថា កម្លាំងសមត្ថកិច្ចបានឃាត់ខ្លូនជនទាំង៤នាក់នោះ កាលពីថ្ងៃល្ងាចថ្ងៃទី១៣ខែកក្កដាឆ្នាំ២០១២ បន្ទាប់ពីបានទទួលពាក្យបណ្តឹងពីពលរដ្ឋដែលបានប្តឹងថាក្រុមសមាគមនោះបានទន្ទ្រានយកដីរបស់ពលរដ្ឋហើយក្រុមនេះបានទន្ទ្រានយកដីរបស់ពលរដ្ឋយ៉ាងសាហាវផងដែរ នៅពេលកន្លងមក។
សមត្ថកិច្ច កំពុងតែរៀបចំសំណុំរឿងបញ្ជូនទៅតុលាការនៅដើមសប្តាហ៍នេះ ដើម្បីចាត់វិធានការទៅតាមផ្លូវច្បាប់។
បក្សពួករបស់លោកទូច សឿលី តែងតែដើរទន្ទ្រានយកដីរបស់ពលរដ្ឋនៅក្នុងខេត្តចំនួនបី ដូចជាខេត្តកំពង់ស្ពឺ កំពត កំពង់សោម ដោយប្រើឈ្មោះសមាគមសង្គ្រោះជនពិការដែលបានទទួលដីសម្បទានសង្គមកិច្ចពីក្រសួងមហាផ្ទៃនិងអាជ្ញាធរខេត្ត សំរាប់ចែកជូនគ្រួសារយោធិនពិការ។ ដោយជ្រកក្រោមស្លាកសមាគមសង្គ្រោះជនពិការនោះសមាគមនេះ បានដើរទន្ទ្រានយកដីរបស់ពលរដ្ឋយ៉ាងអនាធិបតេយ្យនិងហាមប្រាមមិនអោយពលរដ្ឋធ្វើស្រែចម្ការអស់រយៈពេលជាច្រើនឆ្នាំ។ ហើយនៅក្នុងទំនាស់ដីធ្លីដ៏រ៉ាំរ៉ៃនោះបានបណ្តាលអោយមានអំពើហិង្សាកើតឡើងជារៀងរាល់ឆ្នាំ មកលើពលរដ្ឋនៅក្នុងរដូវធ្វើស្រែចំការ។
ពលរដ្ឋដែលរងគ្រោះបានអោយដឹងថា នៅក្នុងទំនាស់ដ៏រ៉ាំរ៉ៃចាប់តាំងពីឆ្នាំ ២០០៤មកនោះ បណ្តាលអោយ ពលរដ្ឋ២នាក់បានស្លាប់ បន្ទាប់ពីមានរបួសក្នុងការកាប់គ្នាក្នុងទំនាស់ដីធ្លីនោះ ហើយផ្ទះសម្បែងជាច្រើនខ្នងត្រូវបានដុតបំផ្លាញ។
លោកកែវ សុផាតតំណាងប្រជាពលរដ្ឋនៅភូមិតេជោអន្លង់ក្មេងលេងបានអោយដឹងថា ពលរដ្ឋរបស់លោកបានដាក់ពាក្យប្តឹងលោកទូច សឿលីនិងបក្សពួកតាំងពី ឆ្នាំ ២០០៤ ប៉ុន្តែពុំមានអាជ្ញាធរចាត់វិធានការនោះទេ។ ហើយនេះជាលើកដំបូងហើយដែលអាជ្ញាធរបានធ្វើការឃាត់ខ្លូនក្រុមដ៏មានឥទ្ធិពលនេះ។
តំណាងពលរដ្ឋរូបនោះបានអះអាងថា ពលរដ្ឋទាំងអស់មានការសប្បាយចិត្តចំពោះការចាប់ខ្លួនរបស់ប្រធានសមាគមនិងបក្សពួកនេះ ប៉ុន្តែពួកគេព្រួយបារម្ភថា ប្រសិនបើអាជ្ញាធរធ្វើការដោះលែងពួកគេអោយមានសេរីភាពវិញនោះ គឺពលរដ្ឋនៅតែពុំទទួលបានយុត្តិធម៌ដដែល។
