Delicious
Digg
Facebook
Twitter
Yahoo!
Technorati
កម្ពុជា -
អត្ថបទចុះផ្សាយនៅថ្ងៃ សុក្រ 22 មិថុនា 2012 -
ព័ត៌មានទើបកែប្រើលើកចុងក្រោយ ថ្ងៃ សុក្រ 22 មិថុនា 2012
មន្ត្រីរដ្ឋាភិបាលចេញមុខបកស្រាយជួសក្មួយនាយករដ្ឋមន្ត្រីក្នុងរឿងជួញដូរគ្រឿងញៀន
លោក ហ៊ុនតូ ក្មួយប្រុសលោកនាយករដ្ឋមន្ត្រី ហ៊ុនសែន
RFI/Siv Channa
នៅព្រឹកថ្ងៃសុក្រនេះ លោកឧកញ៉ា ហ៊ុន តូក្មួយប្រុសលោកនាយករដ្ឋមន្ត្រីហ៊ុន សែនបានវិលត្រឡប់មកពីប្រទេសអូស្ត្រាលី។ នៅព្រលានយន្តហោះ លោកឧកញ៉ាហ៊ុន តូដែលទុកពុកមាត់និងមិនឆ្លើយតបនឹងសំណួរអ្នកកាសែត ត្រូវបានអមដោយមន្ត្រីជាន់ខ្ពស់រដ្ឋាភិបាលកម្ពុជា។ លោកផៃស៊ីផានរដ្ឋលេខាធិការទីស្តីការគណៈរដ្ឋមន្ត្រី បានប្រកាសក្នុងសន្និសីទកាសែត ថា លោក ឧកញ៉ាមិនពាក់ព័ន្ធនឹងការជួញដូរគ្រឿងញៀនដូចការចុះផ្សាយក្នុងកាសែតអូស្ត្រាលីទេ។ ក្មួយប្រុសលោកនាយករដ្ឋមន្ត្រី ក៏កំពុងពិចារណា ដាក់ពាក្យប្តឹងកាសែតអូស្ត្រាលី ដែលបានចុះផ្សព្វផ្សាយរឿងអាស្រូវថា លោកហ៊ុនតូ ជាប់ពាក់ព័ន្ធនឹងការជួញដូរគ្រឿងញៀនដ៏ធំ ពីកម្ពុជា ទៅអូស្ត្រាលី ក្នុងពេលថ្មីៗនេះ។
លោកផៃ ស៊ីផានរដ្ឋលេខាធិការទីស្តីការគណៈរដ្ឋមន្ត្រីដែលបានអមដំណើរលោកឧកញ៉ា ហ៊ុន តូ ក្មួយប្រុសលោកនាយករដ្ឋមន្ត្រី ហ៊ុន សែន នៅពេលវិលត្រឡប់មកដល់ព្រលានយន្តហោះអន្តរជាតិភ្នំពេញ នៅព្រឹកមិញ បានឲ្យដឹងថា ក្នុងដំណើរទៅប្រទេសអូស្ត្រាលី រយៈពេលបីសប្តាហ៍របស់លោក ហ៊ុន តូ ពុំមានការឃាត់ខ្លួន សួរនាំអ្វីពីអាជ្ញាធរប្រទេសអូស្ត្រាលីទេ។
លោក ផៃ ស៊ីផានដែលអះអាងថាជាតំណាងរបស់លោក ហ៊ុន តូ បានបញ្ជាក់ថា លោកឧកញ៉ា ហ៊ុន តូ ក៏នឹងពិចារណាដាក់ពាក្យប្តឹងកាសែតអូស្ត្រាលី ដែលចុះផ្សាយថា លោកជាប់ពាក់ព័ន្ធនឹងការជួញដូរគ្រឿងញៀនពីកម្ពុជា ទៅកាន់ប្រទេសអូស្ត្រាលី ក្នុងរឿងមួលបង្កាច់ បង្ខូចកេរ្តិ៍ឈ្មោះលោក ហ៊ុន តូ ក៏ដូចជា ការវាយប្រហារលើនាយករដ្ឋមន្ត្រី និងប្រទេសកម្ពុជា។
ក្នុងពេលបង្ហាញមុខដល់អ្នកកាសែតនោះ លោកឧកញ៉ា ហ៊ុន តូ មិនបានឆ្លើយនឹងសំណួររបស់អ្នកកាសែតឡើយ។រដ្ឋលេខាធិការទីស្តីការគណៈរដ្ឋមន្ត្រី លោក ផៃ ស៊ីផាន បានអះអាងថា វត្តមានរបស់លោកក្នុងសន្និសីទកាសែត ពេលនេះ ក្នុងនាមជាអ្នកសម្របសម្រួលឲ្យលោកឧកញ៉ា ហ៊ុនតូ ជួបអ្នក កាសែត និងបង្ហាញមុខ ក្នុងពេលវិលត្រឡប់មកពីប្រទេសអូស្ត្រាលីប៉ុណ្ណោះ។
ដោយបង្ហាញនូវលិខិតឆ្លងដែនរបស់លោកឧកញ៉ា ហ៊ុន តូ ចំពោះមុខអ្នកកាសែត លោក ផៃ ស៊ីផាន បានបញ្ជាក់ថា ស្ថានទូតអូស្ត្រាលី បានអនុញ្ញាត ផ្តល់ទិដ្ឋាការដល់លោកហ៊ុនតូ ក្នុងរយៈពេលមួយឆ្នាំ ដើម្បីធ្វើដំណើរចុះឡើង។ នេះសបញ្ជាក់ថា ការចោទប្រកាន់លើលោកហ៊ុនតូ មិនមែនជាការពិត។
តាមមន្ត្រីជាន់ខ្ពស់រដ្ឋាភិបាល វត្តមានរបស់លោកឧកញ៉ា ហ៊ុន តូនៅអូស្ត្រាលីជាការបកស្រាយការពិត និងដើម្បីស្តារកិត្តិយសរបស់កម្ពុជាជាពិសេសរក្សាកិត្តិយសរបស់លោកនាយករដ្ឋមន្ត្រី ហ៊ុន សែន ដែលជាទិសដៅ នៃការវាយប្រហារ ក្នុងករណីជួញដូរគ្រឿង៕
ស្តាប់ការផ្សាយមុនៗ
សេវា វិទ្យុបារាំងអន្តរជាតិ
អត្ថបទដែលពេញនិយមជាងគេ
អត្ថាធិប្បាយ
ប្រតិកម្មជុំវិញអត្ថបទនេះ