សំណុំរឿងព្រំដែនខ្មែរ-ថៃ

Last modification: 09/06/11

នៅក្នុងសំណុំរឿងព្រំដែនខ្មែរ-ថៃនេះ វិទ្យុបារាំងអន្តរជាតិ (RFI) នឹងនាំមកជូនលោកអ្នក នូវព័ត៌មានថ្មីៗ ទាក់ទងនឹងសភាពការណ៍នៅតាមបណ្តោយព្រំដែន និងដំណើរការក្តីនៅក្នុងតុលាការយុត្តិធម៌អន្តរជាតិក្រុងឡាអេ។

នៅពេលនេះ ការប្រឈមមុខដាក់គ្នាតាមផ្លូវយោធា នៅតែបន្តកើតមាននៅតាមបណ្តោយព្រំដែនខ្មែរ-ថៃ។ កាលពីចុងខែមេសា ២០១១ រដ្ឋាភិបាលកម្ពុជាបានដាក់ពាក្យបណ្តឹងជាផ្លូវការ ស្នើសុំឲ្យតុលាការយុត្តិធម៌អន្តរជាតិ ក្រុងឡាអេ ធ្វើការបកស្រាយឡើងវិញអំពីអត្ថន័យនៃសេចក្តីសម្រេច កាលពីឆ្នាំ១៩៦២។ ក្នុងពេលជាមួយគ្នាកម្ពុជាក៏បានស្នើសុំផងដែរឲ្យតុលាការចាត់វិធានការបណ្តោះអាសន្ន ដើម្បីការពារប្រាសាទព្រះវិហារ។

ព័ត៌មានស្តីពីវិបត្តិព្រំដែន

កម្ពុជាបានតវ៉ាផ្នែកការទូត ចំពោះការបាញ់សម្លាប់ពលរដ្ឋខ្មែរ ដែលឆ្លងដែនខុសច្បាប់ចូលដីថៃ។ ថៃចោទមកវិញថា កម្ពុជាដាក់មីនតាមព្រំដែន។

06/05/2012 - កម្ពុជា-ថៃ

សង្គ្រាមពាក្យសម្តីផ្តើមផ្ទុះជាថ្មីរវាងភ្នំពេញនិងបាងកក

បន្ទាប់ពីក្រសួងការបរទេសកម្ពុជាចេញកំណត់ទូតតវ៉ានិងថ្កោលទោសការបាញ់ប្រហាររបស់ទាហានថៃមកលើពលរដ្ឋខ្មែរដែលឆ្លងដែនខុសច្បាប់ចូលទឹកដីថៃរួចមក ក្រសួងការបរទេសថៃបានចោទប្រកាន់កម្ពុជាវិញម្តងថា បានព្យាយាមដាក់មីននៅតាមជាយដែនដែលធ្វើឲ្យទាហានថៃម្នាក់រងរបួសកាលពីថ្ងៃពុធ។

កម្មករខ្មែរកំពុងអូសរទេះដឹកបន្លែពីថៃចូលមកកម្ពុជានៅច្រកជំា ស្រងាំ

04/05/2012 - កម្ពុជា-ថៃ

កម្ពុជាដាក់កំណត់ទូតតវ៉ារឿងថៃបាញ់ពលរដ្ឋខ្មែរតាមព្រំដែន

ក្រសួងការបរទេសកម្ពុជា បានផ្ញើកំណត់ទូតជាផ្លូវការមួយផ្សេងទៀតទៅកាន់រដ្ឋាភិបាលថៃ នៅថ្ងៃទី៤ខែឧសភានេះ ដើម្បីប្រឆាំងនឹងសកម្មភាពអមនុស្សធម៌របស់ទាហានថៃដែលបានបាញ់សម្លាប់ពលរដ្ឋកម្ពុជាឆ្លងដែនចូលទឹកដីថៃ។

លោក វ៉ា គីមហុង ទេសរដ្ឋមន្ត្រីទទួលបន្ទុកកិច្ចការព្រំដែន

24/04/2012 - កម្ពុជា

ការងារវាស់វែងព្រំដែនបើកច្រកស្ទឹងបត់ចប់មុនកំណត់

ក្រុមការងារវាស់វែងព្រំដែនដើម្បីបើកច្រកព្រំដែនស្ទឹងបត់បានបញ្ចប់ការងាររបស់ខ្លួនហើយ។ ហើយភាគីកម្ពុជានិងថៃគ្រោងចុះហត្ថលេខាស្តីពីលទ្ធផលនៃការងារវាស់វែងព្រំដែននេះនៅចុងខែមេសានេះ។ ទេសរដ្ឋមន្ត្រីទទួលបន្ទុកកិច្ចការព្រំដែន លោក វ៉ា គីមហុងបានអះអាងថា ការងារបើកច្រកព្រំដែនស្ទឹងបត់កំពុងដំណើរការយ៉ាងល្អ។