ទន្ទឹមទៅនឹងការឃាត់ខ្លួនប្រធានសមាគមនិងបក្សពួកនោះ លោកយី សុខសាន្តអនុប្រធានផ្នែកដីធ្លីអង្គការសិទ្ធិមនុស្សអាដហុកបានថ្លែងថា នេះគឺជាសញ្ញាមួយដែលបញ្ជាក់ថា អាជ្ញាធរកំពុងតែធ្វើការយ៉ាងសកម្មក្នុងការដោះស្រាយជម្លោះដីធ្លីរវាងពលរដ្ឋនិងអ្នកមានអំណាច ពលរដ្ឋនឹងទទួលបានដីរបស់គាត់ដែលបានទន្ទ្រានដោយក្រុមសមាគមនេះមកវិញដើម្បីធ្វើស្រែចម្ការ។
សមាគមសង្គ្រោះជនពិការបានទទួលដីសម្បទានសង្គមកិច្ច ពីក្រសួងមហាផ្ទៃនិងអាជ្ញាធរខេត្ត កាលពីឆ្នាំ២០០០លើផ្ទៃដីទំហំ ១៧៦០ហិកតា នៅក្នុងខេត្តចំនួនបីដូចជា កំពង់ស្ពឺ កំពតនិង ខេត្តព្រះសីហនុ ដែលពីមុនគឺស្ថិតនៅ ក្នុងខេត្តកោះកុង សំរាប់ចែកដីស្រែដល់គ្រួសារពិការជាង៤០០ គ្រួសារនៅក្នុងតំបន់នោះ៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ (1)
លោកគីន
លោកគីន ហត្ថារ៉ូគួរតែពិនិត្យនិងតាមដានរឿងនេះឲ្យបានដិតដល់ ក្នុងការធ្វើសេចក្តីរាយការណ៍របស់ខ្លួន ដើម្បីជៀសវាងការវាយឆ្កែខុស។ តាមពិត ដីនោះជាអំណោយផ្នែកសង្គមកិច្ចពីក្រសួងមហាផ្ទៃសំរាប់ជនពិការធ្វើការអភិវឌ្ឍ ។ ជនពិការនៅទីនោះ គឺជាជនពិការដោយសារសង្រ្គាម ជាអតីតទាហានខ្មែរក្រហម ពីជំរុំតាមជាយដែន ពីទាហានរដ្ឋកម្ពុជា ដែលរស់នៅជាមួយគ្នាដោយមិនប្រកាន់អតីតកាលរបស់ខ្លួន ។ សមាគមសង្គ្រោះជនពិការ មានការទទួលស្គាល់ពីក្រសួងមហាផ្ទៃ និងមានលក្ខន្តិកៈរបស់គេច្បាស់លាស់សំរាប់ការគ្រប់គ្រង ។ ជនពិការដែលទទួលដីចំណែកទាំងនោះ គឺយកទៅសំរាប់ធ្វើការអភិវឌ្ឍន ។ នៅពេលដែលគ្រួសារជនពិការ មិនគោរពទៅតាមលក្ខន្តិកៈ នោះទើបរឿងនោះកើតឡើង ។ ជាមួយគ្នានោះដែរ លោកឧត្តមសេនីយ ដែលមានបន្ទាយនោះជិតនោះ ក៏ចង់បានដីទាំងនោះដែរ ដែលនាំឲ្យមានការបាញ់បោះជាញឹកញាប់ ។ អ្នកទាំងបីដែលជាតំណាងពលរដ្ឋនោះ ទំនងជាមានអ្នកណានៅពីក្រោយ ដើម្បីបង្កើតជារឿងឡើង ករជាលេសដើម្បីចាប់អ្នកទាំងបួននាក់ ដែលជាថ្នាក់ដឹកនាំនៅក្នុងសមាគមនេះ ។ ដោយសារមានទំនាស់នយោបាយ សមាគមសង្គ្រោះជនពិការនេះ មិនដែលបានទទួលការយកចិត្កទុកដាក់ពីរដ្ឋាភិបាលខ្មែរទេ ។ បន្ថែមទៅទៀត មានសមាជិកថ្នាក់ឃុំពីគណបក្សប្រជាជន ក៏កំពុងតែប្រឹងប្រែងបំបែកបំបាក់សមាគមនេះដែរ ។
ប្រតិកម្មជុំវិញអត្ថបទនេះ