(1) comment

រដ្ឋមន្រ្តីការបរទេសហោ ណាំហុង កាលជួបលោកម៉ាទី រដ្ឋមន្រ្តីការបរទេសឥណ្ឌូណេស៊ីក្នុងទីក្រុងភ្នំពេញ (បណ្ណសារ)

27/03/2012 - កម្ពុជា

កម្ពុជាស្នើឥណ្ឌូណេស៊ីអោយស្វែងរកការព្រមព្រៀងពីថៃអោយបានឆាប់លើបញ្ហាដកទ័ព

កម្ពុជាបានឆ្លើយព្រមព្រៀងជាថ្មីម្តងទៀតលើលក្ខខណ្ឌប្រតិបត្តិស្តីពីការដកកងទ័ពចេញពីតំបន់ព្រំដែនប្រាសាទព្រះវិហារ។ កម្ពុជាបានឆ្លើយព្រមព្រៀងយ៉ាងនេះ តាមរយៈលិខិតផ្លូវការមួយទៅរដ្ឋមន្ត្រីការបរទេសឥណ្ឌូណេស៊ីលោក Marty Natalegawaកាលពីថ្ងៃទី២៦មីនា។

26/03/2012 - កម្ពុជា-ថៃ

ថៃអញ្ជើញកម្ពុជាប្រជុំក្រុមការងារថ្ងៃទី៣-៥ មេសា ដើម្បីអនុវត្តដីកាតុលាការឡាអេ

ក្រុមការងារចម្រុះកម្ពុជាថៃនឹងជួបគ្នារយៈពេល៣ថ្ងៃនៅដើមខែមេសាក្រោយនេះនៅក្នុងទីក្រុងបាងកកដើម្បីពិភាក្សាអំពីនីតិវិធីនៃការដកកងទ័ពចេញពីតំបន់ដែលគ្មានព្រំដែនបណ្តោះអាសន្នតាមដីកាបញ្ជារបស់តុលាការយុត្តិធម៌អន្តរជាតិ។ រដ្ឋាភិបាលថៃបានប្រើពេលជាង៣ខែ បន្ទាប់ពីកិច្ចប្រជុំគណៈកម្មាធិការព្រំដែនទូទៅកាលពីចុងខែធ្នូ ដើម្បីកំណត់ពេលវេលានៃកិច្ចប្រជុំក្រុមការងារចម្រុះ។

លោកកុយ គួងថ្លែងថា កម្ពុជាមិនបានយល់ព្រម និងមិនចាំបាច់ត្រូវមានការអភិវឌ្ឍន៍ជាមួយថៃនៅក្នុងតំបន់ដែលទាមទារនោះឡើយ

14/03/2012 - កម្ពុជា-ថៃ

កម្ពុជាបដិសេធការអភិវឌ្ឍន៍រួមគ្នានៅក្នុងតំបន់ជម្លោះក្បែរប្រាសាទព្រះវិហារ

កម្ពុជាបានច្រានចោលការអះអាងរបស់មេបញ្ជាការជាន់ខ្ពស់កងទ័ពថៃ លោក ថាណាសាក់ ផាធីម៉ាផាកន ដែលនិយាយថា លោកគាំទ្រសំដីលោកថាក់ស៊ីន ស៊ីណាវ៉ាត់ដែលធ្លាប់ស្នើអោយមានការអភិវឌ្ឍន៍រួមគ្នាក្នុងតំបន់ជម្លោះ ៤,៦គមការ៉េ។

(1) comment

រដ្ឋមន្រ្តីការបរទេសកម្ពុជា និងឥណ្ឌូណេស៊ីធ្វើសន្និសីទកាសែតក្នុងទីក្រុងភ្នំពេញ នៅថ្ងៃចន្ទទី៥មីនា ២០១២

05/03/2012 - កម្ពុជា- ឥណ្ឌូណេស៊ី

ប្រមុខការទូតកម្ពុជា និងឥណ្ឌូណេស៊ីពិភាក្សាពីការត្រៀមបញ្ជូនអ្នកសង្កេតការណ៍

នៅព្រឹកថ្ងៃចន្ទទី ៥ មីនានេះ រដ្ឋមន្ត្រីការបរទេសកម្ពុជា និងឥណ្ឌូណេស៊ី បានពិភាក្សាជាថ្មីទៀត ពីការត្រៀមបញ្ជូនអ្នកសង្កេតការណ៍ឥណ្ឌូណេស៊ី ចុះទៅកាន់តំបន់ព្រំដែនកម្ពុជា-ថៃ នៅតំបន់គ្មានកងទ័ព ដែលកំណត់ដោយតុលាការយុត្តិធម៌អន្តរជាតិ ទីក្រុងឡាអេ។

ឧត្តមសេនីយ៍ ឈុំ សុជាតិ អ្នកនាំពាក្យក្រសួងការពារជាតិកម្ពុជា

29/02/2012 - កម្ពុជា-ថៃ

ក្រុមការងារចម្រុះកម្ពុជាប្រជុំត្រៀមខ្លួនទៅប្រទេសថៃ

ក្រុមការងារចម្រុះនៃក្រសួងការពារជាតិកម្ពុជាសម្រាប់ការប្រជុំអនុវត្តដីកាបញ្ជារបស់តុលាការយុត្តិធម៌អន្តរជាតិនោះ បានជូបប្រជុំគ្នានៅព្រឹកថ្ងៃពុធនេះ ដើម្បីត្រៀមខ្លួនទៅចូលរួមប្រជុំជាមួយក្រុមការងារចម្រុះរបស់ថៃ។ កិច្ចប្រជុំនេះត្រូវបានរៀបចំធ្វើឡើងភ្លាម នៅពេលដែលកម្ពុជាបានដឹងថាថៃទើបបានបង្កើតសមាសភាពក្រុមការងាររបស់គេរួចហើយ។

ឯកអគ្គរាជទូតថៃ ប្រចាំកម្ពុជា (រូបឆ្វេង) លោក ឡុង វិសាលោ រដ្ឋលេខាធិការក្រសួងការបរទេស (ស្តាំ)

28/02/2012 - កម្ពុជា-ថៃ

កម្ពុជា ប្រគល់កំណត់ទូត តវ៉ាទៅថៃ រឿងបាញ់សម្លាប់ពលរដ្ឋខ្មែរ នៅជាយដែន

នៅព្រឹកថ្ងៃអង្គារនេះ ក្រសួងការបរទេសកម្ពុជា បានប្រគល់កំណត់ទូត ទៅកាន់រដ្ឋាភិបាលថៃ តាមរយៈឯកអគ្គរាជទូតថៃ ប្រចាំកម្ពុជា ដើម្បីតវ៉ា ចំពោះករណីទាហានថៃ បាញ់សម្លាប់ប្រជាពលរដ្ឋខ្មែរ ចំនួន ៣ នាក់ កាលពីថ្ងៃទី២២ ខែកុម្ភៈ ឆ្នាំ២០១២ នៅតំបន់ព្រំដែនខេត្តឧត្តរមានជ័យ។

ទាហានខ្មែរនៅការពារតំបន់ព្រំដែនជិតប្រាសាទព្រះវិហារ

26/02/2012 - កម្ពុជា-ថៃ

ថៃបើកធ្វើសមយុទ្ធយោធាតាមព្រំដែននៅថ្ងៃអាទិត្យនេះ

ទាហានថៃបានបើកធ្វើសមយុទ្ធបាញ់គ្រាប់ពិតទ្រង់ទ្រាយធំមួយនៅថ្ងៃអាទិត្យនេះនៅក្នុងខេត្តសុរិន្ទជាប់ព្រំដែនកម្ពុជាត្រង់តំបន់ប្រាសាទតាមាន់ ថ្មដូននិងប្រាសាទតាក្របីនៃខេត្តឧត្តរមានជ័យ។ សមយុទ្ធឈ្មោះថា«ពស់វែក» បានប្រព្រឹត្តទៅដោយគ្មានផលប៉ះពាល់ចូលទឹកដីកម្ពុជាដូចកាលពីឆ្នាំ២០០៨ទេ។

ស្វែងយល់អំពីតុលាការយុត្តិធម៌អន្តរជាតិ